16-Jul-2011, 11:17 AM
الشاعر د حمد العصيمي مبدع في كل حالاته نظم ومحاوره وينعكس اسلوبه في النظم على اسلوب حواره في الرد فهو يشبع المعنى بذكر التفاصيل ليظهر مدى قدرته على قيادة الحوار
وهنا وجدت له محاوره جيده وكان قبيله شاعر لا أعرفه ويبدو من ردوده انه يملك موهبه شعريه انه الشاعر صالح العصيمي ويبدو لي انه تمكن من مسايرة قوة الشاعر حمد العصيمي
لفت اتباهي مفردات ساقها د حمد بكثافه وكلها لها دلالات قويه (الدم الاحمر فالسيوف وفي الرماح 0زندك القداح الحزم البراح قرن الوضاح الجراح سكينك السرحان تلج الصياح السم الذحاح الرحاه)
كم من المفردات استخدمها الشاعر للدلاله على مايريد الوصول اليه
في حين ان خصمه كان يركز على مفردات أخرى
محاوره تستحق التصفح مع ان المعنى فيه شيء من الغموض
د-حمدالعصيمي
يا صالح اصلح واصلح اصحابك ما دام الصلح زين
الله يدلك للهدى والخير ودروب الصلاح
انا ادري انك ما تحب الدم الاحمر من سنين
واليوم شفت الدم الاحمر فا السيوف وفا الرماح
صالح العصيمي
يارب تصلح كل مسلم في بلاد المسلمين
والنار تاكل فالحطب والقدر فوق النار فاح
وانا ادري بكل السوالف يارضي الوالدين
ياساحر يلبس من التقوى على متنه وشاح
د-حمدالعصيمي
ما شبها الا زندك القداح والشاهد حسين
واليوم ترقى الظلع والا تنحر الحزم البراح
انا احمد الله ما غدى لي شي من دنيا ودين
واللي دخلها الغش علقها على قرن الوضاح
صالح العصيمي
الذود يرعى وانت طبعك في حلال القوم شين
تارد بها عد هماج وتترك العد القراح
وانا معي سكين لا طالت قرون ام القرين
والله لذكيها ما اخليها دقيقه فالمراح
د-حمد العصيمي
من قشر حظي كل ما اصنع خير فيكم ما يبين
وانا الطبيب اللي يعرف العلم ويداوي الجراح
سكينك اللي شلتها ما ذكت الكبش السمين
واليوم لا تعدي مع السرحان وتلج الصياح
صالح العصيمي
انته تراعي عين ساره كل وقت وكل حين
ماهي محبه في بني عمك وربعك يافلاح
انا خوي الذيب الاشهب ياخوي اباالحصين
اللي تلوى فوق عرقوبك ويكثر فالنياح
د-حمد العصيمي
ساره تراها ما تعاين فيك غير بنص عين
وليا عطيت لها العسل تعطي لك السم الذحاح
جعل يتلوى فوقك الحبل الصخيف والمتين
وليا حداك الوقت زبناك عن هوج الرياح
صالح العصيمي
انا غني بطاعة الرحمن يالقلب الفطين
ماهمني من يغلط الغلطه ولا اطلبه السماح
صحيح ابو نيه سليمه غشه ابو نيتين
مانته بناجح يابيض الشارب ولا حولك نجاح
د-حمد العصيمي
خل الرحاة تدور ويبان الثفال من الطحين
انته ليا ها الحين شايلها على خف وجناح
يا طيب من علقك تحفة مع تراث الاولين
اثر الشقاوي لو نقول ارتاح عمره ما استراح
صالح العصيمي
جحا ماهو فارس قبيله لو غزى عزوة حنين
اللي على تالي سنينه سره المدفون باح
ياسرع مادخن على راسك رصاص المارتين
واشوف وين اتروح فالدنيا ياجعلك بالرياح
وهنا وجدت له محاوره جيده وكان قبيله شاعر لا أعرفه ويبدو من ردوده انه يملك موهبه شعريه انه الشاعر صالح العصيمي ويبدو لي انه تمكن من مسايرة قوة الشاعر حمد العصيمي
لفت اتباهي مفردات ساقها د حمد بكثافه وكلها لها دلالات قويه (الدم الاحمر فالسيوف وفي الرماح 0زندك القداح الحزم البراح قرن الوضاح الجراح سكينك السرحان تلج الصياح السم الذحاح الرحاه)
كم من المفردات استخدمها الشاعر للدلاله على مايريد الوصول اليه
في حين ان خصمه كان يركز على مفردات أخرى
محاوره تستحق التصفح مع ان المعنى فيه شيء من الغموض
د-حمدالعصيمي
يا صالح اصلح واصلح اصحابك ما دام الصلح زين
الله يدلك للهدى والخير ودروب الصلاح
انا ادري انك ما تحب الدم الاحمر من سنين
واليوم شفت الدم الاحمر فا السيوف وفا الرماح
صالح العصيمي
يارب تصلح كل مسلم في بلاد المسلمين
والنار تاكل فالحطب والقدر فوق النار فاح
وانا ادري بكل السوالف يارضي الوالدين
ياساحر يلبس من التقوى على متنه وشاح
د-حمدالعصيمي
ما شبها الا زندك القداح والشاهد حسين
واليوم ترقى الظلع والا تنحر الحزم البراح
انا احمد الله ما غدى لي شي من دنيا ودين
واللي دخلها الغش علقها على قرن الوضاح
صالح العصيمي
الذود يرعى وانت طبعك في حلال القوم شين
تارد بها عد هماج وتترك العد القراح
وانا معي سكين لا طالت قرون ام القرين
والله لذكيها ما اخليها دقيقه فالمراح
د-حمد العصيمي
من قشر حظي كل ما اصنع خير فيكم ما يبين
وانا الطبيب اللي يعرف العلم ويداوي الجراح
سكينك اللي شلتها ما ذكت الكبش السمين
واليوم لا تعدي مع السرحان وتلج الصياح
صالح العصيمي
انته تراعي عين ساره كل وقت وكل حين
ماهي محبه في بني عمك وربعك يافلاح
انا خوي الذيب الاشهب ياخوي اباالحصين
اللي تلوى فوق عرقوبك ويكثر فالنياح
د-حمد العصيمي
ساره تراها ما تعاين فيك غير بنص عين
وليا عطيت لها العسل تعطي لك السم الذحاح
جعل يتلوى فوقك الحبل الصخيف والمتين
وليا حداك الوقت زبناك عن هوج الرياح
صالح العصيمي
انا غني بطاعة الرحمن يالقلب الفطين
ماهمني من يغلط الغلطه ولا اطلبه السماح
صحيح ابو نيه سليمه غشه ابو نيتين
مانته بناجح يابيض الشارب ولا حولك نجاح
د-حمد العصيمي
خل الرحاة تدور ويبان الثفال من الطحين
انته ليا ها الحين شايلها على خف وجناح
يا طيب من علقك تحفة مع تراث الاولين
اثر الشقاوي لو نقول ارتاح عمره ما استراح
صالح العصيمي
جحا ماهو فارس قبيله لو غزى عزوة حنين
اللي على تالي سنينه سره المدفون باح
ياسرع مادخن على راسك رصاص المارتين
واشوف وين اتروح فالدنيا ياجعلك بالرياح
