مقلع طميه

مادام ياهاجس الفارس قضبت العنان = من عقب مقلع طميه في الخواطر كروب
حبيت اعاتب وليف(ن) بالقطيعه مدان = ولازال له مسكن(ن) في القلب بين الجنوب
اللي بعقدين ولف العاشقين استهان = واسقا وليفه من العلقم ثمانين كوب
وشلون ياعندليب الصوت ياخيزران = القد تشعل فتيل العشق وسط القلوب
ماهوب حق(ن) عليك اليوم تهجر كيان = اللي يشوفك شروق وحب غيرك غروب
لوشاف قربك يهز امنه وفرقاك امان = يختار دربك ولا يرضى بغيره دروب
اغراه منك اهتمام ومن لسانك بيان = تسلب به الباب نوب وتلفت انضار نوب
اليوم لو شاف حاله قاسي القلب لان = قلبه ويلبس من التقوى والاحسان ثوب
الذ طعم الحديث من العسل في اللسان = والقلب مثل الحكومه والجوارح شعوب
تمشي على كيف شفه من مكان لمكان = ولو تختلف كل ما يبنى عليها يذوب
ون كان حبي معك يازين كبوة حصان = يمكن بعد ذا الجفا من سيرة الحب اتوب
انا ليا اليوم احس اني كسبت الرهان = ماني مصدق فراق اغلى واعز محبوب
اعيش في ذا الزمن باحلام لذت زمان = عرفت فيه الغلا واقفيت عنه مغصوب
للحزن في القلب بيت وللجروح احتقان = ومعها تناسيت ظرف(ن) جيت منه مغلوب
فيه افتقدت الحياه المفعمه بالحنان = ساعة تغشى نوايانا العفيفه عيوب
الحب له في القلوب اصل ومكانه وشان = لو كان شوف الحبيب عن الحبيب محجوب
نعرف بأن المحن للمومنين امتحان = يمكن بصبره ينقى من جميع الذنوب
واليوم للصدق وقت وهاجس الجد حان = ماعاد نسج الخيال عن الحقيقه ينوب
الله يعوض المعنى بالجوار الحسان = نهار يلتف ساقه بالقماش معصوب
في جنة(ن) دانيه بالورد والزعفران = راضي ويغشاه نور الحور من كل صوب
هذا جزا المؤمن اللي بالكريم استعان = على المحن واحتساب الاجر حق ووجوب
هذا كلام المحب اللي جفاه الزمان = والمقبله بامرها يدري مذير الهبوب
وصلاة ربي عدد من صام شهر رمضان = على النبي والسلام من القلوب محسوب

.
.
.
.
.
صح السانكـــ
.
.
.
.
.

صح بدنك

اخوي خليل

,,

صح لساانكـ مليووون ولا تهوون,,

صح لسانك ملايين

شاعر مبدع لاهنت

تحياتي لك

صح بدنك شرفتني

بمرورك الله يعطيك

العافيه يا محمد

صح بدنك يا ابن الكرام

اسعدني مرورك الجزل

صح لسانك يابن سلوم ولاهنت

صح بدنك اخوي فناص القوافي
شكرا لك يالغالي