مجموعة من محاورات رشيد الزلامي

أخواني أعضاء منتدى الهيلا هذه مجموعة من محاورات

الشاعر / رشيد الزلامي أحببت أن أوردها لكم


تحياااااااااتي

محاورة بين رشيد الزلامي - ومحمد المسعودي



الـــــــــــــزلامــــــــــــي
سلام الله سلام اسلام في حفلة رجال هذيل=أهل وادي المضيق اللي نمره بالسنه مره
انا ودي اجيهم في جبلهم كل يوم وليل=لحيث جبالهم في شكلها قطعه من الحره

الــــــــمــــــســـــعــــودي
هلا يامرحبا ترحيب مثل البن فوق الهيل=يا طرقي ليا قصيت لك فالدار لك جره
بعيد يا الزلامي عنك بعد الجدي ولا سهيل=وانا ماخبر لكم فديارنا مايازن الذره

الـــــــــــــزلامــــــــــــي
محمد يا رفيقي لا تزد ملحها بالحيل=ترى كبدي على واحد من الهذلان محتره
اجل ماعاد ابي ديرتك ياجعله يجيها السيل=بلاش من الجبل ماعاد ابي خيره ولا شره

الــــــــمــــــســـــعــــودي
ترى الميزان بالميزان والكاله تجيب الكيل=ليامنك بغيت الحلوة اصبر وابلع المره
ليامديت رجلك خطوتك تسبق جياد الخيل=وانا اعرف الحسودي واكحله بالكحل واذره

الـــــــــــــزلامــــــــــــي
انا مابغي لك الاحراج انا مارضى عليك الميل=دفعت الباخـره لكن جات فـالبحر مفـتره
مادام الضيف يطلب شي ومحمد عليه بخيل=وابن سودا صديقه مار ماسره ولا ضره

الــــــــمــــــســـــعــــودي
اخذ علم الحقيقه واترك اهل القال واهل القيل=ترى مـن طبعنا ما نوعد الرجال ونغـره
اليامني عرفت انك مبتل وزعتك تبتيل=فزعت بفزعتي مع عزوتي والعين محمره

الـــــــــــــزلامــــــــــــي
علوم محلله من عصر مايبغالها تحليل=وانا والله عارف يا هذيل دميكم حره
مانشرب بدرت الراعي واحنا فوق شاط النيل=وصار العلم بجناح العمامهواحكم الصره

الــــــــمــــــســـــعــــودي
مادام انك تعرف العلم ليش تحط ليش تشيل=توكل مايهاب الغبه اللي يرغب الدره
مساجدكم كثيره واسمع التكبير والتهليل=واظن اعلومكم راحت مع الفوال والجره

الـــــــــــــزلامــــــــــــي
بغيت اقنع بغيت ارجع وحيلك ياقوي الحيل=لكنك قلت لا تقنع وهذي هرجت القره
انا عيني تشوف الدرب مايحتاج لي دربيل=لو امسك راعي الجره برجله جيت مجتره
الــــــــمــــــســـــعــــودي
ترى الموجز بدايه بعده الأخبار بالتفصيل=يجيك العلم من بطن البحر ويجيك من بره
تشوف الدرب عينك مار بعيونك تشوف الويل=تقرب من عراقيب الجمل كره بعد كره

رشيد الزلامي مع صياف الحربي



الــــــــــــزلامــــــــــي
يا سلامي ها السلام اللي خفيـف ٍ دمّـه=معه جنسية ويبغى لـه جـواز سعـودي
مشكلة صياف صارت بين ابـوه وعمّـه=والسبب ناس ٍ تدق الملـح والبـارودي


الــــــــحــــــربـــــــــي
مرحبا بالشاعر اللي مـا قـدرت آذمّـه=الليالـي مـا تغيّـر والزمـان ايعـودي
الزلامي معه علـم وكـل شـي ايهمّـه=مير لو يزعل تغيّـره الليـال السـودي


الــــــــــــزلامــــــــــي
كيف تدلي بالشهـادة يـا كبيـر الذمّـه=وأنت ما شب الك ضوّك غير قدح زنودي
صرت مثل اللي كبر وانكر لبن ديس امّه=والعرب فالصيف تعرف عدها المـارودي


الــــــــحــــــربـــــــــي
العلوم اللي تحـط النـاس راس القمّـه=حبلها من يمكم يـا صاحبـي معقـودي
ثوبك اللي ما ينوش الأرض غير ابكمّـه=نزله للجمرة اللي فـوق راس العـودي


الــــــــــــزلامــــــــــي
ودي اكشـف غلطتـك للعالـم الملتمّـه=أنت حربياً تطالبنـي بـورث اجـدودي
يـا محبيـن العقـال ومنكريـن العمّـه=خصمكم في الآخرة عبد الله المسعـودي


الــــــــحــــــربـــــــــي
أنتم رجال الشـرف وعظامكـم منسمّـه=أعبروا ذاك الطريق وحملكـم مشـدودي
أنت ما تدري عن البارود ليـن اتشمّـه=مير لا ترمي بها فالـوادي المسـدودي


الــــــــــــزلامــــــــــي
لوّ يا صياف علمـي تمسكـه وتضمّـه=تاجده مثل العسـل وألا حليـب القـودي
أنت تحسب جدنـا داب يمـوت بسمّـه=مير أنا باذل لنصره طاقتـي وجهـودي


الــــــــحــــــربـــــــــي
يقطع الله ديرة اللي مـا يعـرف الجمّـه=والتجـارة يالعتيبـي بابهـا محـدودي
قبرك اللي في تهامـه بالتـراب اندمّـه=تحفره بالليل الأظلـم والعبـاد رقـودي

محاورة للشاعر ملفي الشلاحي مع الشاعر / رشيد الزلامي




الــــــــشــــــلاحــــي
ياضيوفٍ حضرتوا يسعد الله مساكم=كل ضيفٍ نبي نأخذ حمايض علومه
الزلامي يحسب انه على الشعر حاكم=ما درى إنّا على الشعار مثل الحكومة


الــــــــــزلامـــــــــي
كان فيها تحدي فارقونا وراكم=عارفين القمر والليل نحسب نجومه
ياعرب مالحقنا شك في مستواكم=مير ياليت حضن الضلع يلزم بقومه


الــــــــشــــــلاحــــي
ياعتيبة زعلكم ما يباعد رضاكم=من يحب التحدي ما تردى عزومه
ياوسيع البنايد ما رضينا خطاكم=وادري ان المطيري ما فرحت بقدومه


الــــــــــزلامـــــــــي
شرنا مانعينه وان طلبتوه جاكم=مير خلوا لحاكم غالية ومحشومة
امتحنتوا عتيبة هالسنة وش بلاكم=والمراجل بحر واللي يعومه يعومه


الــــــــشــــــلاحــــي
والله إنّا مانرجي قطرةٍ من سماكم=ياعسا هالسنة تكثر عليكم غيومه
العتيبي طبيعي لو همومه تراكم=عادة اصغر مطيريٍ يزود همومه


الــــــــــزلامـــــــــي
يالاجاويد حنا ربعكم وقصراكم=والعرب ما تطق الباب غير معزومه
اعزمونا ونلفيكم وتكرم لحاكم=لا تقولون هذا عندنا وش لزومه


الــــــــشــــــلاحــــي
راعي البيت رجلٍ جالسٍ في حراكم=مير ضيف العرب يونس على الكبد لومة
يا عتيبة ترا داكم طلع من رداكم=المثايل قديمة و الشكوك معدومة


الــــــــــزلامـــــــــي
في زمانٍ مضى نزعل ونلعن ثواكم=والعشية مطير مريّحة ومخدومة
ليت والله يجي فرصة ونقلع مداكم=لو ملفي من الضيقة يشقق هدومه


الــــــــشــــــلاحــــي
دائم افعولكم ما تتفق مع حكاكم=مير خلك على البيداء ونومتك نومة

رشيد الزلامي مع محمد السناني




الـــــــســــــنـــــــاني
هل الطايف عرب منهم تسلسل يوسف الحاج=اجنشرله في بلاد الرافديـن ابيـات مشهـوره
رشيد الله يبـارك فيـه ماحصلهـا مخـراج=وصاحبنا دخيل مافـرق بالاصـل والصـوره
الــــــــزلامـــــــــــي
طردنا يوسف الحجاج وانته تبغـي المنهـاج=بعد ساعه يبي يضحك عليك مشجع الكـوره
تعبنا يالسناني مـا لقينـا للمريـض عـلاج=اثر بعض المرض يتعب دمرجيـه ودكتـوره
الـــــــســــــنـــــــاني
ترى التاريخ فيه اثبات ماهو هرجة الهـراج=وأضنك ما دخلته غير بعد عيال اخـو نـوره
منول يالزلامي في يداك الوضع مـا يحتـاج=وهالحينه وراك تدور مستشفـى وشرشـوره
الــــــــزلامـــــــــــي
ترى التاريخ واضح في زمان الفتح والمعراج=أخذنـا حقنـا وانتـم بعـد يبغالـكـم دوره
تهاوشتوا على مغراف فول وخبزتن في صاج=عجز يقنعكم الشيخ الكبير ومجلـس الشـوره
الـــــــســــــنـــــــاني
كفو ياصحابنا قـدام ذاك الخـط مـا ينعـاج=وهالحينه من البحر الحمـر ينبـل حنجـوره
حضرت الهوشه الكبرى وقمت تراقب الابراج=لكن شوري عليك تخلي الاوضـاع مستـوره
الــــــــزلامـــــــــــي
عسى ربي يعز الشمعه اللي نورهـا وهـاج=ويعين اللي من البحر الحمر مدلك ماصـوره
مدام البر جاك من اليمـن والتمـر بالافـلاج=لا تطمع في هذيك الصره اللي عنك مصروره
الـــــــســــــنـــــــاني
نقول الله يديم اللي وجـوده فالليـال سـراج=يسدد عنك فاتـوره ويلغـي عنـك فاتـوره
تجمعتـوا ثـلاث ايـام فالطيـاره الميـراج=وكبتنها غشيـم ورحلتـه ماهـي بميسـوره
الــــــــزلامـــــــــــي
على كلمتك هذي مستحقن نجمتيـن وتـاج=لكن تقص روس النـاس لواعطـوك دبـوره
انا والله مبيلك بين خلـق الله غثـا واحـراج=لكن انته حدى الركـاب والاحـوال مستـوره

رشيد الزلامي مع شليويح المطيري


الــــــــــــزلامـــــــــــي
من على هـذا المكان اللي يشعشع نـوره=أسـسه عبد العزيـز وعمره سلماني
ياسلام الله على أهـل الديـره المعموره=يـامعـازيبـي وياربعي وياصدقاني

الـــــمـــــطـــــيـــــري
موقعٍ فيه الشرف والعـدل ياخـذ دوره=كـل ماغـلقـت قافـك جاك قافٍ ثاني
مرحبا باللي ليامنه رسـم له صـوره=صـورةٍ فيها الخطر بإسـم الله الرحماني

الــــــــــــزلامـــــــــــي
إتجه للغرب وأحـوال العرب مستـوره=ماقـراه الغـامدي علم بـه الزهـراني
لقمة الهندي كبيـره وقطعت حنجـوره=لو أترجـم قصـة الهنـدي قطعت لساني

الـــــمـــــطـــــيـــــري
إتجه للغـرب وإقـر اللي على السبوره=ثـم دور للطبـيب مـداوي المرضـاني
وأقضب الخط المقابل ثـم أخذلك دوره=والله اللي يفـرق المسلم عـن النصـراني

الــــــــــــزلامـــــــــــي
ياخـويانا لاتصير أفكاركم محصـوره=كل عـود يصيـر له شعلـه وله دخـاني
أنته الليله عوج وأعوج من الباكوره=وأنـت رأس غليس وأنت الصاحب القوماني

الـــــمـــــطـــــيـــــري
والله إنـا مانعصيك العصا المكسـوره=والمفـتـح مايعيش بديـرة العميـاني
يالزلامي لاتجيـب العملـه المقبـوره=عـوجتـي مانتـه معدلهـا ولاتبـلاني

الــــــــــــزلامـــــــــــي
أنت ساكن في محـلٍ ماتطيـر طيوره=شـد عـن هـذا ودور لك محـلٍ ثـاني
لو خليـت الجمل يبـرك عليك بزوره=كان بـن شلاح يـذكـرنـي ولاينسـاني

الـــــمـــــطـــــيـــــري
قـاعـدٍ لي في مكانٍ ماتشـيـن زهوره=وأنـت خلصت العشـاء وأقـرعت بالقدحاني
لو لحقت الوقت الأول ماعرفت عصوره=جـدك اللي باعـهـا بالعـرف مـع جـداني

الفراهيدي

بيض الله وجهك على الجهد المبذول وماقصرت ياغالي

تحيااااااااااااااااتي

حياك الله


وجهك ابيض يالدلبحي

...
سلمت يداك
اختيارت رائعه ... كيف لا..
والعامل المشترك في هذه المحاورات
الشاعر العلم
رشيد الزلامي..
كل الود

الفراهيدي مشكور

على هذا الجهد

تقبل تحيااتي

الفراهيدي يعطيك العافيه اخترت واحسنت الاختيار


جهد تشكر عليه

تحياتي

مرزوق العتيبي

يشرفني مرورك

ماجد الهذلي

شاكرين مرورك

ابو عبد الرحمن

الله يحيك

وشكرا على مرورك

الفراهيدي

بيض الله وجهك على الجهد المبذول


وماقصرت ياغالي

تحيااااااااااااااااتي

الغازي

الله يحيك وجهك أبيض

تحياااااتي

الفراهيدي

بيض الله وجهك على الجهد المبذول


وماقصرت ياغالي

تحيااااااااااااااااتي

سالم الصويت

ووجهك أبيض يالغالي