ديــــــوان نــايــف صـــــقــــر

[صورة غير متوفرة]

طاحت حصون في ديار الحضر = وعربدت ريح في خيام البـدو

كسّرت كل يـابـس والخضـر = وأبـرزت بالصهيـل ولاحـدو

تغلــبيّ تولـع فــي مضـر = وأرحلـوا عـن حجازه وانجدوا

وكان بالصـــد للدولـه نظر = ضـاع للعاشقـين ولاهتـدوا

أتلفــوا كل شريــانٍ نظـر = واحـدروا فالعـروق وسنـدوا

مات أمانــي بعدهم واحتضـر = في شـتاهم هـواه ولا اوقـدوا

قال أبــي روشنين من الحضـر = ومن هل النـوق بيت من سـدو

يابـير طيّك طـي وأعـمـــاقـك أعــمـاق = ويـعـيش بـك داب وحـمامه وعصفــــور

فاضت عيـونك مـاك وإبتلـت أحـداق = وتــنــهــدت مـنــك مــحـالـه لــناعـور

يـوم إنـبـطت روحـك سـجدتي لخلاّق = وعقب إرتفع جمّك ضحكتي مع النــور

ويوم انهمر دمعك خضعتي على ساق = ويـوم اكسر حجلك زعلتي على الحــور

يـا مـابــك الــرمــان زهـر في الاوراق = لــين إكــتنــز في حــلق نحلـه ودبــّور

ويـاكــم وردك وصـدرك ضـين ونـيــاق = ويــاكـم بـهـج جـمـك بـعــاريـن وصــدور

ويا مارطب نخلك تعسّل في الارياق = ويا ما طحين أرضك تقسّم على الدور

ويــا مــا وهـبـتي جــل وأفـنـيتي إدقــاق = ويا ما هماجك حل في الخصب والبــور

شفـتك وأنـا قلبي على صلـدك إرقـاق = وحسّيت في حـنـجـــرتي عظام وكسور

لـيـتـلي ذود يــدك البـيــد وأحــد الــه الحـالـه=كـان ما والله علي خلاف في نجد العذيّه
جفت أقــلام الغــرام وطـوّل المحبـوب بــالـه=والله إني ماهقيت ان الغضي يقسى عليّه
وش خطاي الا المحبه وش رجاي الا وصاله=وش يبي غير المـودة والغـلا والمقدريّه
دلـلـوه اللي ربـــوه صغيـر وأسـرفـبي دلالـه =ليت لي قلبٍ يطيق الصبر وعيونٍ خليّه
والغضـي لــو لاعــه التحنـان وبقلبه عـدالـه = ما غدت من دونه القيعان جردٍ جرهديّه
وإن تشــرّه قـايـد الغــزلان مـاله بـي جمالـه =لعنبـو من خان خلانه وجنّب عن خويّه
عن جنـوبـه والـولـه والشـوق يغنيني شمالـه =صــد يـاقـلب لا صـد وضـّـاح الـثـنـيـّه
ما إنت يالخفّاق عبدٍ له ولا أنت أصغر عياله=أنت خفّاق الضلوع العوج والخيره خفيّه

القلب كل ارباعه خلي وعروق =يقرا به الظامي قصيدة سرابه
للريح في رمل التباريح محروق =وتلعب خماسين الوله في ترابه
ومع القلم هات ابيض الطرس ياصفوق=راعي الهوى ماجابنا الوقت جابه
لو من حل حكاية الشهد مخلوق =ماكرم الله العسل في كتابه
لو للسحايب ياطويل الهدب سوق =شريت لك برقٍ رهيف وسحابه
هتانها ياصاحبي لو هطل فوق =اخضرت اطراف السما من عتابه
شاعر عيونك لاكتب فيك طاروق=تختال اسارير الزهر في ثيابه
والفرقا ماتنبت بختري ورقروق=ولاتشرح الصدر الحزين الربابه
وكان انكرت صوتي وتوديهي النوق=باموت من قل الوفا والصبابه
باسباب ما اعاني من الوجد والشوق =إن غبت اجروحك بقلبي تشابه

يقولون الشعـر وصل القلم والصفحة الطرقى= وأنـا أقـول الشعر قدح الخيال ونار صوّانه
حبيبي.. والبحر سـور التراب ودفتر الغـرقى =لــو إني مـاكـتبتك ..لامـني مـلحـه ومـرجانه
حبيبي لاهـمي حبـر العــروق الغيمه الـزرقى=على رمـل الـورق دمي ســحـابٍ هــل هتـّانه
حبيبي كـل مـا ذعـذع جـفاك ونـاحت الـورقى=يتـل البــال قـلبي وأهــدي السـجـّات جـنحـانه
حبيبي وإنت مرقاب الشجون وهاجس المرقى=تــرى كـلٍ يمـوت الا الـوفـي بعيــون خــلاّنه
حبيبي..والجــروح اللي سـببها لـيـلة الـفــرقى = ضمايدها الوصال اليا ظمى المحروم حرمانه
حبيبي لو يسامحك البحــر ..وتبيحـك الغـرقى=أنـا مـا أسـامحك ولـو لامـني مـلحه ومرجانه

طلة البندري مثل النهار الجميـل=ياهلا بالعيون السود واجفانها
كنها مهرة شقرا صغيرة وأصيل=عـزوة اخوانها وعيال عمانها
عين حرٍ يهدّونه ورمش طـويل=من عشقها غدا بدروب سلوانها
ماعليها ولو قالوا قصيرة جـديل=مـن بهاها القلوب يهج بيبانها
دللوها قمر نجد الغـزال الثقيل=وامـدحوا في مناسبها وجدّانها
بنت قرم الياناش الزنـاد الفتيل=يرتكي للحمول لياالتوى شانها
وربعها الطيبين الي تفك الدخيل=لاعتلى الخيل يوم الحرب دخانها
جتكم البندري شمس سناها جميل=كنها الـوردة اللي تفتن الوانها

نار الحطب صفرا وزفراتها زرق=يذكر بها الأخضر ليالي جفافه
لشموسها شبيت في سدرة الشرق=واطعمتها طلح الشجن والحسافه
لعلي اكتب من لحون الدفا طرق=والا اجمع التمر لمواسم خرافه
والشاعر اللي يجهل النوح والورق=يغيب عن بال التباريح قافه
الشعر انا حادي مجاهيمه الزرق =اللي ترزم لي حنين ولطافه
بيني وبين اللي يغنون به فرق=لاني اشقي به واحبه واخافه
والمزنه اللي شافي قطنها البرق =سالت ونسيتها الرعود ارتجافه

يــاحبيبـي والـبـكـا هــم المحـاجـــر= بـالدمــوع ابـرد مـناديلي كــويتـه
آه مـن صـوت تـرك كـل الحنـاجــر=وإنتثر فـي دفتـري شـعـر وقريته
كـل هــذا وإنت قـاسـي قلب هـاجــر=مـاهـداك الله وأخـذت اللي عطيته
صـاحبك لين حشـا والحسـن فـاجــر= مـن لمحتـه قـلت هـاك اللي بغيتـه
من غرامك في غلاك أرحل وأهاجر=وإن ضـواني ليل من يمّك سـريته
لاتـزيـد طعــوني أوجعت الخنـاجــر=مــابـقـى عــرق بـقـلبي مـاثـنـيـته
لـو عـيـوني غـيـم وأهـدابك محاجـر=ماظما رمشك مع تحت دمعٍ بكيته
نايف صقر

تسلم ياخالد

بيض الله وجهك على المجهود الرائع

تحيااااااااااااااااااتي

خالد العصيمي


سلمت يداك على النقل الكريم وسلمت يداك على نقل القصائد العذبه


للشاعر / نايف صقر صح لسانه وتحياتي لك الغااااااالي .

السلام عليكم :
الشاعر نايف صقر شاعر متمكن ..
شاعر يجيد توظيف المفردة ويعتني بها ..

مشكور يالغالي ..

الدلبحي

مرورك يكمل جمال المشاركه

وينير شاشة المتصفح

فيصل المسعودي


يسلم من قال

مشكووور على مرورك العذب

أخوك خالد العصيمي

ولد روق

مشكور على مرورك العذب لك خالص تحياتي

خالد العصيمي

صح لسانك ولسان نايف صقر

تحياااااااااتي

صح لسسسسسان نايف صقـر .. ونتمنـى له التوفيـق وتُـشكر أخـوي خآلـد ع الموضوع ولاهنـت ..


تحيآآتي..

كم احبك هذا المبدع



نايف الشعر هو لوحه لوحده من الجمال ..!

شااااااااااااعر كبير نايف صقر وشهر من نار على علم تسلم يمينك يااا العصيمي تحياتي اخووك :علي الرويبخ العتيبي

تسلم ياخالد العصيمي

بيض الله وجهك على المجهود الرائع

تحيااااااااااااااااااتي

ابن ثابت


لاهنت على مرورك

لك خالص تحياتي

مناور المورقي

مرورك ينير شاشة المتصفح


لاهنت

الشاعر المبدع ماجد


مرورك ينير شاشة المتصفح


لاهنت

على الرويبخ

مرورك ينير شاشة المتصفح


لاهنت

سالم الصويت


لاشكر على واجب

لاهنت أخوي

الشعر انا حادي مجاهيمه الـزرق
اللي ترزم لـي حنيـن ولطافـه
بيني وبين اللي يغنون بـه فـرق
لاني اشقي بـه واحبـه واخافـه


بحر لحاله و عزالله صدق

مشكور ياولد عاصم

بيض الله وجهك على النقل الرائع

صح لساااان الشاعر الكبير النادر / نايف صقر ..



ولاهنت يالغالي على النقل ..



تحيتي
..

نار الحطب صفرا وزفراتها زرق

ياوجه الله

ربي وربه الله هالشاعر

يمتلك ملكة شعر راقيه جداً

كثير من حاول تقليد الصقر نايف

لكن لم يصلو الى ماوصل اليه

لله دره

وكل الشكر لك ياخالد على هذه الذائقه الملكيه