ارضٍ بلا نبت...!!

السلام عليكم ...!!
اتمنى ان تحوز هذه القصيده علي استحسانكم...!!

يازين عن حب الغنادير لو تبت ..... لاشك ماني عن محبتك تايــــب
غايب ولاكنك عن العين ماغبت .... دايـــم على بالي ولو كنت غايب
من يوم فارقتك عليل ولاطبت .... زادت همومـي والجروح العـــطايب
شيبت من كثر الهواجيس شيبت .... خلتني احزاني وانا صغير شايـب
أسهر مع الاحزان والهم والكبت ..... والنار تشعل وسط قلبي لهايـب
السبت ولَى وابتدى عقبه السبت .... وانا دموعي فوق خدي سكايب
عانيت انا من شان خلي تعذبت ..... عزَي لحالي من زمان العجايـب
دنياي من دونه كما ارض بلا نبت .... حزين واشـتكي وكلي مصايب
اما يجيني علم عن صاحبي ثبت .... والا اقول إنـــــي مع الحب خايب


وسلامتكم...

صح السانك يارائع

قصيده جميله

والغنادير ما اظن ان عنهم توبه ابدا"ابدا"

لكن الله يعينك ويعينا جميعا

لكل مايحبه ويرضاه

صح لساااانك

ونتنظر منك المزيد

ابن عاصم : صح بدنك ولاهنت على مرورك وتقييمك على هذه القصيده ... اما عن الغنادير ياخوك قلوبنا خضر ماعننا مجناب عنهم الله يكون في العون :)


ابو وعيل : صح بدنك وابشر بالخير .

تحياتي

يازين عن حب الغنادير لو تبت ..... لاشك ماني عن محبتك تايــــب
غايب ولاكنك عن العين ماغبت .... دايـــم على بالي ولو كنت غايب

ياسلاااااااااااام حلووووووه هالبيتين يالشامخ


من يوم فارقتك عليل ولاطبت .... زادت همومـي والجروح العـــطايب
شيبت من كثر الهواجيس شيبت .... خلتني احزاني وانا صغير شايـب
أسهر مع الاحزان والهم والكبت ..... والنار تشعل وسط قلبي لهايـب

رااااااااائع هناااا في الوصف يالشامخ
السبت ولَى وابتدى عقبه السبت .... وانا دموعي فوق خدي سكايب
عانيت انا من شان خلي تعذبت ..... عزَي لحالي من زمان العجايـب

وهنا بدا يضعف المعنى شوي ياذيبان

دنياي من دونه كما ارض بلا نبت .... حزين واشـتكي وكلي مصايب

وهنا بدى الكسرررررر في هذا البيت
لو قلت ... عقبه انا دنياي أرضٍ بلا نبت........ حزين في دنياي كلي مصايب... مثلا


اما يجيني علم عن صاحبي ثبت .... والا اقول إنـــــي مع الحب خايب

نهايه طيبه

على العموووووووم صح لساااااااااااااااااااااااااااانك ولاهنت قصيده راااااائعه

يالشامخ ويجي منك أجمل وأحسن يالقررررررم

وتقبل تطفلي

ولك تحياااااتي

أبو مشعااااب


وسلامتكم...