ابيات بين الولد وعمه يطلب ايد بنت عمه

اول ما نبدا باسم الله ووجيه الخير ا نحييها
اهلا هلا يا ابو عميشا اول مرة ونثنيها
العم : قل لي يوم اجي وش جابك وامك ليه انت مخليها
الابن : انا جيتك ودي بنتك تكفى عمي زوجنيها
العم : ابشر بالي جيته لجله بس خمس اشروط اتلبيها
الابن : كل اشروطك على راسي بنتك تطلب وأنا اعطيها
العم : انا ودي جيب جنط ولا الدداسن ما بيها
الابن : يا عالم هذا اولها والله يستر من تاليها
العم : وبنتي تبي بيت لحاله يعني فلة تسكن فيها
الابن : حاظر يا عمي بالفلة لعيون اعميشان ابنيها
العم : وتبي خدامة طباخة تسوي قهوتها وشاهيها
الابن : كل اشروطه على على راسي عميشا تطلب وانا اعطيها
العم : وتبي سيارة جديدة وتبي سواق ايوديها
الابن : امري لله ويش اسوي حتى السيارة نشريها
العم : وامك يوم ايدي خرفانة وبنتي ما اتطيق اتراعيها
الابن : وهذي امي ماله غيري ولازم بالخيرا نجازيها
العم : وده خالك ولا جارك ولا شف لك صرفة فيها
الابن : والله يا عمي زودته ودليت اتحوس ابتاليها
العم : هذا شرطي ودك والا عميشا كل وده فيها
الابن : امي عندي تسوى الدنيا وبنتك عندك ما نبيها
العم : اطلع يالخايب من بيتي والا هالحين اسويها
الابن : احفظ كلامك يالشيبة لقلب عاليها واطيها

|3|وسلامتكم يالغالين |3|

بيض الله وجهك ....هذي سمعتها في اناشيد
وادورها لي مده مشكور ولاقصرت

العم : اطلع يالخايب من بيتي والا هالحين اسويها
الابن : احفظ كلامك يالشيبة لقلب عاليها واطيها

العم :لاوالله الى راح الجيب والدسن مالى شرهه فيها
الأبن : بنتك خابرها مطيوره تحسب ان الدنيا دايم ليها
الأم: ابني اترك بنته شينه وتحسب انى با اخليها
والله لكيدلها كيدن تنشبه مادامة فيها
والشايب علومه عندى اعرفله حاضرها وماضيها
امش امش ارواحك خابرتلك بنت حليويه ترضابى وارضا بيها
وابوها مايبغاله ددسن وديون يغركم فيها
يبغا يستر ابنياته ويكسبله اجر فيها

هذه تكمله من اخوكم الغربي
والباقي عليكم

الغربي