هزيتني كما يهز النفط

والله لكتب لك بيـوت الشعـر مـن دم الفـواد ........ واجعل نقطها من دموع العيـن فـوق حروفهـا
هذا دليل الصدق فـي حبـك وبرهـان الوكـاد ......... رغم انعكاسـات الحيـاة القاسيـه وضروفهـا
هزيتنـي كمـا يهـز النفـط وضـع الاقتصـاد............ بالدولـه اللـي مايعـادل دخلهـا مصروفـهـا
والفرق بافكـار البشـر يفـوق كـل الاعتقـاد ............. بـس الكلافـه ماتصيـر الا علـى مكلوفـهـا
احـدٍ يخطـط للسياسـه بالنضـال وبالجـهـاد ............ واحدٍ يخطـط بـس كيـف اتقابلـه ويشوفهـا
بالخير يادنيـا السعـاده شـي قـل وشـي زاد ............ وانـا بعينـي شايـفٍ بقعـا تهـز كتوفـهـا
نفخت جمر النار ابيها تشتعـل وامسـت رمـاد ............. وصكيت بيبـان البنايـه والبـلا فـي جوفهـا
من كثر ماشفت العبـاد اللـي يعبـدون العبـاد ............ اصرف نظر عينـي وجنبهـا تقـل ماشوفهـا
مات الطبيب وضاع طبه والمرض هيمن وسـاد ........... وانا اتمسكن في رجاها وارتعـش مـن خوفهـا
وان كان راس المال ولا واصبح المربـح نفـاد ............ ماتنفع اليمنى على اليسـري بخبـط اكفوفهـا
اعمر مدينـة ربمـا واروي روايـة شهـرزاد ........... ومن الشقا حتى عيوني صرت اكـذب شوفهـا
يالليل نزرع زرعنا والصبـح ياطـاه الحصـاد ........... واللـي نبـي منهـا تلقينـا بيـاض اخفوفهـا
ماباقي(ن) غير الحضوض اتباع في سوق المزاد ............. عنـد الرجـال اللـي تزكـي كذبهـا بحلوفهـا
ياما تلحفنـا السمـا وفراشنـا شـوك العـراد ........... ومن المعـزه ماطلبنـا النـاس مـن معروفهـا
وتراي من غيرك سوات العين من غير السواد ......... واليا فقدتك مثـل يـوم العيـن تفقـد شوفهـا
فـي داخلـي كـن وزيـر الداخليـه فالـبـلاد .............. لبـى العيـون اللـي تهددنـا بحـد سيوفـهـا




منقووووووووووووول

صح السانك
والسان شاعرها

الله يعطيك العافيه

لاخلا ولاعدم ياغالي

ابومشاري

صح بدنك ... وحياك الله


ومشكور الف على المرور المميز

قصيدة رايعه صح لسانك ولسان من قالها
وياليت لو تذكر اسم شاعرها ان امكن.
ابو سديم

اخي ابو سديم


صح بدنك ... وحياك الله


من ناحية شاعرها ليس لدي علم من هو


لك مني كل الود

لاهنت


والى الامام


تحيااااااااااااااااااااااااتي

اخي ابن نعيس


ولاتهون على المرور العطر



تقبل سلامي

صــــــــــــــح لســـــــــــــانك


حتى ولو لم تعرف شاعرها



فا أنت مبـــــــــــــــــــــــدع



وإلى الأمام إن شاء الله



تحيااااااااااااااااااااااتي