19-Jun-2006, 09:41 AM
عبدالرحمن محمد آل شاهر
بآخذ همومي تالي الليل وأسري =
علي الاقي تالي العمر مخلوق
أفضي له المكتوم في وسط صدري=
وارتاح من هم بها لقلب مخنوق
عشرة طعون وفاير الدم يجري =
بين الحنايا وبين طيات العروق
أسوق حظي سوق والعمر يجري =
يوم يجي حالي وأيام ماذوق
راضي كذا مجبور ما عاد تدري =
أيام نقضيها على المر والعوق
وأيام بالفرحه نساوم ونشري =
ونبيع صاع الحزن في أول السوق
عابر سبيل وفرحتي طول شبري =
أصافح الظلمى ولي جفن مشقوق
مدامعي تنزف وياطول صبري =
على فراق اللي غدى أعز مخلوق
يا عبرتي وش عاد في العمر يغري =
راح الزمان وكل ماراح مسروق
وين إنت ياللي الجرح لا جيت يبري =
بدلت عام الوصل بفراق وفروق
عرفتني غيمة بها المزن يثري =
وأخلفت في صدري تبااريح وحروق
عزاي لعيون الشقى يوم تطري =
تشوف ناس لكن القلب له ذوق
مسامحك.... واللّه لو كان تدري =
ماعانق النوم سودان الحدوق
مسامحك مادام أنا أرخصت عمري =
لرموش عينك طالبك خذه برفوق
بآخذ همومي تالي الليل وأسري =
علي الاقي تالي العمر مخلوق
أفضي له المكتوم في وسط صدري=
وارتاح من هم بها لقلب مخنوق
عشرة طعون وفاير الدم يجري =
بين الحنايا وبين طيات العروق
أسوق حظي سوق والعمر يجري =
يوم يجي حالي وأيام ماذوق
راضي كذا مجبور ما عاد تدري =
أيام نقضيها على المر والعوق
وأيام بالفرحه نساوم ونشري =
ونبيع صاع الحزن في أول السوق
عابر سبيل وفرحتي طول شبري =
أصافح الظلمى ولي جفن مشقوق
مدامعي تنزف وياطول صبري =
على فراق اللي غدى أعز مخلوق
يا عبرتي وش عاد في العمر يغري =
راح الزمان وكل ماراح مسروق
وين إنت ياللي الجرح لا جيت يبري =
بدلت عام الوصل بفراق وفروق
عرفتني غيمة بها المزن يثري =
وأخلفت في صدري تبااريح وحروق
عزاي لعيون الشقى يوم تطري =
تشوف ناس لكن القلب له ذوق
مسامحك.... واللّه لو كان تدري =
ماعانق النوم سودان الحدوق
مسامحك مادام أنا أرخصت عمري =
لرموش عينك طالبك خذه برفوق
