قصيدة مرثيه قديمه للشاعر فواد بن سعد الحافي في خاله محمد بن عبدالله بن عليان الحافي

يا الله يا منشي حقوق الخيالي= يا لواحد اللي من ترجاك ما خاب

أنت الوحيد اللي عليك اتكالي = يا محصي الآجال بكتاب وحساب

أنك تصبرنا على كل حالي = وتجبر عزانا يوم حلن الأسباب

جاني خبر ضيعت حتى السؤالي = نسيت فرض الظهر لين الشفق ماغاب

من يوم قالوا مات تالي خوالي = أونست في صدري من نار مشهاب

لا والله ألاراح راع المعالي = الطيب اللي دوم للطيب كساب

شيال صعبات الحمول الثقالي = يحسب حسابه عند ربعه والاجناب

يفزع بجاهه دونهم ما يبالي =سقم الحريب اليا أكترب حبل الانشاب

دايم وهو طرقي جنوب وشمالي = مثل المحامي دون ربعه بلا أتعاب

رجل إليا عدو زحول الرجالي = عزمه شديد وللصعيبات ما هاب

تبكي على فرقاه صفر الدلالي = ومشب نار دايم فاتح الباب

ويبكيه من حدته سواد الليالي = صكوا عليه ا عداه والدمع سكاب

يقوم من دونه بجاه ومالي = يرد حقه لو نشب بين الأنياب

لو قمت أعداد فيه كل الخصالي = عجز القلم والقاف من كثرها شاب

أعزي أخواني مع اعيال خالي = وكل القبيلة في عزيز بعد غاب

عسى العوض في طيبين العيالي =يرقون للعليا عريبين الأنساب

وعساه فالجنه بمنزال عالي = في جنه الفردوس تفتح له أبواب

برحمة المولى عزيز الجلالي =يأخذ كتابه في يمينه بلا احساب

مرثية في خالي /محمد بن عبد الله ابن عليان الحافي العتيبي
الشاعر/ فؤاد بن سعد بن خرصان الحافي العتيبي

.. الله يرحمه ويرحم موتى المسلمين ..
.. لاهنت على النقل ابن خرصان..
.. موووووودتي ..

صح لسانك يابن خرصان ،، والله يرحم ابن عليان .....

مشكور يابن خرصان ولاهنت

والله يرحم جميع المسلمين

شكرا للجميع والله يغفر للجميع الاحياء والاموات

ابــــن خـرصــــــان اللـه لايـهـيـنـك علــى هــذه القصيــده


والعــذر والسمـــوحه لتـــأخــر الرد لانني لي اكثر من شهر لم ادخل علــى هذا المنتدى لظروفي الخاصه


فعنـــد دخـولي المنتدى وقرائتي للقصـــيده لــم استطع اكمــالهــا . . . . ؛


فقيــد قبـيلــة الحفــــاه الامــيــر الشجاع / محمــــد بن عبدالله بن عليـــان الحــــــافي رحمــه اللـه .


لـــن تنســـــــاهـ قبيلـة عتيبـــه ؛ ولــن تنمحــي من عقــولنــا مــواقفـه المعــروفه التي لا يجهلها


ابنــــــــاء هذه القبيلـــــه . رجــال اليـــا ارتكـــا للثـقـيـله شالـهـا .


صح لســان الشــاعر فؤاد بن خرصـان الحــافي ؛ ( قصيده مؤثره من راس طيب في رجال يستــــاهل )


لــك مني جزيل الشكـــر يا ابن خرصــان والله يرحم خــالكم وابن عمكم .





الله يرحمـه ويرحم اموات المسلمين جميعــاً