خبر عاجل
علي الثبيتي01-Dec-2007, 09:45 PM
الليله الليله نبا المعنا على قمة جبل= الليل ياسلطان والدنيا كف الله شرها
عطنا علوم الناقه اللي جاء يباريها جمل= ويهدر على العربان والدنيا كف الله شرها
دريد ابن الصمة01-Dec-2007, 09:48 PM
عطنا علوم الناقه اللي جاء يباريها جمل
ويهدر على العربان والدنيا كف الله شرها
ههههههههههه
الله .. الله .. يالنشمي .. صح لسانك ..
وبانتظار المبدع سلطان بشغف لسماع العلم ..
وصح لسانه مقدما ..
علي فلاح العضياني01-Dec-2007, 09:49 PM
الله الله
صح لسانك يابو فهد وحياك الله يالغالي
صح لسان سلطان مقدما
عيد العازمي01-Dec-2007, 09:59 PM
علي الثبيتي01-Dec-2007, 10:01 PM
عطنا علوم الناقه اللي جاء يباريها جمل
ويهدر على العربان والدنيا كف الله شرها
ههههههههههه
الله .. الله .. يالنشمي .. صح لسانك ..
وبانتظار المبدع سلطان بشغف لسماع العلم ..
وصح لسانه مقدما ..دريد ابن الصمه صح بدنك وسلطان كل ماجيت اخذ اعلومه اشغلوه الشعار الله يكون في عونه
سلطان الجـذع01-Dec-2007, 10:06 PM
الليله الليله بعد ما الشاعر النشمي وصل =كل العلوم سمان والدنياكفا الله شرها
بعيرٍ أجرب صادفه ناقه من النوق الهمل =بسم الله الرحمن والدنيا كفا الله شرها
ناصر الجلاه01-Dec-2007, 10:15 PM
..
النشمي
..
سلطان الجذع
..
صحت أللسن والقلووووب يامبدعين
واصلوووووا متابعين
لاهنتم
..
علي الثبيتي01-Dec-2007, 10:23 PM
طيب طيب
هات الخبر بالنص والتفصيل ويش اللي حصل=ياشاعر الجذعان والدنيا كفا الله شرها
ليتك تحدد وسمها والا تقولنا غفل=لاتخالط العتبان والدنيا كفا الله شرها
علي الثبيتي01-Dec-2007, 10:26 PM
الله الله
صح لسانك يابو فهد وحياك الله يالغالي
صح لسان سلطان مقدماصح بدنك يابوفلاح والمهلي مايولي
علي الثبيتي01-Dec-2007, 10:28 PM
يالنشمي .. صح لسانكصح بدنك يابن عاصي ويامرحبا بالعوازم كلهم
علي الثبيتي01-Dec-2007, 10:35 PM
ناصر صح بدنك يالغالي وخلك فالصف وزهم ابونجر ومرزوق
والصفوف اللي يحبون التحدي ههههههه
سلطان الجـذع01-Dec-2007, 10:36 PM
يبا يجيك العلم كله من صحيبك مكتمل =عن طير بن برمان والدنيـا كفـا الله شرهـا
تحديد وسم الهامله مابعدها غير الزعل =مار ادحر الشيطان والدنيـا كفـا الله شرهـا
ناصر الجلاه01-Dec-2007, 10:40 PM
..
الله الله
واصلووووووووا
وانا في صف النشمي
ولايهون الجذع لين يعلمنا بالوسم هههههههه
.
.
سلطان الجـذع01-Dec-2007, 10:46 PM
ناصر الجلاه انت ذابحك الفضول
والله مااعلم ههههههههههههههههه
لاهنت على تواجدك
علي الثبيتي01-Dec-2007, 10:56 PM
ههههههه لا يروح خرص بعيد
ياهقوي انك منت داري بالقضيه يابطل=وتقول كان ومان والدنيا كفا الله شرها
ياكبرها ياعبرها دريوبها كل الدول=مينفع السكتان والدنيا كفا الله شرها
علي الثبيتي01-Dec-2007, 10:58 PM
..
الله الله
واصلووووووووا
وانا في صف النشمي
ولايهون الجذع لين يعلمنا بالوسم هههههههه
.
.ناصر ابيض وجه يالقررم
وسلطان خايف من حقوق الانسان هههههه
سلطان الجـذع01-Dec-2007, 11:09 PM
انا معي عرف وفراسه مااتكلم من جهل =والعلم اله برهان والدنيا كفا الله شرها
اطرح حلولك للقضيه يالثبيتي بالعجل =وانصحك بالكتمان والدنيا كفا الله شرها
محمد العضياني01-Dec-2007, 11:13 PM
ابداع غير مستغرب بتاتاً
صحت الالسن يا شعار
متابع من المدرجات
أبو نجر النفيعي01-Dec-2007, 11:19 PM
..
ابوووو فهد
صح لسااااااااااااااانك .. وصفك في ازدياد بفض الله
ههههههههههههههه
وصح لسانك الاسطوره سلطاان
..
واصلوا
نايف بن ملحق الثعلي01-Dec-2007, 11:19 PM
الله الله
صحت السنتكم يا شعار
سلطان الجـذع01-Dec-2007, 11:23 PM
ابداع غير مستغرب بتاتاً
صحت الالسن يا شعار
متابع من المدرجات
يعلم الله انه ينومنسي كلامك
ويشرفني وجودك ياابو سلطان
لاهنت
سلطان الجـذع01-Dec-2007, 11:23 PM
أبو نجر .........الاهم انك متواجد
حتى لو انك فالصف المقابل
لك كل الود والتقدير
سلطان الجـذع01-Dec-2007, 11:24 PM
نايف الروقي صح لسانك
وجودك تشريف يالغالي
علي الثبيتي01-Dec-2007, 11:26 PM
انت معك علم وفراسه مار روعك الفحل= ونويقة اعريمان والدنيا كفا الله شرها
ام ابعدوها ياعرب والا احكموها بالعدل=العلم حان وبان والدنيا كفا الله شرها
سلطان الجـذع01-Dec-2007, 11:38 PM
حملت نفسك ياوسيع العرف مالا تحتمل =يالعود ابو دخان والدنيا كفا الله شرهـا
انت المكلف بالقضيه وانت ابو قول وفعل =رحج لنا الميزان والدنيا كفا الله شرهـا
علي الثبيتي01-Dec-2007, 11:56 PM
لا تروح في اتجاه اخر
مايفهم المعنا يكود الا معه عرف وعقل=شاعر ياليل ادان والدنيا كفا الله شرها
نشر خبرها فالصحف مار الاكيد انك خبل=ماقلتها بهتان والدنيا كفا الله شرها
علي الثبيتي02-Dec-2007, 12:02 AM
ابداع غير مستغرب بتاتاً
صحت الالسن يا شعار
متابع من المدرجاتصح بدنك يالبواردي ومتابعتك شرف للجميع
سلطان الجـذع02-Dec-2007, 12:04 AM
معناك كله ياصحيبي في خبيثين العمل =صهيون وامريكان والدنيا كفا الله شرها
ماني بجاهل فالسوالف مير اظنك منهبل =(انا الجذع سلطان ) والدنيا كفا الله شرها
علي الثبيتي02-Dec-2007, 12:10 AM
..
ابوووو فهد
صح لسااااااااااااااانك .. وصفك في ازدياد بفض الله
ههههههههههههههه
وصح لسانك الاسطوره سلطاان
..
واصلواارحب يابونجر وابيض وجه والله يسلمك يالقرم
ولكن اكثر الصفوف مالقيو سيارات والباص عطلان وفيه لوموزين
تفحط قبل شوي اطرحها نباها تجيب الصفوف هه هه هه
الله يسعدك يابونجر
اخوك ومغليك
النشمي
$ الحــيــران $02-Dec-2007, 12:12 AM
هنا راق مزاجي ووجدت متعه لاتعادلها متعه
أجبرني الإبداع على التوقف كثيرا والاعادة أكثر من مره
النمشي وسلطان صح الله ألسنتكم لاهنتوا
علي الثبيتي02-Dec-2007, 12:17 AM
انا صخرت القاف ياسلطان والمعنا جزل=شاعر فصيح لسان والدنيا كفا الله شرها
اثريك ياسلطان بعض احيان خشاش ونذل=والعلم اله ضمان والدنيا كفا الله شرها
علي الثبيتي02-Dec-2007, 12:19 AM
هنا راق مزاجي ووجدت متعه لاتعادلها متعه
أجبرني الإبداع على التوقف كثيرا والاعادة أكثر من مره
النمشي وسلطان صح الله ألسنتكم لاهنتواصح بدن يالغالي وهذا من طيبك يالقررم
سلطان الجـذع02-Dec-2007, 12:25 AM
وانا صخرت القاف معك ولانصيتك بالهزل =يامركب القيفان والدنيا كفـا الله شرهـا
ولاعليكم زود من باب التعامل بالمثل =زان الكلام او شان والدنيا كفـا الله شرهـا
سلطان الجـذع02-Dec-2007, 12:27 AM
النشمي سريت علي عساه يسري علاك اللي مايوفرك ههههههه
صح لسانك ملايين وتشرفنا يالغالي باللعب معك
ولنا لقاء في حلقه قادمه ان شاء الله
علي الثبيتي02-Dec-2007, 01:14 AM
النشمي سريت علي عساه يسري علاك اللي مايوفرك ههههههه
صح لسانك ملايين وتشرفنا يالغالي باللعب معك
ولنا لقاء في حلقه قادمه ان شاء اللهههههههه صح بدنك ولسانك والعذر والسموحه ياسلطان ومشكور وابيض وجه
ونشكر جميع الاخوان الذين شرفونا بالردود الطيبه وشجعونا
ولولاهم مكتمل الابداع
شكرأ شكرأ شكرأ للجميع
ولكم من مودتي وتقديري
اخوكم ومغليكم
ابوفهد
راعي الشلفا02-Dec-2007, 12:22 PM
نشر خبرها فالصحف مار الاكيد انك خبل
ماقلتها بهتـان والدنيـا كفـا الله شرهـا
ههههههههههههههه
الله يقلع عريمان وناقته يالثبيتي
مير الجذع منجوم:)
وصح السانه والسانك
سلطان الجـذع02-Dec-2007, 08:31 PM
مير الجذع منجوم:)
النشمي علمه المنجوم من؟؟؟؟؟ :)
مرزوق حمدان العتيبي02-Dec-2007, 08:35 PM
...
.
العمالقه رسموا لنا لوحه من الابداع
....
صح لسانك يابو فهد ولسانك ياسلطان
....
معجب العتيبي03-Dec-2007, 01:05 AM
ابداع بلا حدود
وهنا رأيت ابداع وتسخير القاف والنقض بنفس الاتجاه
ولاعليكم زود من باب التعامل بالمثل =زان الكلام او شان والدنيا كفـا الله شرهـا
محب الهيلا03-Dec-2007, 02:46 AM
رايد الجلاوي04-Dec-2007, 05:08 PM
صح اسنتكم وبيض الله وجيهكم
ويا النشمي الله اعلم انك شاعر قوي
سكت منك سلطان
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
