قصيدة مجاراة لقصيدة الامير عبدالعزيز (السامر)

حبية أشارك بقصيده للاخ الشاعر/ محمد بن شباب سليم القثامي
و كانت مجاراة لقصيدة صاحب السمو الأمير عبد العزيز بن سعود (السامر)
و ضمن القصائد المشاركة في المسابقة التي وضعها سموه
ولم يكتب لها آن تكون من ضمن قصائد ديوان روضة التنهات .

سقى الله روضة التنهات

سقى الله روضة التنهات روضة كاسب الطولات "="بسيلٍ في عروض العرق الأعلى بانت حدوده
سحابه فوقها جاله هماليلٍ معه زخــــــــــــــات "="وله برقٍ مقابيسه تثورّ مدفع رعــــــــــــــوده
ولا يازين عقب السيل شوف العشب والخلفات "="بروضٍ به زماليقٍ يداعب وردها نـــــــــــوده
شبيهٍ للبحر لا ماج متّهادي مع النسمــــــــات "="عسى المولى يهنّي سيدي مع حضرة وفـــوده
هنيك روضةٍ فازت وصارت للملك مكشـــات "="وآنا أشهد من جميع الروض مغبوطه ومحسوده
تميزتي بنواويرك وزادك الشرف مـــيـــزات "="ليــــا حـانت مرابيعـــــه تقـلـــد عشبــــــك وروده
تباها بالخضار اللي كساها شيخة الروضات "="لحيثٍ بالسعد والخير محظوظه وموعـــــــــــوده
مع اللي شبه غيثٍ في مقاديمه حيا وخيرات "="فهد لو شحت الايام أبد ماشحت اعدوده
حبيب الشعب له في كل قلبٍ بالعشر بصمات "="وختّمٍ للغلا فالناظر اللي فاله اوجوده
فهدنا هو ذرانا لاحصل في جوها عجات "="عديم الوصف في عصره زعيم العصر وفهوده
سخي المد له يمنى عطاويها بلا منّات "="وله نفسٍ على خدمة بيوت الله مجّنوده
حكيمٍ بالعدل يحكم وشرع امنزّل الآيات "="على نهج الزعيم اللي موحّد دولة جدوده
بلاد العزّ والرايه عظيمه اشرف الرايات "="ومزاياًّ طاهره بارضك وبا ارض الغير مفقوده
لها عشرين في ظله لها بين الدول هيبات "="بتوفيق الولي ثمٍّ بحنّكة باذل جهوده
حفظك الله في ظل القائد اللي باني النهظات "="ومدّه بالعمر والعافيه أسنين ممدوده

قصيده رائعه جدا بيض الله وجهك
واتمنى لك التوفيق
وتقبل تحياتي

ووجهك اخوي متعب وشكراً لك على مرورك

اخواني المشرفين في قسم شعرا عتيبه
السلام عليكم ورحمة الله وبركاته
احيطكم علماً بانه حصل خطاء مطبعي في الشطر الأول من البيت التاسع في القصيدة وهو في كلمة (عشر بصمات ) والصحيح كما نبهنا صاحب القصيدة كالتالي:
(بالعشر بصمات) .
ارجو من الاخوان المشرفين تصحيحه ولهم مني جزيل الشكر