بنت سلطان بن ربيعان(قصة وقصيدة)

قيل انها للشاعره بنت سلطان بن ربيعان شيخ الروقه من عتيبه مع ابن عمها كان نازحا عنهم بسبب دم ومجاور للطرسان من بني عمر من حرب ثم جاءعليه جرم أخر للشريف أو الدوله العثمانيه بالمدينه وطلبوا سجنه فسجن وأرسلت هذه القصيده مع قصيرهم ابن طريس وفعلا اخذ ابوها هدايا مع الجاه وقابل الشريف بعد ذلك اطلق سراحه وهذه الابيات

يراكب من عندنا عشــــر سهـــــاج **** هجن ولا ساج الحقب مثلــــهنه

عصيهم صفصاف واكوارهن هـــاج **** ومن الغلا تحنا بواكير هنــــــــه

ركب الرديف وصار بالقلب لجــــلاج **** وكنه عرا ما أحد ركب فوقــهنه

يشدن حمام طار من عالي الابــراج **** وجنه أوحش بالهوا يمــــــــلجنه

والا سفيـن حدهن صـلف الامــــواج **** نوج طما فيـهن ونوج طمـــــــنه

أرقب رقيبهن أبعالي الحجـــا لاج **** وابطا عليهن سجمن يحـــــــترنه

يومي لـهن بالردن ما هوب زعــاج **** ابن الطريس اللي ركب فـــوقهنه

يلفن على سلطــان خيال الاسـراج **** عارض جواده للجنود المــــــــرنه

قل ابن عمك حال من دونه السـاج **** وقفول حبس جوده ومســـــــكنه

الترك صارو بين عانج ونجنـــــاج **** وطبلين بالســاقين واغلــــــقهنه]

بيض الله وجهك يالحربي وهذي هي حياة الناس الاولين اهل الشيمة والشجاعة والفزعة والنخوة على انهم يتقاتلون وكل واحد لة ثأر من الاخر ولكنهم لايوجد في قلوبهم حقد وكرة على الاخرين واما الناس اليوم يالله المستعان ومشكور مرة اخرى يالحربي على هذة القصة والقصيدة الاكثر من رائعة ونتحرى منك المزيد.

الله يعطيك العافية.. ومواضيعك... مالها شبيه..
وشكرا لتواصلك معنا..
ننتظر المزيد من ابداعاتك،،

تقبل تحياتي،،
نسيم الليل

ياسلام عليك يالحربي..............

ماتختار الا الطيب ياطيب......

امتعنا بقصصك الشيقه........................

ماتختار الا الطيب ياطيب
يعطيك ألف عافية وتستاهل الطيب

مسراح هن الصبح من سجن سهاج ........ والعصر راس محقبة يشرفنة