الألفيه الغزليه الجميله

ألفيه غزليه جميله


الف ٍ اولف من جديد المعاني
فى حب غض العود صافي الثماني
الى خياله تالي الليل جاني
ونقض جروح ٍ فى الحشى داخليه

والبا بدل ماترقد الليل عيني
عافت لذيذ النوم يامسلمينى
ماعاد لي ناصر ولالى عوينى
ولولا الرجا زاورت حوض المنيه

والتا تمكن صاحبي من فؤادي
واخزانى وشمّت على المعادي
كلن عرف ماصار حضر وبوادي
واللي جرا كله مقدر عليه

والثا ثنيت الرجل ما افارق البيت
و اصبحت انا لاني بحي ٍ ولا ميت
أمشي بغير شعور ان رحت وان جيت
فارقت خلاني وكل الدنيه

والجيم جيبي غارق ٍ من دموعي
واليا ضواني الليل أرقد بجوعي
واصبحت من عقب المعزه خضوعي
الامر الذى نكد حياتى عليه

والحا حرمني من لذيذ المنامي
جسمي قضى ماباقى الا عظامي
غيرو رايه ناقلين الكلامي
بعد المعرفه كبر راسه عليه

والخا خدمت الزين فى كل حاجه
واشعلت من عقب الظلايم اسراجه
وعدلت انا ممشاه عقب العواجه
احسبه مخلص واثر له كم نيه

والدا دروب الحب ماهى بعيبي
والله لولا الميز لا اشق جيبي
لاشك اقول مدام هذا نصيبي
ماينجزع من حكم رب البريه

والذال ذللنى حبيبي بقوه
غصب ٍ علي والله ماهى مروّه
ياللي تعرف الحب بالقلب ضوه
تكفون طفو النار يااهل الحميه

والرا رماني فى بحور المشاكل
وهذي ثلاث شهور لا اشرب ولا آكل
والقلب ماطاوع كلام العواذل
يقول ما ارضا غير جالي الثنيه

والزا زمان الظيم مافيه راحه
مافيه من يعطيك كلمة صراحه
حرفين صح وعشرة احرف ارجاحه
يجيك فى نيه وله الف نيه

والسين سدّي مادرا عنه مخلوق
اوزن كلامي كل ماقلت منطوق
وسفرت سدي يم صطح القمر فوق
ما احد ٍ درابه غير رب البريه

والشين شان الحال ياقايد الريم
وانت امتعلم ما اظن تحتاج تعليم
يكفينى اللي شفت من هم والظيم
هاذي جروحك فى ضميري طريه

والطا طماط الخرج كنه اخدودك
وليمون ابو زهيره يشابه نهودك
وياماحلا لبس الذهب فى زنودك
والعين فيها الخنجر الحضرميه

والظا ظنانى صاحبى فى الموده
وانا اشهد ان الصبر قد وصل حده
وامر الولى مايقدر احد ٍ يرده
الواحد المعبود جزل العطيه

والعين عميت عين من فرقونا
من عقب جمعانا سوا شتتونا
وعقب المسره والهنا عذبونا
حسبي عليهم كل صبح وعشيه

والغين غامرت بحياتى وفاديت
وارخصت روحى فداك ياشمعة البيت
ليتك قريب البارحه يوم ونيت
امسح دموع العين وافرك بديه

والفا فريد الشان فيك ابتلانى
وفي بحر حبك ياحبيبي رمانى
وانا اشهد ان الله بعرفك دهانى
تخطي عليْ ثمن تشره عليه

والقاف قاري الخط يفهم معانيه
ويكتب جواب الخط راسن لراعيه
وارسلت مكتوبى وانا فى حراويه
محسبك برسالات تبخل عليه

والكاف كانك ياظنينى تبينا
تكرم برساله وارسل علينا
واترك كلام العذل والحاسدينا
طمن افواد ٍ فيه تسعين كيه

واللام لاتنسى ليالي السعاده
انكان لك فينا غرام ٍ وراده
لاوهني مكبرين الوساده
حياتهم دايم حياة ٍ هنيه

والميم مرونى ولو فى الشهر يوم
ينشرح صدر اللي مولع ومكتوم
يمكن اذا شفتك يجي عينى النوم
لو ساعة ٍ وحده ارقدها هنيه

والنون نامت كل عين ٍ براحه
الا فؤادى زايداتن جراحه
وماصدق من قال الهوى فيه راحه
اكبر كذوبن خلق رب البريه

والها هني اللى ينامون بالليل
ماجربو هم السهر والغرابيل
ودموعهم ماغرقن المناديل
وفى زادهم دايم اعزوم ٍ قويه

والوا ونيني اشتكا منه جاري
طاولتهم بالنوح ليلي ونهاري
وعقب الونين اشهق واكسر اعباري
خطرن على ازور حوض المنيه

واليا يمين الشرع زبدة كلامي
لـ انسى اللذى طاوع اعيال الحرامي
لو تنمحي الجلده وتظهر اعظامي
وتدري الحضر والباديه بالقضيه

صح السانك يالذيب

صح بدنك يالذيب

صح بدنك يالغالي

صح لسااااااااااانه