يافارج الضيقات تفرجها ليا ضاقت علي!!

يافارج الضقات تفرجها ليا ضاقت علي=ماغيرك أحد يفرج الضيقات وأنت المستعان
أنت الله الوالي ولا غير الله الوالي ولي=أقولها من قلب مؤمن بك وينطقها اللسان
ياكثر زلاتي وغلطاتي وظلمي وجهلي=أزل وأخطي والخطايا بالدقايق والثوان
ولعل ربي مايحاسبني على قدر عملي=يدخلني الجنة بواسع رحمته والأمتنان
البارحه فكري يعاندني وصدري ممتلي=هم وهواجيس وألم وأحزان من غدر الزمان
عديت مع حزة غروب الشمس راس المعتلي=جلست لين مؤذنين الفجر نادو بالأذان
حاولت أسلي في طويل الرجم قلبي ماسلي=نزلت من راسه وأنا عشري معودتن ثمان
أحس مابين الضلوع العوج نار تستطلي=منها غلا دمي وفكري وصل لحد الجنان
عرفت بأن العمر مزنة صيف لحظة تنجلي=لو أمطرت لو حن راعدها وفيها البرق بان
وأني مفارق لو يطول العمر ربعي وأهلي=وأصير في محور حديث الناس من بعدي بكان
وعرفت بأن الصبر نعمة فاضلة للمبتلي=أصبر كما صبر الجمل وأعزم كما عزم الحصان
وعرفت رفقة من يقول أنه يبيع العمر الي=لكنها تصبح هبا منثور لا مس البطان
يضحك بوجهي والحسد في داخله يغلي غلي=رفيق لاكن الرفاقه بعضها ماله ضمان

الشاعر/ نواف مسفر السلات

معرب الساس

مشكور على هذه المشاركه الرائعه

وصح لسان شاعرها

معرب الساس

مشكور على هذه المشاركه الرائعه

وصح لسان شاعرها

صح بدنك ياعبد البصير ولاهنت على مرورك