جديد .. (( رشـيـد الـزلآمـي ×× سـلـطـان الـمـنـصـوري )) ..!

السلام عليكم ..


بعد الغياب .. واعذرونا ..


جديد ..


رشيد الزلامي ×× سلطان المنصوري


..



رشيد الزلامي





تعال عندي يا سفير المناصير = ودي بعد مدة تمثل عتيبة

القوم واجد والليالي معاشير = لاكن ما ندري وش الي تجيبة



سلطان المنصوري




ابشر بعلم الخير يا طالب الخير = كلٍ من الشعار ياخذ نصيبه

الضامية تارد على جمة البير = ام بعلم الطيب ولا الغصيبة




رشيد الزلامي



ان كان هاذي نيتك واصل السير = انت ثبيتي من ثبيت العريبة

واهل القنص دايم ليا هدوا الطير = يبوّني ضرباته بكفه عطيبة



سلطان المنصوري




في اللازم الغصّاب مالي معاذير = كلٍ على قبره نحط النصيبة

الطير حر وعلّم سليم وامطير = امّا غلبهم ما تجيه الغليبة



رشيد الزلامي


بعض العرب لو يرمي طويق والنيّر =ينفض حزامه والجبل ما يصيبه

بس انتبه قلته ولي مقصدِ غير = لا تعطي الموضوع رمعة غريبة



سلطان المنصوري



ما انشد عن الرجّال لو سالم الزير = راعي الرمي يقدر يصيب الضريبة

..


..


:)


http://www.youtube.com/watch?v=wqIPxfxoAFo

ياسلاااااااام ..

صحت الالسن والقلوب لشعرائنا العمالقه ..

وافي اهلا بعودتك .. وشكرا على ماقدمت ..

..

لا هنت وافي على النقل



ودوم التوفيق

بعض العرب لو يرمي طويق والنيّر***ينفض حزامه والجبل مـا يصيبـه
بس انتبه قلته ولي مقصـدِ غيـر****لا تعطي الموضوع رمعـة غريبـة




بيتين رائعه من أبو جميل

والمعنى في الشعراء الموجودين معهم فالحفل ومدى قوة شاعريتهم

والبيت الثاني ينبه المنصوري ويقول ان المقصود ليس انت



لاهنت يا وافي دايم وافي ومن طول الغيبات جاب الغنايم

ابو جميل من أفضل شعراء المحاورة كان ولازال , مبدع جداً في النبط والمحاورة ويمثل شاعر المحاورة في أفضل نموذج .




هذا البيت توقفت عنده كثيراً :


بس انتبه قلته ولي مقصـدِ غيـر = لا تعطي الموضوع رمعـة غريبـة



الله يطول عمره على طاعته , بالفعل شاعر له مكانة مرموقة في ساحة الشعر .

مشكوووور وافي على النقل الراائع

وتشكر على جهدك واعجبني صراحة بيت الشاعر سلطان المنصوري



ما انشد عن الرجّال لو سالم الزير

راعي الرمي يقدر يصيب الضريبة