قصيدة المرسيدس لافكسار ولاغيره

هذه القصيده قيلت في المرسيدس

وقد احببت ان اشارك بها

مع العلم اني لااعرف من قالها




راكب اللي لاتمثنى الخط والسايق عطالـهّّّّّ ,, ارتقص مثل القريص اللي مكن به ناب حيه

صممه ملعون ترس وبرمجه قبل اشتـغالــه ,, عاكف عنده ثلاث اسنين لين انهى القضيه

كل مااصبح قرب الكيف المصفى ورتكالـه ,, كيـف ديفـد عــل ديفـد فـدوة للشاذليـــه

وجابه الجفال بالمينا وحطـه وسـط صالــه ,, واسمه اللي فلس الشيبان عنـد الصيدليـه

ان نطـحتـه قلـت يالبـيـه يـا لبــه اصالـــه ,, لازهى كرستـالهـا صــدر عليـه القـابليــه

وان قفيتـه مـا قفيـت الا ردوف البرتقالــه ,, يـوم نادها المغني وبتـلـش وصـى خويـه

ون مشى بسم الله الرحمن عل الخير فالـه ,, اربـط احــزام السـلامـه لاتـطيــح بـداخليـه

منوت اللي بالجبيل وكلمه اصغـر عيـالـه ,, قال عجـل يايبه مـن قبـل ادن الهاشميــه

ظاق صـدره من كلام الورع يومنه شكالـه ,, كل ماكـلم يقـول ارواح دام الشمـس حيــه

وفلله عنـد الخنـيـني طاريـن لـه ماطرالــه ,, وقضبه خـط الرياض وقال وينك يالحويـه

يــوم عـدا نقـطه التفتيـش والخـط استوالــه ,, كن صوته يـوم خمه صوت شختور ابرديـه

برمج السرعه بلمسه ورجع الكشن وتكالـه ,, وشغل محمد ولـد عبـدو مـزون العقربيــه

يــوم عــدا ميــه وميــه وستـيـن الوكالــه ,, مخطر انه يـترك الاسفـلت لـولا الجاذبيـه

بامـدحـه ومجــده واللـي زرى ياعـزتـالــه ,, من تزرى هقوتي انه ماركب حتى مطيـه

ماشريـتـه لاكنـنـي كــل ما وقـف قبالــه ,, احسبني قـد ملكـت المملكـه والفـيصليــه

الاخ العزيز
الطير
تسلم يمناك جزله من جزل

الاخ العزيز الدلبحي

مشكور على الرد الجميل

ومشكور على مرورك

يعطيك العافيه
يالطير
قصيده جميله وجيده

تسلم أخوي الطير


لاهنت طال عمرك


يمنا لا عدمناها



تحياتي ..

صراحه قصــــــــيده طيبه من أنامل طيبه ولكن ما تحـــــــــس أنك با لغت في قولة و لا فكــــــــــــسار

الاخ مطلق الحويقل

مشكور على مرورك والله يعطيك العافيه

اخوي داهيه عتيبه

مشكور على المرور

والله لايهينك على الرد الجميل

اهلين اخوي عايف

الحمدلله على السلامه من طول الغيبات جاب الغنايم

وبعدين وش فيه الفكسار

هذي مرسيدس

قيمه واحده منها تجيب فكسارين ماهو واحد