فرهودي

فرهودي أذا وقتك يسمح


يا بحر جده وموجك معتلي

المطر خلا الشوارع تمتلي

روح الموتر وأنا جيبي خلي

والله الوالي ولا غيره ولي


المطر رحمه من الله وحول من سحاب=والسحابه برقها.. سابق (ن) رعادها
اعتلا هاك الجبال اعتلا هاك الهضاب =يم سيله للبحر.. وجهته معتادها

معليش على التاخير الاتصال مابغى رجع



يابحر جده علامك وش بلاك = ليش شامان العتيبي لي شكاك
شلت عفشه ماسلم شٌرك واذاك =والله الوالي ولا غيره ولي


رحمة الله بعض الاحيان للعالم عقاب = كان ماتابت من الذنب ربي زادها
فيه ناس ٍ ماتخاف المصايب والحساب = وفيه ناس ٍ بالبكا بللت سجادها

الله الله أجل أستلم

ما علينا فى المور الهينه
الرقاب الحمر سارت بينه
والسبب فالي رفيع مكينه
والله الوالي ولا غيره ولي


حكمت الله نافذه والخطى عود صواب =والضحايا من بشر ماحصيت أعدادها

مشكله والمشكله من يجيب النا جواب=والحديده يا والد حدها حدادها

العرب من بعد طاحت فالوحل = صابها ياصاحبي ضيق وزعل
وصاحبك غرقان في شهر العسل = والله الوالي ولا غيره ولي




الله انه يرحم الي توفى ياعقاب = كل نفس ٍ يالعتيبي تحصل مادها
المشاكل كلها من ورى بيض الثياب = ولٌعت دخانها ونسفت برادها

ودي أسمعلي علوم(ن) طيبه

في بعيد الوقت ولا أقريبه

وأبعد السارق وعنا غيبه

والله الوالي ولاغيره ولي


الغريق اليا توفى يجازا باالثواب=قسمت الله فى عباده وقسمه رادها

من تسبب بالخطى يحتريه أقوى عذاب=كيف تسمح باالمخطط على ميرادها



الختام عندك ماعاد الشوف النوم غزاني وتقبل شكري

العلوم الي على بالك ترا = تدفنك ياصاحبي تحت الثرا
لاتفكر غير في بيت ومرا = والله الوالي ولا غير ولي


اطلب الله في صلاتك ترا الدعوه تجاب = يحفظ الله مسلمين العرب وبلادها
مالكم غير الرضى والصبر والاحتساب = الكنسيه للمسيحي يصير حدادها



نوم العوافي

وصح لسانك والعوض في المقبلات

لاهنت يالشامان

المشاكل كلها من ورى بيض الثياب=ولٌعت دخانهـا ونسفـت برادهـا

بيت أعجبني تسلم ياالفرهودي بيض الله وجهك