قصيده موجهه الى شيوخ الدراهم المهايطيه (قويه)

قصيده شيوخ الدراهم



يهني من هو بعارينه يسلنه = يطرد وراها وكنه محتم التالي
والاسبقها وهن بالدرب يقفنه = ومسجله فوق راس الجيب ويلالي
مع شلته والمواتر جالها رنه = وكلن يهيل المدايح دق وجلالي
ويشب نار المناره تالي الكنه = والناس بالقيض زاد أشعالها أشعالي
حط له بشت(ن)ذواليقه يتلنه = له شمسة(ن)سعرها وسط البلد غالي
وحطوه بين الاشده وأكتمل فنه = وساقوا عليه الدلال بكل فنجالي
وكل(ن)يهايط ويحرق هيله وبنه = شيخ الكرم منزله للناس مدهالي
وقدم صواني بها القعدان مستنه = وطليانها حولها والرز منهالي
وصاروا جدوده هل التاريخ والمنه = لاصار في البنك له دولار وريالي
وجمع شعاعيره ومواله يدنه = ومن كل شاعر يجي شيله وموالي
وصارت قناة الفضا لاجله يذيعنه = منقيه الشيخ (طبل) مزبن الجالي
ماهوب مثلي ديون البنك يصلنه = القسط يصلاه صليات اشهب اللالي
ياوقتنا اللي تقلب واعتلى شنه = والطيب عود على سكبات الازوالي
مخابر الطيب مازالت لها رنه = ومخابر المال تال الوقت تنزالي
والشك مايلحق اهل الطيب لكنه = يمرض قلوب بنت مجد(ن)على الجالي



الشاعر :::: صقر الصقر

والشك مايلحق اهـل الطيـب لكنـه=يمرض قلوب بنت مجد(ن)على الجالي




صح لسان الشاعر والله انه صادق



الصريح لاهنت على النقل


تحيتي

بناخي الايدا


صح بدنك وتشكر

صــــح لسانك

صح لسانك ولاهنت

الأبل ونخوك طرب وولع وتجمعك مع رجال طيبين وتعرفك عليهم

والمهايط مافيه خير
وشكرآ على القصيدة الرائعه

اخو جوززا

صح بدنك يالغالي

صح لساااااااااااااانه