بدون تحديد
أبومسلي01-May-2010, 06:54 PM
مساء الخي ياوجيه الخير 000وهذه أول مصافحه لي في هذا الملتقى الملكي
من هجوس الشاعر اللي كل ماغنى تغنا // كل كلمــه قالها حسب افتهامه واعتقـــاده
يظلم الانسان والظالم عسى ماهوب منـا // والذكي يعرف وكلن يرتقي حسب اجتهاده
الناضم01-May-2010, 07:00 PM
أرحب يالله حية
أستلم لاهنت
الناضم01-May-2010, 07:06 PM
مرحبا بالشاعر الي من هجوسة جاب فنا * والحقيقة كان يبغا الطيب يبشر بالسعاده
الله إنه لايعز الكفر والبابا يحنا * أشغلونا وأبلشونا فالعداوة والقراده
الأسد4401-May-2010, 07:11 PM
صح لسانك أبو مسلي
صح لسانك الناضم
طاروق جيد متابعين لكم
أبومسلي01-May-2010, 07:13 PM
طيب طيب
فالخفى فيك انت والله مانشك ولانظنـا // والـدلايل واضـحه والشيـخ يحكم بالاباده
الــذلول مبركه قبـل امـس والليـلـه تحنـا // فالحدود اللي حِماها تعجز الرجل ومراده
الناضم01-May-2010, 07:27 PM
جابك الله والحموله فالموازن يرجحنا * والقياده ياوسيع العرف لصحاب القيادة
والله إن الكفر شن الحرب فالعربان شنا * مير أبشرك الجمل يخبط على ظهر الجراده
أبومسلي01-May-2010, 07:38 PM
للنهايـه يارفيــقي والله انـا ماوصلنـا // ومايصح الا الصحيح ومن كذب يلهم رماده
الحقايـق تثبـت وحنـا ترانـا ماسألنـا // كيف ننشد والعرب تسلك لها منهج وعـاده
أبومسلي01-May-2010, 07:40 PM
الناظم
الله يبقيك يالغالي
الآسد 44
صح بدنك ومتابعتك شرف لنا
الناضم01-May-2010, 07:58 PM
أنت صادق , مير محسومه لاتقعد تمتحنا * أجتهد يمكن تفوز بها ويعطونك شهادة
ليش تسأل دام تعرف فالجواب الي تكنا * أنت ياراس الشجاعه لاتجي درب البلاده
أبومسلي01-May-2010, 08:06 PM
كلنا ندري ونعرف منهو الشخص المكنـا // وبذره اللي يزرعه ماهو مجمل في حصاده
في الظـــهور ليا زعلنا والله انـا ماطعنـا // ولو يضيع الحق ياتي يوم ويحضّر ســـداده
أبومسلي01-May-2010, 08:13 PM
الناظم
صح لسانك سعدت بالملعبه معك ومجاراتك شيقه
تصبح على خير
الناضم01-May-2010, 08:25 PM
أستلم لاهنت
أنت مثل الأجنبي ماهو بمنا في وطنا * لازم أنا نقبله لو ماوراه ألا النكاده
أحمد الله مازعلتو وأحمد الله مازعنا * والحقيقة شاعرن قادم ومنه الإستفداه
حياك الله
