الطارف حياه الله

سلام الله سلامٍ لاهجم يهجم على الشعار=يقوله ضاوي اللي تعرفون اسمه وعنوانه

انا مالي تخير دامني موجود بين أخيار=لكن اللي يجي يفهم قبل لاينطق لسانه

هلا يامرحبابك في محل ٍ يكرم الخطار = تراحيب الوفا مالاح برق وهلت امزانه
مدامك بينها ياصاحبي وش لونها الاسعار = انا خابر جيوب الناس تال الوقت طفرانه

الله الله
صحت الالسن

يدوم لك البقاء ياللي ترحب والعرب حضار=وقالو فالبحر ياصاحبي لولو ومرجانه

نشوف السوق طيب مير ماشفنا لنا تجار=نشوف اللي عليه ديون واللي جاه ديانه

صح بدنك يانواف

صحت الالسن

متابع

صح بدنك ياعناد
متابعك شرف

لاهنتوووو

يالربع

مطني
ومن يقول

ليا حطيتها ياصاحبي بين الحطب والنار = ابنفخ فوق راس العود لين يطير دخانه
ولا ياخيي لاتغضب ولا تعجب ولا تحتار = كذا حال العرب مخلاب ينتف ريش جنحانه

نواف الشيباني - عناد الشيباني - مطني الحافي

ياهلا ومرحباا بالجميع

صحت ابدانكم لاهنتوا ولا شنتوا

شرفتوا ونورتوا

ليامن شبت النيره ترا ماعاد فيه اعذار=وياشين الكلام اللي سقط من دون برهانه

الا يالله بعفوك ياكريم الوجه ياغفار=تغفر ذنوب من يخطي يارب الكون سبحانه

ترانا مانثورها على الطاير بدون عيار = تذرا دون بيت ٍ يقفل المفتاح بيبانه
ولا ياصاحبي ودك نروح يمين ولا يسار = اشوف الظان جوف مراحها مرضا وهريانه

ليامنك طلبت انرد ثارك نبنرد الثار=لكن افهم وخل اللي بقاء في وسط ديوانه

يافارس من يعرف الدرب له حشمه وله مقدار=واشوفك راحت علومك يادانه يا لدندانه

انا مغنيني الله لي ذراع ولي عرب وديار = ولا ابغى فزعت الي فزعته من عند جيرانه
إلا ياليت ضاوي مادخل في ساحة المضمار = علومه ماتناسب غير ابو عرام واخوانه

ليا منك جحدته والله انه ياولد قد صار=يامخبل واحدٍ يالربع يجحد فعل عوانه

ترا الكذبه لها ياصاحبي ثوبٍ بدون ازرار=لكن ادحر بليس اللي نشوفه جاك شيطانه

الختام عندك انا عندي دوام صح لسااانك تشرفت باللعب معك

لا والله والنعم فيكم رجال ٍ تحكمون الشار = وجوه ٍ بيض مابين العرب وكفوف مليانه
نبا نعطيك ياضاوي على هذي خصم ونذار = وكلن ياطول العمر يقفل باب دكانه

هههههه

الدعوه مزوح

صح بدنك وبيض الله وجهك شرفتنا باللعب معاك

نوم العوافي والله يسهل دربك

الله يعطيكم العافيه

أبدعتوا و أمتعتوا

عبدالله الهملان الله يعافيك

لاهنت ولاشنت