ياعين كفي
سطام بن فهيد05-Feb-2003, 03:34 AM
السلام عليكم ورحمة الله وبركاته
ذي احدى قصايدي وانشاء الله تحوز على اعجابكم بها
لو ..ان دمع العين بيرد غالين 000والله لموت ودمع عينــي صبايـــب
والله لموت من الغلاء للمحبين000لو شبت بقلبــي كثيــر اللاهايـــب
وش انت يادمعاً نثرته من العين000مادام فيني صادق الشوق ذايـب
يلي تقول الحب رسم وموازين000الحب مايعرف شبـاباً وشايــب
اطرد ورى حظي واهل الحظ مقفين000واقفوا وانا قلبي من الهم عايب
احيا على بعدة حياة المساكين000ولا خــير في دنيا بليا حبايــب
ياعين كفي دمعة العين ياعين000لاحاصــلاً قربة ولا نيــب تايــب
وسلامتكم
:) ;) :cool:
ابوعتب05-Feb-2003, 04:39 AM
صح لسانك يابن فهيد
والله منت ببسيط ماشالله
ابيات جميله ومعبره
وماشالله خاطرك وسيع:D
ابن عاصم05-Feb-2003, 05:07 AM
ياعين كفي دمعة العين ياعين000لاحاصــلاً قربة ولا نيــب تايــب
عز الله ياسطام قبل لا اقرا البيت اللي كتبته اقول ماله الا يتوب لين قريته
ورجعت في كلامي
قصيده جميله جدا بجمالك
ياعين كفي دمعة العين ياعين000لاحاصــلاً قربة ولا نيــب تايــب
ماحد يلومك والبيت هذا روعه ومعبر
ونتمي المزيد
وصح السانك ويحيا بنانك
سطام بن فهيد05-Feb-2003, 02:26 PM
صح ابدانكم
ومشكورين على ردودكم على القصيده
وجعلكم ذخر
ولكم تحياتي يا عيال العم:D
ذيب الغداري05-Feb-2003, 02:39 PM
اطرد ورى حظي واهل الحظ مقفين000واقفوا وانا قلبي من الهم عايب
صح لســــــــــــــــــانك
وجعل ماأحد يقفي عنك انشاء الله
سطام بن فهيد05-Feb-2003, 02:52 PM
صح بدنك
والله يقبل منك
ومشكور على ردك
ولك تحياتي
اخوك
سطام بن فهيد:p
ابن مشيب05-Feb-2003, 10:55 PM
ومن الحب ماقتل.
اخوي سطام الله يعينك , قصيدة ولااروع , وصح السانك , واذا كان عندك مزيد فلاتبخل علينا.
اخوك:
ابن مشيب.
سطام بن فهيد06-Feb-2003, 06:56 AM
صح بدنك
وابشر بعزك اخوي ولد عمي
ومشكور على مرورك وردك الرائع
ولك تحياتي
اخوك الصغير
سطام بن فهيد;)
نديم الصمت06-Feb-2003, 03:35 PM
تسلم أخوي سطام على هذه القصيدة التي عانقة الأحاسيس لمن يحمل هذا الهم والوهم والذي مطاردات وأوهام خاصة إن كان ذلك المحبوب لا يعلم عنك أو أنه يعلم ويخاف من المجهول
قلتَ
اطرد ورى حظي واهل الحظ مقفين000واقفوا وانا قلبي من الهم عايب
ومن ثم قلت:
ياعين كفي دمعة العين ياعين000لاحاصــلاً قربة ولا نيــب تايــب
نداء صارخ للعين بكف الدموع لتلك الأسباب
أخي سجل إعجابي
وتقبل تحياتي
:)
سطام بن فهيد06-Feb-2003, 06:06 PM
ومن قال يسلم
ومشكور على ردك
الرائـــــــــــــــع
ولك احلى تحياتي
اخوك الصغير/
سطام بن فهيد:)
