اطيب قبيله فالجزيره

قصيده الشاعر/ جبران القحطاني في قبيلة عتييبه


يقـول مـــن غنى بزيـن الهنـــاديـب
وايجـر صوته في معدى الرقيبه
يلعب وكـــــــم غيره رجالا لواعــيب
واخذ مـن هموم اليالي نصـيـبـه
واخذ من الدنيا دروس وتـــجاريــب
وفي كل يوم يزيد يادبيس شيـبه
ومن كل قوم له ربـوع واصاحــيـب
وكــل على ماقيل يمدح صحــيـبه
وكل معه في الطيب مقسوم لاريب
واطـيب قبيله في الجزيره عتيبه
من دون نقـص في حقوق الاجانيـب
كـــل القبـايـل ما عليـها غــليــبه
لاكن عتيبه طيبهم من ورى الطيــب
وعــن طيبهم كل درى ويحكي به
ليـا قلت تكفى للعتيبي لـك اجيـيـب
مـــادام ماحطـوا علـيه الـنصــيبه
تـرتيـبهم الاول على كـــــــل ترتـيـب
اقـول قول الصدق والكذب خيـــبه
ذباحت الحايـل كبـــار المــعاصـيــب
ولــطامت العـايل بقـوه وهـــــيـبه
عتـيبه الهيـلا رجــــال المواجــــيــب
الــي لهم فعـلا وسمـعه وطــــــيبه
من ظن فيهم ظـــن والله مايــخـيـب
وطـلبك لاقـام العـتـيـــبــي يجـيبـه
عن مجدهم لـو يكتبون الكـتاتيب
تـفنى صحايفهم وهي ما تفتــي به
قلته وانا مالـي وراهم مطــاليـب
امدح خوال الي سكن وسط طيبه
هذاوانا ربعي رجــــالا معاصــيــب
قحطان هي ساس العرب والعريبه
وكل القبايل نعم من دون تحسيب
لاكــــــن في القمـه قــبيلة عـتــــيبه

صح لسان القحطاني وبيض الله وجه ولا عليه ولاعلى ربعه زود

صح لساااااااااااانه

صح السان الشاعر جبران وسلمت يداك ويعطيك العافيه

صح لسان الشاعر

وطلبك لاقام العتيبي يجيبه

دمتم بخير

صح لسان القحطاني ولا عليهم زود عيال الشايب

ومشكور على النقال يا عبد الله لا هنت

صح لسان صبي قحطان ونعم فيه وفي لابته


تحيتي

بيض الله وجهك على النقل

وصح لسان القحطاني ونعم فيه وفي قبيلته قحطان