اتحداكم ياعيال عمي تحلونه

للشاعر عبدالرحمن الجمعاني الوقداني

أبنشد العـراف وانشـد هــــل القـيس ## عــن غبوتي واقـر للي عرفها

وش هـو جفر يرضع بطيزه من الديس ## ترهم عليه امه وهو في طرفها

جاه النصر واوزى فمه في فم التيس ## حتـى شرب در امه اللي عطفها

حلو اللغز اللي جبته

عثمان الوقداني

صباح الخير

وش رأيك في غطاس الماكينة فب البئــــــر .


محاولة أولــــى .

مالك لوى الجواب غير صحيح وهذا البيت له اكثر من مائة سنة اي قبل الغطاسات وحاول مرة اخرى وشكرا واذا ازريت تحله اعطيتك الجواب

والله ابرمع رمعه ولا ادري ياعثمان

لكن ماهوب الصميل

مالك لوى معليش يالعصيمي حاول مرة ثانية وخيرها في غيرها

السلام عليكم

والله فكرت وتوصلت لحل بس مدري هو والا لا

اظن انه القلم

تحياتي:rolleyes:

معليش حاول مرة ثانية يااخوي المحارب

بعد بحث وتمعن وتفكيييييييييييييييييييييير
اعتقد ياخوك بأنه ـــ غصن الشجرة ــ

انشاء الله ما تقول لا لك لوا

|4| تحياتي للجميع |4|

معليش يا خوي حاول مرة ثانية



لو دريت عن الغنم كان منها ما شريت* زهقت منها قبل لاحط راس مال
دلعتني فاول الهجر واتلاها بكيت* دردبتني مع كرا مثل ثلب فالرحال

بعد التحية والاحترام ،،،
مشاركة انشاء الله انها صحيحة
الجواب ماهب
السعن
أو
القربة

وتحياتي لك ،،

اللغز محير وحيرني معه يا عثمان
ولكن اعتقد ان تفصيل حله كالتالي:


الجفر - أصبع البندق
الأم - البندق
النصر - العبرود
در أمه - البارود

هذا اعتقادي وعسى يكون صحيح .

انت اقرب واحد للجواب ولكن ما هو هو حاول مرة ثانية ولك التحية
يالصنهاتي

اذا لم تستطيعوا حل اللغز فاخبروني حتى اعطيكم الحل

ان شاء الله يكون الدلو او الغرب في البير

أبنشد العـراف وانشـد هــــل القـيس ## عــن غبوتي واقـر للي عرفها
وش هـو جفر يرضع بطيزه من الديس ## ترهم عليه امه وهو في طرفها
جاه النصر واوزى فمه في فم التيس ## حتـى شرب در امه اللي عطفها
الحل:-
حسب اعتقادي..
ان الجفر. الجوال..
الديس هوالمحول
وامه هي البطاريه..
والنصر هوصاحب الجوال..
فم التيس فيش الكهرباء
تقبل تحياتي.:D

معليش ياعيال عمي حاولوا للمرة الالف

الأخ : عثمان

حبينا نشارك مع من شاركوا


واقول رمعة وأسباب إختياري لها


فأنا فسرت اللغز على (( اللي)) حق شفط الماء

فهو يسحب المويه طبعاً من الجك بالجهة الخلفية

والنسر هو الأدمي

والدر: الماء

هذا والله أعلم





كما اني أقول ممكن انها المقمع والبارود

حاولوا مرة اخرى وشكرا

مساك الله بالخير



ممكن ان الحل هو : لي الشيشة




هذي نضرتي والناس كلٍ بنضراته









goodby

عرفته .............. المقمع

تراك اقتربت من الحل

مساك الله بالخير

حل الغز لنكان مخاب ظني :المصاص
والله العالم

ان مع لاخ كريم سبلا وان شاء الله الحل يكون صحيح

معليش حاولوا مرة اخرى

طيب يا عثمـــــان

وش رأيك في اللستك ولي الهوى

تراك حـيّـــــــرتنا , يا عثمان .

وشكرا .

إحتار من يختار








ولكن عندي رمعة لعلها تصيب









ما هو التحلول حق المرضعة؟؟؟؟؟؟؟

حاولوا ايضا

السلام عليكم ورحمة الله وبركاته

اظن ان الحل بندق ام فتيل

لاتقول............. لا
|4||4||4||4|

مالك لوى اخوي حاول مرة اخرى

هذا سلمك الله ( الماطور) ماطور الماء

انا أشوف ان مطلق مهوب بعيد عنه وأظنه الدلو، والنصر : السيل

معليش يعيال العم حاولو مرة ثانية ومشكورين

الرصاصةهي -الام /والعبرود- الجفر / واالتيس - فم البندق /
اقرب شي للحل هو العبرود راس الرصاصة محتضنته الرصاصة وفمه في فم البندقلين يجيه الفرج من النادوس . كذا ولا لا ياوقداني ......؟؟؟؟؟؟؟؟؟؟؟

در امه البارود

حاول ايضا

هو اللغز انحل ولا بعده يالوقداني !!!! نبي نحاول .

لم يستطع احد حله

وليا هالحين مانحل : خذ عاد ولا تبطي الله يهديك
الحل هو :
اللي ( الهوز ) ولا شراع الماء ... هاه :)

الله العالم انه "الغليووووووووووون"|4||4||4||4||4|


اعتقد كذا ماعاد فيها مالكم لوى هههههههههههههههههههه:D

وينك يالوقداني !!!!!!!!!!!!!!!!

وينك يالوقداني !!!!!!!!!!!!!!!!|459|

معليش اخوكم قاعد يتدرب على الصور
[صورة غير متوفرة][/img

[img][صورة غير متوفرة]

محولة اخيرة

[img]http://www.otaibah.net/m/showthread.php?s=&postid=31847#post31847

[url] [url]http://www.otaibah.net/m/showthread.php?s=&postid=31847#post31847 [img]

محاولة قبل يجي المراقب

[صورة غير متوفرة] ([صورة غير متوفرة])


[صورة غير متوفرة]

الإستويتش والمفتاح


والله أعلم

وين راح هالوقداني ، عسى المانع خير .. ! مع اني شايفه قبل كم يوم بسوق البل اللي بالمنتدى . هذا اللي يعيف بالالغاز .. يحطها راعيها ثم يدبر !!!

الحل يا عثمان هو
الكشاف اللي يعبأ بالكهرب ( التريك )

اللي يعرف وين راح الوقداني يالربع يعلمنا ...

السلام عليكم ورحمة الله...........وكل عام وانتم بخير
اعتقد ان الحل........هو........
........
........




.........
فتيل الفانوس.........

قل صح .....

السلام عليكم والله انا اضن

لستك الكفر

ومكينة الهواء

والهوز


وشكراً

اخوي عثمان السلام عليكم
حل الغز هو الجباده التي تستخدم لبعض الاثداء
ومن ثم يرضع المولود الحليب

وين راح الوقداني
تروه طفشنا هو واللغز اللي جايبه

تراك طفشتنا حنا لو فالحين كان فلحنا في شي ثاني غير الألغاز هات الحل وأنا ترى يجيني صداع اذا شغلت مخي

هات واحد ما فيه ديوس ونهود وتيوس وانا احل ابوه
وحط جائزه تشجيعيه
أقامه في احد الفنادق مع تذاكر سفر بس ما تكون للعراق او اسرائيل
ككككككككككككككككككككككككككك

بعد تفكير مليل وبعد ما عصرت مخي طلع معي طرمبة الماء والله أعلم
وأرجو لا تقول لا لأنه مابقي شي ما قلناه

السلام عليكم..

مساء الخير لمن تصفح ممسياً
وصباحه لمن تصفح مصبحاً..


أخواني الكرام:

الموضوع هذا سوف يثبت ..

وبكل جدارة وإستحقاق..


الرمعات التي لاتزال تحت إحتمال الصواب والخطأ كثيرة..

ولكن سوف نقوم بمراسلة الوقداني لكي يرد عليكم..


وإسمحوا لي أن أطلق على اللغز:


( منشّف الأرياق )





تحيااااااااااتي.

الاخ عثمان
اتوقع الحل وبالله التوفيق
ان يكون مدفع الافطار

الاخ عثمان

الموت مع الجماعه رحمه وانا

برمع للغز رمعتآ عند الله خبرها

ان كان ماهوب القلم والمحبره

اللي كانت في السابق الريشه

هذا والله أعلم

صباح الخير يــا الربع ،،

اضن الحل والله أعلم

البندق القداحي، والبارود ، والمشحان

تحياتي لــــــــــــــكم جميعا،

يالربع رمعتي معكم هي:


ياخوي ياعثمان انحولت عيوني وانا اقرأ للعتبان جابو لك كل الحلول القديمة والحديثة
وأنت تقول ما لك لوا .....هايا لاتقولها لي
الحل هو:عظم التتن زمان أول والغليون هالايام(يمكن صاحب اللغز انقليزي)


_ حل أخر: القوس والسهم

يعطيك العافيه اخوي عثمان
بس انت اخوي عثمان قربت الحل يعني حول مقال اخوي الصنهاتي نبي انخمن عسا الله يجيبه
ويعطيك العافيه يلي فكيت مخ عيال عمك ههههههههههههههههه

الحل انشاء الله هو
غصن الشجره
الجفر هو الغصن يشرب بطيزه من امه الشجره وهوبطرفها
واذا طال اوزي فمه في التيس وهو ابن الماعز اللى بالتالى يلتهمة ويشرب ماءه اللى من امة اللى رضعها .
وهذا اعتقد انه الصحيح

وهنالك المحقن قد يكون في حالة جانبنا الصواب في الاول .
وما عندنا غيرها ياوقداني ...................؟؟؟؟؟؟؟؟؟؟؟؟؟؟؟؟؟؟؟؟؟؟؟
والا عطنا اماريه تقرب الحل .
مع شكري وتقديري

اسلام على من اتبع الهدى


اتعبتنا يالوقداني الله يجزاك بالخير
اذا مكان رمعة الغز المفتاح والا ستويش
الله العالم انه الشيب ومكينة البنزين



وسلموووووووووو

رمعه والله مدري
انشالله انها هيه
هو اللي حق البزين

وبدون تعليق

شيباني نت

لو سمحت نبي تعيدون نص اللغز

سلالالالالالالالالالالالالالالالالالالالام

صراحه اللغز في غااااااااااااااااااااااااااية الصعوبه اخوي الوقداني

حاول تلمحلنا منا ولا منا


اخوك شيباني نت

أول مشاركة

تحتاجها لحتجت لك عرف رجال
وليا عرفت الرجل دليت ربعه
هي تعرفه مضبوط في كل الأحوال
ما ملت من الوقت من كثر تبعه

حياك الله
اخوي شجاع
اخذ هالرمعه
يمكن صح
هل هو الجوااااااااااااااال ؟؟؟؟؟؟؟؟؟؟؟

اخوك شيباني نت

ارجو المعذرة على انقطاعي عن المنتدي لظروف خاصة وبنالسبة للغز فجميع الحلول للاسف خاطئة

دام ان جميع الحلول خطأ وماهي بهيه
عطنا الحل اعتقد مافي واحد الا ورمع لك وانت هداك الله تقول لا
على قول احد الاخوة مافي حل من حلول الماضي والحداثة الا وجابوه الك
يا ترى وشنهو والا انت ما تعرفه هههههه امزح معك
هات الحل

تراني اعرف الحل لاكن ما بحرق عليكم متعة البحث وشكرا

الاخ الوقداني تراك من جد تعبتنا ليش ما تحل لغزك ذا وتريح العالم !!!!!!!!
والله من عندي احساس انك ما تعرف تحلة واذا تقول لا اثبت ذلك بالحل اتحداك
وتسلم يامجننهم وانا منهم!!!!!!!!!!!!!

.....................

الحل هو
.
.
.
.
.
.
الحل هو النخله و الفسيله
قول صح وانا متأكد مليون في المية

السلام عليكم اول مشاركة لي وانا اقول المدفع استلمت
المدفع

هذا والله اللي ماله حل
اللي عجزو عنه الرياجيل
ريحنا وعطنا حله الله لا يهينك

انحل وإلا بازي :)


تحيااااااتي

سلام


والله انا عندي رمعه

والله العالم صح والا خطا

عثمان

وش رايك


ماهي بنت النخله (حنا نقولها بنت النخله وهي الفسيلة اللي تنبت على جنب النخله)

ثم تشال من النخله وترد في الارض نخلة جديده


ان شاء الله انه صح

لا تعلمنا بالحل ياعثمان ....

يمكن نحلّه.....اقصد نبي نحلّه انشاء الله

اعتقد أنه أصبع البندق

وتقبل تحياتي

أخوك الخراص........

ترا عندي رمعه

اعتقد انه برميل الهواء عند البنشري وكفر السيارة

محطة النزين اللي وتانكي السيارة

الاخ عثمان الوقداني
مساك الله بالخير ....

اول محاولة لي مع هذا اللغز الجميل ... واقول
الشكوة ( القربة) اللي يخضون فيها اللبن ..
وتفسيره ان القربة مصنوعة من جلد الجفر الصغير .. وتاخذه صاحبة الحلال وتحطة تحت ضرع العنز وتحلب فيه الحليب وبعد مايمتلىء .. تربطه .. وتاخذه في طرفها ثم تخض الحليب حتى يسير لبن .. ثم يأتي الرجل وتفك مكان الشرب من القربة ويشرب الرجل وبالهنا والعافية ..... هاه وش رايك .. لا تقول ...لا

ياولد وقدان .. سلمك الله من الشر ...

تراني استعجلت في الحل

الحل الاول والاكيد هو الغليون اللي يشربون الدخان فيه

واذا ماهو الغليون نفكر في شكوة اللبن وبعدها نسلم عليك ...

مساك الله بالخير..يالوقداني

انت متاكد إن الحل ينطبق على اللغز 100% ؟ ..

اذا كان الجواب : نعم .. لا تعلمنا بالحل ولا تحاول توضح معناه .. اللغز نبي نحله ! الله لايعوق

السلام عليكم
حبيت اشاركم الحل
والهقوه انها الناقله اللتي تزود الطائره بالنفط

السلام عليكم
انا توي مسجل اليوم بالمنتدي وتوي اشوف اللغز

لكن بحله لكم ( واثق من نفسه الرجال) ههههههههههههه


بس اول شي الجائزه



ولا تدرون مسامحكم ما ابيها

الحل طال عمركم



الدينمو والخزان والحنفيه هذا اذا كان اللغز مليان صح


الجفر الدينمو (يشبه الجفر) صح يرضع بصيزه من امه الخزان
والنسر الحنفيه فمها بفم الدينمو .................

الدينمو ( المضخه حنا نسميه دينمو او الماطور لكن الشائع الدينمو)


هاه وش رايكم
وين صاحب اللغز


سلام

بسم الله الرحمن الرحيم
السلام عليكم ورحمة الله وبركاته ، وبعد :
لدي هذه المشاركة على عنوان الغرفة ، ( أتحداكم ياعيال عمي تحلونه ) :
سألت فتاة صبي بجانبها فقالت :
هذا جدتي أمه ، وأبوي جده ، وأنا عمته ، وهو خالي !!!

والإجابة تلحق في الأيام القادمة إن شاء الله ،،،

مع خالص التقدير والتحية

بريدي هو : www.mfmalf@yahoo.com

رمعتي هي

الشيشه

لي الشيشه
المشيش او من يشرب الشيشه

هؤلاء هم الثلاثه اللي فاللغز

قل تم

الناااااااااااايف

اولا مساك الله بالخير ومشكور على اللغز الجميل
الرمعه وشرايك في الرشاء والمحاله

السلام عليكم
رمعه وش رايك في الرشا والمحاله

كلكم ماحليتوووووووووووووووووه وأنا اللي أبحله لكم والحل عندي لكن
وشنهو اللغز هالحين فيه ديس وجفر وتيس وفم الظاهر مايعرف حله الا الشايب ابنشده وبرجع لكم

فاصل اعلاني قصير ونرجع تابعونا على الهيلا

أخوك الدعيدع العتيبي

بسم الله بما أن الردود على هذا اللغز كثرت ووصل حدها الى 99 رد فأنا لقيت الحل يا الوقداني وبذلك ينتهي لغزك الان على يدي

الحل هو / الجوال والشاحن

ومشكور أخوي الوقداني على هذا اللغز اللي عقد جميع الاعضاء


تحياتي لك أخوك / الدعيدع العتيبي

الممراط الخاص بتنظيف البندق

عثمان الوقداني ترا اللغز معاد له طعم علمنا بالحل

الى ولد العم الوقداني اعتقد والله اعلم انه (المدفع)

ان شاء الله يكون صحيح........

السلام عليكم
اسعد الله اوقاتكم
-

الحل

هو /
7
7
7
-----------
راس
الشيشه (المعسل)
-
---
----
-----
ولكم تحياتي،،،

السلام عليكم ورحمة الله وبركاته


هذي اول مشاركه اللي واتمنا تكون رمعتي صح

واضن ان الحل هو راس الشيشه

تحياتي


عاشق الشاص

العلم وشنهو يالربع

هلا ياعثمان انا اول مشاكه لي وعندي رمعتين كلها قريبه من بعض وانشالله انه هو الحل

الابره والي حق المغذي
او
البنزين

والله اذا ماكان لي الغذايه والا مادري عنه

مساء التماسي يا ورد قاعد على الكراسي

يا بويا عرفنا الحل هو تنين من تلاته قصدي واحد من تلاتة ..

أنا حاسس إنو هذا اللغز حلو عندي ..وراح أقول لك وللشباب عن حلو ...

أنا فكرت وقلت يمكن الحُمار ...بس الحمار ما يرضع من طيزو ....وقلت يمكن يكون البطيخا ...بس البطيخا مو تيس يعني مزكر مو مؤانس...
فلا شك يا صاحبي هوا ....أنزل تحت لطيز الصفحة أقلك ..
.
.؟
.
.
.
.
.
.
.
...
.
.
.
.
.
.
..
.

.
.
.
.
.
.
.
.
.
.
.
.


.

.
.
.
.
.
.
.
.
.
هوا ...

أقيس إنه الجواااااااااااااااااااااااااااااااااااااااااااااا ال يا بعد حيي
وسلامة عتاااااااابة

بديوي وش هالهرج الله يصلحك بس


الحل زي ماقلت اول هو الغذايه وسلكهاالي يوصل للابره او البنزين او شاحن الجوال ومتاكد انه ماتعدى هالرمعات !!

السلام عليكم ورحمة الله وبركاته ..

هذه أول مشاركة لي في هذا المنتدى الرائع ..

وإن شاء الله تكون الإجابة صحيحة ..

الجفر : العبرود

الديس : الطلقه

أمه : البندق ترهم حسَها ..

التيس : البارود ..

النصر : نادوس _ ظراب الطلقه _ الحامي _

الرمعه الثانية :

الجفر : الغرب أو الدلو ..

الديس : جمة الماء ..

أمه : السانيه أو المحاله ..

التيس : الحــوض _(المدي أو القرو)

النصر : الحبل _ الرشاء ..

الدرّ : الماء

أمه اللي رضعها : البئر


والله أعلم ..

السلام عليكم

ابك ذا ماصار لغز ذا معادلة رياضيات والله لبطي ما حليته

بس شاك انا فالدلو

:::::::::: تحياتي ::::::::::
ابن روووق الغربي

الحل يوقداني


[ المكحله------المرود--------------الكحل

أبنشد العـراف وانشـد هــــل القـيس ## عــن غبوتي واقـر للي عرفها
وش هـو جفر يرضع بطيزه من الديس ( هو لي الشيشه )
ترهم عليه امه وهو في طرفها ( هي الشيشه )
جاه النصر واوزى فمه في فم التيس ( هو الشخص الذي يشيش )
حتـى شرب در امه اللي عطفها (حتى كيف الرأس ) وهي لغة أهل الشيشة
أرجو أن أكون قد وفقت في حل اللغز

احسنة بس والله اني كل ماجيب حل القى فيه شي غلط لاكن معك والله يجيب الحل
اخوك ليل الحافي

الجواااااااااااااااااااب هو عياااااااااال البدو منول اذا امه مافيها حليب او ان حليبها قليل يرضعونه من حليب العنز الله يخلي النيدو

رضى الوقداني أم أبى
الحل هو كما تفضلت

هذيك الايام ماكان عندهم شيشة ياخو الهيلا لان الشاعر قديم على مااضن
لكن وش رايك يالوقداني بالغليون وتعميرته.
بس ما شوف راع اللغز يرد ولا يعلق

بعد التحية وتفكير ضل عشر سنوات على ما اعتقد انه السهم والقوس ومشكورين

كل لغز ممتاز وقوي يتم تثبيته فترة طويلة.

واذا لم يتم حله سواء من القراء أو من صاحبه

فسيتم الغاء تثبيته.

وهذا اللغز اعتقد طولها شوي لذلك اعذرونا ..

في الغاء تثبيته.

الله يعطيك العافية

وحتى صاحب اللغز له 4 شهور ماطلع على الهيلا

ولا رد على اللغز

الحل الشيشه واللي الورع والنسر الرجل وحله موجود عندي

أنشاء الله يكون مخزن السلاح.