سبة ضياعي شامة فوق خده=لوشافها الكافر دخل فالشريعة

السلام عليكم ورحمة الله وبركاته


هذه قصيدة للشاعر المعروف000


(نايف بن معلا بن مشعان المغيري العتيبي)

اتمنى ان تحوز على رضاكم----



عينـي تراعـي كـل نجـم وتعـده=وصار السفر عندي مـزاج وطبيعـة

القلـب هومـات المنـايـا تـشـده=وترسل عليها من السهـوم الهزيعـة

كنـي غريب(ن)بيـح الوقـت سـده=حملـه ثقيـل ولا قـدر يستطيـعـه

كله من اللي طـال هجـره وصـده=اللـي نوانـي بالجـفـا والقطيـعـة

صـد وتغلـى مااعتـرف بالـمـوده=واقفابـه عنـاده وزيَــن صنيـعـة

حتى غروره ضاهـي الحيـل هـده=وضاقت عليه من الغضون الوسيعـة

احـاول أقطـع كـل عرق(ن)يـوده=لـو كانـت الفرقـا وفـاة شنيـعـة

المشكلـة لا جيـت أبصيـر ضـده=واقول هذا الشخص لحـد(ن) يطيعـه

سلهـم بهـاك العيـن وأشَـر بيَـدَه=كنـه يقـول اللـي هويتـه تبيـعـه

وضاعت علومي وأرتخت كـل شـده=وضعت ونسيت العزم وأصبحت أطيعه

وسبة ضياعـي شامـة فـوق خـده=لو شافهـا الكافـر دخـل فالشريعـة

وختامها صبري وقـف عنـد حـده=واقـول حبَـه دائـمـا فالطليـعـة

تقبلو تحياتي

صح لسانه

مشكور وماقصرت على النقل الموفق

محب الهيلا


صح بدنك لاااا هنت على المرور يالغالي



وشكرا لك على المتبااعه والتوااصل

صح لسان ابومعلا..

والله شاعر مخضرم وخلوق ومتواضع جدا ..

الله يوفقه..

مشكور يالغالي ع النقله..

عبدالله الجذع



صح بدنك

ولا هنت ع المرور الذي اسعدني حقيقة


تحياتي

بارك الله فيك ياسعد على نقل


هذه القصيده الجميله

الله الله

صح لسانه

وقصيدة رائعه

صح لسان ابومعلا..

والله شاعر مخضرم وخلوق ومتواضع جدا ..

الله يوفقه..

مشكور يالغالي ع النقله..