يالمـعلـم لاتـكـثر فالـطـلايـب

هذه القصيدة لي وارجو ان تحوز على رضاكم




يالملعـم لاتكـثـر فالطـلايـب
مانبـا منكـم سـؤال ولااجابـه
مل قلبٍ مايبـا غيـر الحبايـب
ولعـه غـروٍ وسابلـةٍ ثيـابـه
يالمعلم شب فـي قلبـي شبايـب
ليـت قلبـي يالمعلـم ماشقابـه
عينه اليمنى كما نـار الحرايـب
وعينه اليسرى سلاحٍ في جرابـه
تل قلبي يـوم يتلـون الركايـب
مـن ديـار الحارثيـه لعتـابـه
واوجودي وجد رجلٍ راح شايب
مالـه عيـالٍ ولاعنـده قرابـه
عقب جاه الكبر صار العود عايب
والدهر عظه كما عـظ الذيابـه
هاضني رجـمٍ يلوفنـه هبايـب
ذاكر اللي حط عطره في لبابـه
لو تجي في حرب بتفك النشايـب
وعـذاب القلـب منهـا وعذابـه


وســــــــــــــــــــــلامتـــــــــــــــــــكم

اخوكم/سطام بن محمد الجياشي الحارثي

الله الله

صح لسانكـ يالحارثي


وحياك الله في منتداكـ الثاني

صح بدنك

وابقاك الله يامرحب

ياهلا والله بالجيران بابن ميسان :)
والله وصح لسانك يالحارثي
قصيد جزل وأبداع كريم ..
لاتحرمنا من جديدك وواصل وبنتابع معك

صح لسانك
وننتضر المزيد منك
ويعطيك العافيه

ياهلا ويامرحبا اخوي بجاد

وانا من قيا مانيب من ميسان

شاكرين لمرورك

صح بدنك اخوي سلطان

اسعدني مرورك من هنا