كــون المـبيحـيص
إبن بجران21-May-2004, 07:02 PM
السلام عليكم ورحمة الله وبركاته....
ياليت يا أخوان اللي عنده أي معلومات عن هذا الكون ....حتى ولو كانت
سطحيه فليتفضل مشكوراً ويفرغ ما في جعبته عن هذا الكون...
وهو المبيحيص إن لم تخونني الذاكره ...
تحياتي....
العصيمي|4|
ابن مشيب22-May-2004, 03:19 PM
اخي الكريم/ +*+ العصيمي+*+
هذا الكون بين الشيابين من عتيبة , والدوشان من مطير , وكانو الشيابين بقيادة الشيخ هذال بن فهيد غازين على الدوشان في الصمان , ومن نتائجة سالبة الدحملية زوجة الدويش , واخذ مواشية.....
والسبب في ذالك هو ثأر من الدويش , بسبب غزة على احد العتبان , ويقول الشاعر في ذالك الكون:
وعـلــى درب الـمـبـاحـيــص الـتـقـيـنــا...........وشـيــوخ الـقــوم طـفـيـنــا بـخـتــهــا
لـعــيــن الـــــــي تــنــادي بـالاســامــي ...........تـثــاري لـلـنــخــاه الـــــى نـخـتــهــا
أخــذنــا حــلــــــت الــقــوم ودبـشــهــم ...........جــزاءً لـفـعـولـهــا الــى فـعـلـتــهــا
نـجـازيــهــم بــمــــــــا مـــدت يــداهـــم ...........نـكـيــل الـصــاع والـنــا راجـحـتــهــا
ويقول شاعر اخر في سلبة الدحملية زوجة الدويش , وهذة الابيات موجهها لدوشان:
لكن مدري وين ذيك النماره 000 عن الدحـمليه يوم جــــــــينا معابير
نجرها بين الذرا والغـــراره 000 من الهودج اللي كن وسطه نواويـر
عفرا واشعها صفار بحـماره 000 وباقي الموضوع لريش العين تفسير
وهذا الكون بختصار.........
إبن بجران22-May-2004, 07:00 PM
والله ومليون نعم بالآد مشيب وبالشيخ هذال كريم نجد-رحمة الله عليه-
لاهنت والله يالقرم ونا والله من أول أسمع بهالكون ولا ادري وش سالفته...
نجرها بين الذرا والغـــراره 000 من الهودج اللي كن وسطه نواويـر:D
بس الدويش غزى على من من عتيبة؟!!! الدعوه ثأر في ثأر!!
ياليت تكمل جميلك وتوضح لنا هذه النقطة يالخال.......
تحيااااااتي
العصيمي
الخنفري23-May-2004, 01:09 AM
لاهنت يابن مشيب
ونشكر الاخ العصيمي على طرحه الموضوع
وللعلم الدحمليه بنت عماش الدويش
البرقاوي نت23-May-2004, 07:57 PM
تسلم يا العصيمي على الموضوع
ولاهنت يابن مشيب على الايضاحات الجيده
إبن بجران23-May-2004, 08:56 PM
الأخ العزيز الخنفري...
مشكور أخي على المشاركه والمتابعه....ولاهنت على المرور...
نتمنى التواصل...
اخوك العصيمي
إبن بجران23-May-2004, 08:59 PM
الأخ العزيز البرقاوي نت...
الله يسلمك يالنشمي...ولاهنت على المرور ...والفضل كله لله ثم لأبن مشيب...
بس ياليت أبن مشيب يوضح لنا هذه النقطه التي ذكرتها سلفاً.....
أخوك ...العصيمي....
المحايد08-Jun-2004, 04:07 PM
تقيد بقوانين المنتدى وهذة القبيلة السابعة التي تدخل بإسمها
ابن مشيب08-Jun-2004, 05:06 PM
تم قفل هذا الموضوع , كي لايتدخل من يريد بث سمومة بين قبيلتي مطير وعتيبة , لحساسية هذا الموضوع.......
