نقض وفتل حللوها يا أبو فايح

السلام عليكم ورحمة الله وبركاته




مساكم الله بالخير




دائماً حدث تضارب في تحليل المعنى في هذا القسم

ولكل شخص وجهة نظر نحترمها

ولكي يتبين لنا من يستطيع تحليل المحاوره بالكامل

سوف اطرح بيتين فتل ونقض

واللي يفهم أو يدعي أنه يفسر المعاني يفسرها لنا

وسوف اطرح بيتين ما فيها صعوبه



الفتل



يا نعمةٍ ما تدوم الا على من حمد=بنت الهوى يا رشيد نحني اكفوفها



النقض




ما كل عذرا ليا حملة تعقب ولد=تجيب بنتٍ تعقب شر في جوفها







ولنا لقاء بعد الردود

هلا بك استاذي الكريم

ابراهيم الجذع

وجميل ان تطرح مواضيع مختلفة في طريقة طرحها ليتم التفاعل معها بشكل طيب وتفيد المتلقي وينتعش بها القسم ..

وكنت آمل لو تطرح المحاورة بشكل كامل على الأقل نستمتع بها..

ووجهة نظري الخاصة وقد تكون خاطئة فأنتم اعرف بنا كونكم شعراء ومن ابناء هذا الموروث ان هناك صعوبة عندما نفسر بيت وبيت بهذه الطريقة لأن المعنى قد يكون خاصة وهذه الترميزات التي يتخذها الشعراء لتقريب الشاعر من المعنى حتى يصيده ومثلما ذكرت سابقا قد يحضر وقد لايحضر

الكثير من التركيبات والمفردات تستهلك كثيرا ومع ذلك تسقط على معاني مختلفه ومن طريقة تركيبها في البيت يوجه بها الشاعر الطرف الثاني الى المعنى الذي يريد

يعطيك الف عافية

الله يعافيك أخوي فهد

اللي يفهم المعاني

يكفيه بيت واحد

وأنا طرحت البيتين

وهذا أسهل من البيت الواحد

وبالذات الشعراء من المفروض يفهمون البيت الأول

لأنه لو وجه له لازم يفهمه ويرد عليه

سرني مرورك

يا ابراهيم
صعبة تحكم على بيت ورد
لانعرف إسم الشعراء ولا تاريخ المحاورة
ولكن قد تكون المحاورة مبنية على مواضيع لسنا على إطّلاع عليها
يعني موضوع بينهم ما درينا عنه
عموما أنا بكل صراحة مالي تعليق على الموضوع ولم يتبّن لي شيء حتى أكون صادق معك
سا أنتظر ردود الأخوان لعلنا نستفيد

تحيتي لك

...

.

.

أخي إبراهيم الجـذع من الصعب أن تحلل المعنى من بيت ورد وأن نبني على البيتين معنى المحاوره او مغزى الشعراء ..

لكي نفهم معنى المحاوره لابد من قرأتها كامله ومعرفة الشعراء ..

دمت بود

:)
.

.

..

\


الفتل





يا نعمةٍ ما تدوم الا على مـن حمـد

هذا يقصد اطلب الرضى مني تحصل السلامه



بنت الهوى يا رشيد نحني اكفوفها


ويقصد بهذا الشطر انه فحل الملعبه والملعبه عشيقته



النقض







ما كل عذرا ليا حملة تعقب ولد

يقصد رشيد هنا مكل ملعبه تجمع اي شاعر يطلع شاعر


تجيب بنتٍ تعقب شر في جوفها

ويقصد هنا السخريه من الشاعر تجيب كلمه ترجع علييك



لا حد يضحك علي هههههههههههههههههههه



وانا مع الشباب لا زم نقراء المحاوره كاامله حتى نحاول نفسرهاا

مسيت بالخير يا ابراهيم

طال عمرك اذا المحاورة جديدة ممكن تكون عن تونس .. !

ونسمع ردك

المحاوره سياسيه واضحه

والمعني واضح

واترك التحليل للاخوان

مساء الخير



الشيطان يوسوس في صدري يقول الموضوع تحدي


أنت وغيرك وشعراء عمالقه ربما لو عرضت عليهم محاورات كامله ما يجيبون معناها ماهو بيت فتل ونقض


واذا كان الموضوع مثل ما يوسوس لي الشيطان


أقول لك أنا خااااااااسر التحدي

حياكم الله جميعاً

سوف ارد على كل مشاركه لاحقاً

لكن اللي حبيت اقوله

أن المحاوره قديمه ولا اذكر منها إلا البيتين هذي

وليس لها علاقه بغيرها من الأبيات

ومعناها واضح وبسيط

الاخ العزيز : ابو فايح

مالك حق تحذف مشارركتي

وانا ماتعديت او غلطت على احد

ابراهيم الجذع

البيت الواحد ماتقدر تحكم عليى معناه بسهوله

لكن بيت واحد دائما ينظر لدلالة ألفاظه فقط ،، وعلى كذا

تكون النعمة ( العقل ) والشطر الثاني كناية عن المقدرة والمعرفة


والبنت في البيت الثاني هي الفكرة

color=#0000ff]باعتقادي /
أن التعرف على المعنى يكون من خلال تتبّع تسلسل أبيات المحاورة من البداية وحتى النهاية
ولا يمكن للمتابع رسم معالم محاورةٍ ما كاملة من خلال بيت او بيتين .

لذلك احببت عرض المحاورة كاملة كتابية هنا ..
لجميع من أراد سبر اغوارها واكتشاف معناها

المحاورة كانت بين الشاعرين عبدالله بن شايق وملفي المورقي
وكان من ضمن الشعراء بالحفل : رشيد الزلامي ومحمد السناني
وهي أول حفلة يلتقي بها رشيد الزلامي مع ابن شايق .

ابن شايق :
يا ملفي المورقي شكلك من البارح
تعبان لانته بلا ساري ولا سارح
واليوم تطلق عليه طيرك الجارح
يا لاح ياوماح يالاحي ياليحاني

الصف غنا وانا غنيت مثله بعد
واقول شعارنا في خدمة صفوفها

سهيل بكرة وبعد سهيل برق ورعد
متى المخايل تحن وتمطر قنوفها


ملفي المورقي :
ان كان نشطان يارجال ومروّق
تراك ممسوك بالجمهور ومطوّق
والسوق ما يهبطه ياكود متسوّق
يا لاح ياوماح يالاحي ياليحاني

من يوم جينا وجيتوا في نهار الوعد
الهرج يصلح مع العتبان وضيوفها

هذاه موجز لكن العلم كله بعد
ادري بامان الليال وعارفٍ خوفها


ابن شايق :
انا احمد الله رقيت السلم العالي
لقيت الاول ولا فكرت فالتالي
واللي يخون العهد ماهو برجالي
يا لاح ياوماح يالاحي ياليحاني

اللي ورد ما صدر واللي صدر ما ورد
ماهي بقدام عينك بكرة تشوفها

يا نعمة ماتدوم الا على من حمد
بنت الهوى يارشيد نحني كفوفها


ملفي :
الظاهر انك يابن شايق مورا لك
لكن حافظ على غترتك وعقالك
تشتالها ريح من صرصر وتشتالك
يا لاح ياوماح يالاحي ياليحاني

ترى الليالي طوال وحبلها من مسد
لكن لا تجحد العالم ومعروفها

ما كل عذرا ليا حملت تعقب ولد
تجيب بنتٍ تعقب شر في جوفها


ابن شايق :
يالشاعر اللي على راسك تحولها
والله ماتنفعك ناس تجاملها
بالله لا تجمع اخرها مع اولها
يا لاح ياوماح يالاحي ياليحاني

حنا نعد الليال وحافظين العدد
ارسم لك اشكالها واشرح لك وصوفها

ياليت بعض المباني ما يجيها الهدد
بعض المناطق يجيها الذيب ويحوفها


ملفي :
من عادتي ماعبدت وجيه خلق الله
مار انتبه وافتهم لن كنت عبدالله
حتى نقول اهتدى الرجال ما شا الله
يا لاح ياوماح يالاحي ياليحاني

يا جعل ربي يعزك يا ملكنا فهد
وحمك يرفع رماح القوم وسيوفها

الشاعر اللي معه دعوى ضعيفة سند
يبلها في غدير و يشرب حروفها


ابن شايق :
الفايدة منك يا ملفي ما نبغاها
الفايدة عند ابن زيد وخذيناها
اللي زرع سمّها في بطن معناها
يا لاح ياوماح يالاحي ياليحاني

يسلم فهد والله يسلم ولي العهد
ملوكنا ترحم الايتام وضعوفها

والله ما قلته غضب والله ما قلته حسد
لاشك دوّر لروس الناس وكتوفها


ملفي :
الذيب طول الزمان يحب خناقه
وان شاف من يكرمه نار وركز ساقه
والحر يطرح نهار يفك مسباقه
يا لاح ياوماح يالاحي ياليحاني

بعض العرب ما دري به قام ولا قعد
ياطا الاشارة بدون شعور ويطوفها

اللي عيونه صغار ومغتشيها الرمد
يروح لـ امه يخاشرها بمصروفها


ابن شايق :
عز الله انك صدقت وبان خافيها
هذي حصاة على راسك تدربيها
ارفع علم بندقك وابعد مراميها
يا لاح ياوماح يالاحي ياليحاني


الليل دوب انجلى والرمي دوبه ركد
خل المكينة تحن ونازن بلوفها

يا ملفي المورقي هوشتك هوشة عمد
لا شك دنيا الضعيف نقدر ظروفها


ملفي :
مالك ومال الحصاة اللي تدورها
تراك من ماضي الايام خابرها
ناس تجرّح خنافرها باظافرها
يا لاح ياوماح يالاحي ياليحاني

حنا عقدنا على راسك ثلاث العقد
يشهد عليها جلوس الناس ووقوفها

.................................................. .
.................................................. .


ابن شايق :
هذي حصاتي وانا بالسيف حاميها
والله ما بعد شفتك في ضواحيها
تبغى تكحل عيونك وانت تعميها
يا لاح ياوماح يالاحي ياليحاني

يا حمود علم حمد يا سعود علم سعد
ترى اللقافة تعود يم ملقوفها

العام بلفك هجد واليوم بلفك هجد
والحق يفلج شهود الكذب وحلوفها


ملفي :
هاذي حصاتك يابن شايق وعارفها
مدخلك بالسيف الابيض فيي طوارفها
والله لترضى بها لوكان عايفها
يا لاح ياوماح يالاحي ياليحاني


لو اتولاك بالقطلة بحزم جلد
لـ اودع عليك الجحادر تفرك كفوفها

اليا لزمناك دمك في عروقك جمد
من فعلنا فيك شوف الشمس وكسوفها


ابن شايق :
انته خلاف البقوم وتتبع الجرة
جابوك وانته من اول كان فالحرة
جت عندنا مرتين وجاتكم مرة
يا لاح ياوماح يالاحي ياليحاني

قطلتك طاحت من ايدك يا ضعيف الجهد
ما نجهل الناس حاذفها ومحذوفها

اليوم جالك بلد ولا امس مالك بلد
لا شك ذي عادة الايام وصدوفها


ملفي :
حنا عتيبة وعندك علم اسامينا
يا ما خذينا على الناموس واعطينا
وانتم ونعمين والله يالقحاطينا
يا لاح ياوماح يالاحي ياليحاني

رجّالنا حزة الميقاف ما يرتعد
يا كم عسفنا نفوس زاد عاصوفها

انتم وحنا رجالٍ مانجي فالنقد
وان كان عندك وعود للرجال اوفها [/color]

بيض الله وجهك أخوي مشعل

مجهود تشكر عليه يا الغالي

الآن موجوده المحاوره وين المحللين

وسوف أثبت لكم أن البيتين ما تحتاج

لمعرفة المحاوره

بعد ما اشوف التحليل

يا نعمةٍ ما تدوم الا على مـن حمـد
بنت الهوى يا رشيد نحني اكفوفها

النقض

ما كل عذرا ليا حملة تعقب ولد
تجيب بنتٍ تعقب شر في جوفها


من أول ما ابراهيم نزلت هالبيت تبادل في ذهن القارئ أن رشيد الزلامي طرف في المحاوره

وطلع موب طرف يعني أنت حللت أن الزلامي واحد من الشعار!!!!

هالمحاوره راكبه على الملعبه والابيات الي بعدها عن مستور وحبيب


وإذا طلع المعنى غير بين لي ليه حبيب ومستور بعيدين عن المعنى

الدعوى يالربع ماهي بتحدّي واعجاز !!




ان فيه محاوره تستاهل الطرح نستمتع بتحليلها وتبادل وجهات النّظر





ما زانت الرمعه الله لا يردّها





(( لكل امرئ ما نوى ))




تحاياي

مساء الخير



الشيطان يوسوس في صدري يقول الموضوع تحدي


أنت وغيرك وشعراء عمالقه ربما لو عرضت عليهم محاورات كامله ما يجيبون معناها ماهو بيت فتل ونقض


واذا كان الموضوع مثل ما يوسوس لي الشيطان


أقول لك أنا خااااااااسر التحدي








ههههههههههههههه



أبو فايح الموضوع للفائده

وأنا هنا ابي أوضح للجميع

أن المعاني ما هي صعبه

وما هو شرط أن اعرف المحاوره على شان

اقدر افسر بيت من الشعر

هذا الكلام في بعض المحاورات فقط

وإذا صرت ما اعرف معني البيت كيف ارد عليه

اما بالنسبه لكلامك اللي تقول لو عرضت محاوره

ما نعرف معناها فأنت تدري كم محاوره

طرحتوها وفسرتوها تفسير خطأ

وبينت لكم معناها

بأختصار الموضوع للفائده

وإذا ما هو عاجبكم بأمكانكم حذفه

مثل باقي المشاركات اللي حذفتوها

الفتل





يا نعمةٍ ما تدوم الا على مـن حمـد
بنت الهوى يا رشيد نحني اكفوفها






النقض







ما كل عذرا ليا حملة تعقب ولد
تجيب بنتٍ تعقب شر في جوفها


الشباب متعودين على التاريخ والمكان ههههههه

الله اعلم قصد ابن شايق انكم بنعمه قبل اجيكم

وشطره الثاني تهديد وابراز قوه علنيه


ورد المورقي مسكت

يقول ماكل من طلع يقدرنا

والظاهر ماني بحولها

انا ماني متكلم عن المعنى لانه مابعد تبين عندي ..


لاكن عندي الشطر اللي يقول فيه ملفي :


ما كل عذرا ليا حملة تعقب ولد



اللي نعرفه ان العذراء عذراء ماحد قربها كيف انها تعقب ولد ؟؟


قد يكون مقلب ومشى على ابن شايق << فقط وجهة نظر

ههههههههههههههه




وإذا صرت ما اعرف معني البيت كيف ارد عليه

اما بالنسبه لكلامك اللي تقول لو عرضت محاوره

ما نعرف معناها فأنت تدري كم محاوره

طرحتوها وفسرتوها تفسير خطأ

وبينت لكم معناها



أفهم من كلامك أنك تقدر تفسر معنى اي محاوره !!؟؟

أفهم من كلامك أنك تقدر تفسر معنى اي محاوره !!؟؟

ههههههههههههههههههههههه



استلم ابو فايح المبادره طيب يارشيد الزلامي

المحاوره سياسيه واضحه

والمعني واضح

واترك التحليل للاخوان

ههههههههههههههههههههههه

الوحيد اللي فهمها بس ماعلمنا

ياناس المطيري هذا فلته

كل شي يفهمه بس مايعلم

أفهم من كلامك أنك تقدر تفسر معنى اي محاوره !!؟؟




لو ما أفهم يا أبو فايح ما لعبت محاوره

لكن فيه مواضيع خاصه جداً بين شاعرين

أو موقف حصل بين شاعرين

إذا ما تعرفه ما تقدر تكشف المعنى

وهذي نادره جداً

لو ما أفهم يا أبو فايح ما لعبت محاوره

لكن فيه مواضيع خاصه جداً بين شاعرين

أو موقف حصل بين شاعرين

إذا ما تعرفه ما تقدر تكشف المعنى

وهذي نادره جداً


يعني أي موضوع عام تعرفه مثلا سياسي قبلي مشهور الخ

قلت لك لو ما اعرفه ما لعبت محاوره

ههههههههههههههههههههههه

الوحيد اللي فهمها بس ماعلمنا

ياناس المطيري هذا فلته

كل شي يفهمه بس مايعلم

ههههههههههههههههههههه

اللهم مالا حسد الله المعطي والله المنان

هاذي مواهب من رب العالمين

ماللعبد فيها

علمنا هاك اليوم وجتنا الدعاوي من كل صوب

عموما ركز علي الشطر اللي فيه اسم رشيد واتحل اللغز ان شاء الله

أتمنى تسير الردود بهدوء بين جميع الاطراف عشان نستفيد جميعا..

اخي ابراهيم :

لو وجه هذا البيت لك من شاعر في المنتدى هل سترد نفس الرد ...يعني نفس توجيه البدع يركب على اشياء كثيرة ..

بحكم معرفتك بالشاعر المقابل تفهم منه وش يقصد وبناء عليه ترد الرد المناسب

هذا قصدنا في الاختلاف...

يالربع لا تستغربون

الدعوه فراسه وهبه من رب العالمين واعطاها ابراهيم وكثير من الناس

مفسرين الاحلام يفسرون ولنا عبره فابن سيرين

ابن باز مايفسر احلام وهو عالم رباني والشيخ العصيمي يفسر الحلم هاذي هبه من رب العالمين

طيب ودي استفيد من هذا الموضوع في بيت تناقشنا فيه مع اخوة لنا وان كان ترون فيه خروج عن الموضوع احذفوا ردي

بيت حبيب موجه للشيخي اللي يقول

مرحبا بالشيخي اللي جرته حمراء جديده..ماتبي قصاص اثر يبغى لها واحد حرامي

والنقاش في الشطر الثاني وش المقصود وهل رد الشيخي كان موفق

البقاء بالروقي اللي جرته ماهي وحيده...جرت(ن) مثل الجرر واسمه بعد مثل الاسامي

والهدف الفائده فقط

تحياتي للجميع

طيب ودي استفيد من هذا الموضوع في بيت تناقشنا فيه مع اخوة لنا وان كان ترون فيه خروج عن الموضوع احذفوا ردي

بيت حبيب موجه للشيخي اللي يقول

مرحبا بالشيخي اللي جرته حمراء جديده..ماتبي قصاص اثر يبغى لها واحد حرامي

والنقاش في الشطر الثاني وش المقصود وهل رد الشيخي كان موفق

البقاء بالروقي اللي جرته ماهي وحيده...جرت(ن) مثل الجرر واسمه بعد مثل الاسامي

والهدف الفائده فقط

تحياتي للجميع


متابع للتحليل


المعنى طعن الانساب رغم اني ضد هذه المعاني

شباب حبيب فالشطر الثاني وش يقصد


ماتبى قصاص( اثر )يبغالها واحد حرامي


اعتقد انه يقصد ب اثر اجل بلهجة عتيبه

يا شباب خلونا فالبيتين الأولى

إذا محد قدر يفسرها ويشرح المعنى

فسرت لكم المعنى

بعدها حطوا الابيات اللي تبونها

إبراهيم الجذع المحاورهـ جديده.؟!


إذا جديدهـ رمعــة لبيت الفتل بس النقض أخلف الموازين


لكن عطني علمك هي جديدهـ ولا.؟!

طيب ابشر يابو خليل

واعذرني ...وسوف انتظر حتى تنتهي البيتين الاوله

ولا عاد عندي شي حولها

ننتظر الاخوان وننتظرك

لا ما هي جديده يا عبدالكريم

طيب ودي استفيد من هذا الموضوع في بيت تناقشنا فيه مع اخوة لنا وان كان ترون فيه خروج عن الموضوع احذفوا ردي

بيت حبيب موجه للشيخي اللي يقول

مرحبا بالشيخي اللي جرته حمراء جديده..ماتبي قصاص اثر يبغى لها واحد حرامي

والنقاش في الشطر الثاني وش المقصود وهل رد الشيخي كان موفق

البقاء بالروقي اللي جرته ماهي وحيده...جرت(ن) مثل الجرر واسمه بعد مثل الاسامي

والهدف الفائده فقط

تحياتي للجميع



بيت حبيب مقلب وحبيب خطير في كل موضوع يخوض فيه

والشيخي لم يوفق في اقتناص الهدف ولاتنقصه . شئ طبيعي يفوت الشاعر احياناً

بعض التمريرات

أجل يا ابراهيم الرمعــه غلط ما أعرفها

[align=center]المحاوره سياسيه واضحه

والمعني واضح

واترك التحليل للاخوان

ما شا الله عليك ياخلف

على طول فهمتها

===============

غريبه يبو فايح

وينك من العقليات الفذه اللي مثل الاخ خلف

لو مكانك يبو فايح

اقتبست رد خلف المطيري
ما يحتاج تتعب فكرك
الجواب جاهز على طبق من ذهب

سياسيه واترك التحليل للاعضاء

هههههههههههههههههههههههههه
ههههههههههههههههههههههههه

(آن لابي حنيفه ان يمد رجليه)

الله يوفقكم

ما فيه تفاعل مع الموضوع

على شان نحلل المعنى

وبالنسبه لــ خلف يعرف المعنى

ارسله لي على الخاص

وطلبت منه ما يتدخل

على شان نعطي الشباب فرصه

والنتيجه ما فيه تفاعل الي الآن

ههههههههههه

يا ابراهيم اربعين رد مافيه تفاعل ...ترانا ننبسط لا شفنا مواضيعنا صار فيها ثلاثة ردود ههههه

المهم مانعذرك ابدا
لنا ثلاثة ايام نحدث الموضوع كل شوي والحين تحاول تتملص من الموضوع تحلله يعني تحلله خخخ

في الانتظار

ومادام خلف قال سياسية
كيف تبغاني نعرفها بسهولة كما قلت؟؟؟

والمحاورة على ايام الملك فهد

تحياتي للجميع

[align=center]

ما شا الله عليك ياخلف

على طول فهمتها

===============

غريبه يبو فايح

وينك من العقليات الفذه اللي مثل الاخ خلف

لو مكانك يبو فايح

اقتبست رد خلف المطيري
ما يحتاج تتعب فكرك
الجواب جاهز على طبق من ذهب

سياسيه واترك التحليل للاعضاء

هههههههههههههههههههههههههه
ههههههههههههههههههههههههه

(آن لابي حنيفه ان يمد رجليه)

iهههههههههههههههههههههههههههه

اصلخ النيه يامرزوق

والله اني عارفه واوضخ من عين الشمس

ولا اقدر افسره لين يسمح لي ابراهيم

احسن الظن يامرزوق تراك من الغالين

ابراهيم خل المعني امعلق

عشان اللي عنده رمعه يقولها

مثل رمعة الاخ العزيز فهد الزهراني

نبي رمعات مثلها

أخوي فهد أنا ما اقصد الردود

اقصد تفاعل الشعراء والمحللين

وتحليل المعنى

اخوي ابراهيم انا اتوقع والعلم عند الله

ان المعنى يدور حول القوات الامريكية وصدام حسين واحتلال الكويت

السلام عليكم

بجرب حضي يمكن تصيب

( دوله البحرين)

أبو عبدالله الظاهر ما فيه رمعات

ننتظر الليله إذا ما حللوه

حللناه لهم

وش هالمعنى اللي ماعرفه غار الجذع والمطيري


ههههههههههههههههههههههههههههههههههههههههههه

ابراهيم بنشدك


ملفي عرف المعنى ولا لا ؟ هههههههههههههههههههههههه

يقول لافي الغيداني



ان جات من مسكين منطق واساليب=حطيتهـا بيـن الثـرى والنعولـي


لاحركـت شعـره ولاطلعـت شيـب=ولاضيقت صـدري ولاطـق جولـي

وسع الصدر يابراهيم

منت مجبور علي الرد

الناس اتميز الصح والغلط

لاتحلل ولا شي

خله يقعد كذا اما يحلونه ولا يبقا علي حاله

تحللون يعني تحللون

هذا اللي عندنا يالربع ....باقي الدور عليكم للفائده للجميع...

رمعه ولا هو تحليل



اتوقع انها حول قطر وتولي شيخها الحكم بعد ماعزل ابوه



والله العالم

1400

؟؟

هذا والله النشبة يا ابراهيم :D

كم لك يوم يا خوي معلّقنا

يعني إني !!:p



صراحة المحاورة أنا كنت أحد حاضرينها عام 1421 تقريبا في قصر دسمان بحضور رشيد الزلامي
وأعقبها المحاورة الشهيرة بين ابن شايق ورشيد اللي منها هذا البيتين لرشيد

ياعيال العود مادون الحلوق الا اليدينا=مير حنا يوم شفنا العود في خشمه عرامي

من قرارت نجد سقناكم وجيتو مقبلينا=مادرا جنب الحصاه الا تردون السلامي
والمعنى صرااااااحة شعراااء عمالقة وجزلين يعني أكبر من مستوى أنا نحلل بيوتهم

والله اني اخجل أن اناقش هامات شعرية أوأنا أحلل لهم:cool:

عموما للمشاركة فقط ولا أجزم أتوقع أن المقصود أن ابن شايق كان يتهرب عن الزلامي ولابغى يحضر الا متأخر عندما سمع ان رشيد موجود

ههههههههههههه

حتى لو أنهم عمالقة فالشعر أخوي فهد

فهذا ما يمنع ان نحلل معانيهم

أو يقول الواحد وجهة نظره في شعرهم

عموماً شخص واحد اللي قرب من المعنى

ولكن لم يحلل المعنى تحليل صحيح

وخلف عرف يموه على الجميع

وين خلف نبي نشرح المعنى

ههههههههههههه


مقلب فنان لكن يا الجذع اقسم بالله اني منول شي ما اقتنعت في انه سياسي بس بشوف الإخوان لأني غير متأكد من الإجابه



وقبل لا تشرح المعنى راجع رسايلك

منت بعيد يا عبدالكريم

يعني قصدك الكلمه الإخيرهـ هي العقدهـ عندي فقط والا الباقيه تنحل

اقصد أنك وصفتها توصيف قريب من المعنى

المطيري ذا يبغى له نفي من الارض حتى يعود الى رشده ماخرب الموضوع الاهو وفي الاخير يطلع تحليله تمويه هههههه

هذا آخر دخول لي على هذا الموضوع اذا مالقيت تفسير راح الجأ الى طرقي الخاصة في الوصول اليه(تهديد شديد اللهجة مني )!!

يا أبو عبدالله تراك مسموح

عطهم المعنى

يقفل الموضوع لعدم مصداقية الطرح


خخخخخخخخخخخخخ

<<<<<<< يتخيل نفسه ابو فايح

ههههههههه

لا ما عندنا عدم مصداقه

الحين تعرف المعنى

العلم الوكااااد

ان البيوت لها اكثر من تاويل ووبس

رمزية ومافيها كثافة بالرموز

لا هنت يا جذع انا اقول انها فالملبعه والشعار واللي يقول انها سياسية

لي كم يوم وادخل الموضوع ابشوفك يا ابو عرام تاليتها وبعدين ماجد ولد عمك الا اذا منت بعتيبي

خلك متسامح والرجال يمزح معك لا يضحكون الاجناب علينا ولا هنت اعجل بالحل

ننتظر خلف













.

عشان فهد الزهراني وعبدالكريم العازمي

ولا التحليل تبت منه

لازم اقول سياسيه يافهد عشان نشوف الاخوان


رغم أنه واضح وبسيط

أبن شايق يقول

يا نعمةٍ ما تدوم الا على من حمد

يعني احمد ربك على العافيه

بنت الهوى المعركه وتوصيفها على بنت الهوى

يدل على الشجاعه لأنه يهواها ولا يهابها

يا رشيد الشخص اللي بلغ سن الرشد ليس المقصود الزلامي

نحني اكفوفها نملا ساحاتها بالدم من فعلنا

رد ملفي المورقي

ما كل عذراً يعني ما كل معركه

ليا حملة ليا ثارت المعركه

تعقب ولد اللي هو النصر والنصر مذكر

تجيب بنتٍ اللي هي الهزيمه والهزيمه مؤنث

تعقب شر في جوفها هزيمه نكراء








هذا الفتل







يا نعمةٍ ما تدوم الا على مـن حمـد
بنت الهوى يا رشيد نحني اكفوفها









وهذا النقض











ما كل عذرا ليا حملة تعقب ولـد
تجيب بنتٍ تعقب شر في جوفها










وتقبلوا تحياتي

هل لها علاقه في تاريخ المحاوره

أو معرفة المحاوره كلها

إذا الشاعر ما يعرف معنى البيت فكيف يرد عليه

اتمنى الكل يستفيد من هذا الموضوع

تسلم والله يا خلف وابيض وجه ولا يهون الجذع

وشاكرين لك تحليك ورمعتي حولها لأكن ما هي هي :)

ويعطيك العافيه يا أبو عبدالله

ولا استغرب أن يجي أحد يناقظك

رغم الشرح الوافي والواضح وضوح الشمس

هل لها علاقه في تاريخ المحاوره

أو معرفة المحاوره كلها

إذا الشاعر ما يعرف معنى البيت فكيف يرد عليه

اتمنى الكل يستفيد من هذا الموضوع





معك حق ووصلت المعلومه وجب الممُاثل :)

أفهم من كلامك أنك تقدر تفسر معنى اي محاوره !!؟؟



وش رايك يا أبو فايح

ينقدر والا ما نقدر

بس هذا التفسير

انا قلت نووي بيطلع من البيوت

ههههههههههههههههههههه

منعا للجدل في الموضوع

والا كان قلت اراهنكم على التفسير انه غير صحيح

ولكن هنا

نكتفي

وما زال راي ابو فايح مطلوب

وانا اتحدى ان ابو فايح يقتنع بهالتفسير !!

تحيتي

عشان فهد الزهراني وعبدالكريم العازمي

ولا التحليل تبت منه

لازم اقول سياسيه يافهد عشان نشوف الاخوان


رغم أنه واضح وبسيط

أبن شايق يقول

يا نعمةٍ ما تدوم الا على من حمد

يعني احمد ربك على العافيه

بنت الهوى المعركه وتوصيفها على بنت الهوى

يدل على الشجاعه لأنه يهواها ولا يهابها

يا رشيد الشخص اللي بلغ سن الرشد ليس المقصود الزلامي

نحني اكفوفها نملا ساحاتها بالدم من فعلنا

رد ملفي المورقي

ما كل عذراً يعني ما كل معركه

ليا حملة ليا ثارت المعركه

تعقب ولد اللي هو النصر والنصر مذكر

تجيب بنتٍ اللي هي الهزيمه والهزيمه مؤنث

تعقب شر في جوفها هزيمه نكراء








هذا الفتل







يا نعمةٍ ما تدوم الا على مـن حمـد
بنت الهوى يا رشيد نحني اكفوفها









وهذا النقض











ما كل عذرا ليا حملة تعقب ولـد
تجيب بنتٍ تعقب شر في جوفها










وتقبلوا تحياتي



لكم أيام انت وابراهيم الجذع وتتكلمون ما أنتم معلمين أحد وآخر شي طلع هذا المعنى



المعنى اللي طلعتو به سطحي


والمعنى الحقيقي هي الملعبه ولاغرابه إن شبه الملعبه بالمعركه


ولو تتابع المحاوره إلى نهايتها تتأكد



وأحب انوه أن ابراهيم الجذع نزل بيت وذكر رشيد وانت فكرت انه الزلامي لين احد الاعضاء نزل المحاوره كامله



للمره الاخيره مستحيل يفسر بيت واحد بدون المحاوره كامله و اسماء الشعار مهم بالتحليل

والتاريخ كذلك

ههههههههههه

مرزوق تتكلم من جد أنت

اتمنى يردون على كلامك

اللي اقتنعوا من هذا التحليل

هههههههههههههه

اللهم زد وبارك

محمد مو مقتنع

انا مو مقتنع>>يعني اني

على العموم يا إبراهيم ترى لا تلومهم تراء المعنى صحيح ينطبق على الملعبه وانا حللتها لك

ان بغيتها على الملعبه على الملعبه وان لغيتها على المعركه على المعركه


مقتنع

هههههههههههههه

اللهم زد وبارك

محمد مو مقتنع



افهم من كلامك إن المعنى الي أنا قلته غلط طيب


اشرح لي ليه معناي بعيد

ثم وضح وش المقصود من العذرا؟<<<<<<< تنبيه لاتجي وتقول العذراء البنت الي ماتزوجت هههههههههه

ههههههههههه

مرزوق تتكلم من جد أنت

اتمنى يردون على كلامك

اللي اقتنعوا من هذا التحليل

هههههههههههههههههههههه

وانا اتمنا تجد احد مقتنع

يا براهيم

ليتني الوحيد واتراجع

لكن المتصفح مليئ بالمفاجائات

تحيتي

هههههههههههههههههههههه

وانا اتمنا تجد احد مقتنع

يا براهيم

ليتني الوحيد واتراجع

لكن المتصفح مليئ بالمفاجائات

تحيتي




أنا الحين ما الوم الشعراء

اللي يقولون راح الجمهور

المتذوق لــ الشعر

واللي يفهمون المعاني

أنا اللي يهمني أن المقتنع

يستفيد من الموضوع

حتى لو كان واحد بالميه

سحبت ردي <لضروف امنيه

خلاصة الموضوع



خلف وإبراهيم طلعوا بنتيجه سطحيه للمعنى وقالوا إنها المعركه
وتركو ا الاهم الآ وهو الملعبه


وفي النهايه لم يقولوا أنها اجتهاد منهم بل جزموا أنه المعنى

ومن لم يوافقهم يضحكون عليه



لو أن ابن شايق يقصد المعركه ونجد بالتحديد .

كان ذكر قحطان و كان رد عليه ملفي بعتيبه

وطروا المعارك الكثيره بين القبيلتين
السؤال ليه لم تذكر قحطان وعتيبه في المحاوره؟

اللي عنده وجهة نظر

يشرحها ويحللها مثل تحليلنا للمعنى

ولا يكتفي بعدم اقتناعه ويسكت

لا يسوي نفسه فاهم ويناقضنا فقط

يشرح المعنى ويقنعنا فيه

اللي عنده وجهة نظر

يشرحها ويحللها مثل تحليلنا للمعنى

ولا يكتفي بعدم اقتناعه ويسكت

لا يسوي نفسه فاهم ويناقضنا فقط

يشرح المعنى ويقنعنا فيه


هههههههههههههههههههههههه

هد اعصابك ليه متشنج


وليس كل من رفض تفسيرك مجبر على انه يفسر لك

الدعوه وجهات نظر يا براهيم

وما يثري الموضوع الا النقاش

ولي عليك عتب في بعض الالفاض!

اتمنا نرتقي بالنقاش

تحيتي لك

يا الربع مثل ما قلت لكم الملعبه والشعار هذا هو المعنى

ومن كان يتابع المحاورات يعلم ان اكثر ما يتطرق له ابن شايق

هو الشعار والملاعب في تلك الفتره والى الان على ما اظن

ومع ذلك البيوت المطروحه لها اكثر من تأويل وفي نظري المتواضع انها عاديه

ارجعوا للمحاوره وشوفوا من البدايه وستجدون انهم ( اشطحوا ) في نص المحاوره

وعودت قبليه

وشكرا

طيب سؤال هم كانوا في محاورة شعريه ولا في ساحة قتال وضرب سيوف؟

الله يهولكم :)

.

..

وفسر الماء بعد الجهد بالماء

قال صبه قال لا احقنه

اسمح لي يا ابراهيم انت لم توفق البته

حتى لو قالوا لك الشعار انفسهم انك اصبت المعنى

لان طريقة صياغة البيت لاتفي بالغرض ولاتعطي الملامح الكافيه

حتى نقول ان هذا هو المعنى

..

.

اول شي اشكر كل الاخوة ابراهيم وخلف وابوفايح وكل من داخل من الاخوة وبعض الاثارة تشعلل بالموضوع وفي النهاية الهدف هو الاستفاده

ولا اخفيكم ان الحماس زاد مع كل رد من الاخوة وفي النهاية كل انسان له حرية الراي والقناعة شخص يخص كل شخص

بخصوص من قال انها الملعبة فأنا اراه اقرب

في البدع (نحني اكفوفها) يعني المعنى المفهوم عند الناس نعطيها حقها ونبدع في المحاورة ونخرجها في أزهى حله

النقض
ماكل ملعبة تطلع شاعر عليه الكلام
بعض المحاورات يطلع منها الشاعر بفشيله نتجية لفشله فيها وعدم استطاعته مجارات خصومه

الى تقبل هذا ما احترامي الشديد لوجهة النظر المقابله

مع فائق الاحترام التفسير او التحليل سطحي جدا ويمكن يكون صحيح ماقول لا




بس انا اشوف ان الملعبه اقرب



مع انا شطحنا شوي يوم قلتاو انه سياسي

الله ياتاس رحتو بعيد بعيد

هلابك اخوي


البيت الاول واضح بدون تحليل ومثل ماقالو بعض الشباب

لكن البيت الثاني صعب صعب اقول اللي يقصد ملفي المورقي

والدليل زعل ابن شايق وردة على بيت ملفي .......... ياليت بعض المباني مايجيها الهدد

والمباني معروف قصد ابن شايق فيها .؟

والله صعب اقول معنى ملفي

بعد نهاية الاثاره .. و كثر التأويلات و الاتهامات

الملعبه عندي شريط فيديو و شايفها تقريبا من اربع سنوات ... و بإختصار المعنى يدور على رشيد الزلامي

الملعبه كان فيها محمد السناني و عبدالله بن شايق و رشيد الزلامي و ملفي المورقي

بداية الحفله .. احتمى الميقاف بين السناني و الزلامي .. و بعدها احتمى الميقاف بين ابن شايق و الزلامي

و لعب موال السناني مع ملفي المورقي .. يعاتبه على عهد قطعوه و ان رشيد الزلامي احرجك معانا و نكبك ..!!

و ابن شايق يلعب على نفس معنى السناني مع المورقي .. و حدو المورقي .. لين المورقي خربت معاها ولا عاد يهمه احد .. و صارت بينهم هذي الملعبه


هذا كل الامر .. في هذي الملعبه


تحيتي

بعد نهاية الاثاره .. و كثر التأويلات و الاتهامات

الملعبه عندي شريط فيديو و شايفها تقريبا من اربع سنوات ... و بإختصار المعنى يدور على رشيد الزلامي

الملعبه كان فيها محمد السناني و عبدالله بن شايق و رشيد الزلامي و ملفي المورقي

بداية الحفله .. احتمى الميقاف بين السناني و الزلامي .. و بعدها احتمى الميقاف بين ابن شايق و الزلامي

و لعب موال السناني مع ملفي المورقي .. يعاتبه على عهد قطعوه و ان رشيد الزلامي احرجك معانا و نكبك ..!! و ابن شايق يلعب على نفس معنى السناني مع المورقي .. و حدو المورقي .. لين المورقي خربت معاها ولا عاد يهمه احد .. و صارت بينهم هذي الملعبه


هذا كل الامر .. في هذي الملعبه


تحيتي



ازين مافيك الثقه المفرطه


والغريب إن السناني لم يصل مرحلة احراج ملفي واقل شعر من ملفي

وكذلك ملفي وابن شايق كونوا شلليه قبل فأين الاحراج حتى لايقابل بن شايق؟!

كثرت التحليلات اللي حادره الشعيب





الله المستعان

ازين مافيك الثقه المفرطه


والغريب إن السناني لم يصل مرحلة احراج ملفي واقل شعر من ملفي

وكذلك ملفي وابن شايق كونوا شلليه قبل فأين الاحراج حتى لايقابل بن شايق؟!


بغض النظر عن الثقه المفرطه و بغض النظر عن مسألة الافضليه بين الشعار .. !!


المسأله يا ابن روق .. ماهي قران منزل ولازم كلنا نصدق فيها .. كل المسأله اني ادليت بدلوي مع باقي الاعضاء


و ثانيا يا عزيزي .. اعتقد من خلال متابعتي لكافة الطواريق و المواوييل لهذي المحاوره .. ان المعنى يدور على ملفي المورقي .. و انه كيف سمح لرشيد الزلامي يتهجم عليهم و هو اللي متزهل لهم ان الملعبه راح تسري و النفوس طيبه

شفنا ملعبة الزلامي مع السناني .. قويه جدا و وصلت لمرحله الاستهزاء بين الطرفين ..!!

و كذلك شفنا ملعبة الزلامي و ابن شايق .. وين وصلت مواصيلها .. ما يحتاج اذكرها لأني ضد هذي الملاعب اللي تخدم المتعنصرين و تزيد من حدتها ..!!

و بخصوص ان المورقي افضل من السناني .. ابختصرها لك و اقول ما يمدح السوق الا الربحان .. لأن لو جلسنا نقارن بينهم .. ما راح اتفق معاك ولا راح تتفق معاي .. لذلك سكر ذا السيره و ريحنا الله يرحم والديك ..!!


و بالنهايه انت فهمتني غلط .. و اتمنى إذا إلتبس معك شي .. اسأل قبل الهجوم ..!!


تحيتي

اسمح لي أخوي فيصل

الموضوع واضح

أبن شايق يقول

أنا احمد الله رقيت السلم العالي

لقيت الأول ولا فكرت فالتالي

يقصد لقيت رشيد الزلامي ولا فكرت فيك يا ملفي

وكررها لما قال

الفايده منك يا ملفي ما نبغاها

الفايده عند أبن زيد وخذيناها

اللي زرع سمها في بطن معناها

يعني ما تحتاج تأويل

اللي يقولون أن المعنى اللي شرحناه سطحي

يحلل بيت ملفي هذا ترا معناه ما هو سطحي




لو اتولاك بالقطلة بحزم جلد
لـ اودع عليك الجحادر تفرك كفوفها





قطلتك طاحت من ايدك يا ضعيف الجهد
ما نجهل الناس حاذفها ومحذوفها

يا ابراهيم انت عارف وش صار بملعبة الزلامي و ابن شايق

الزلامي جاب بيت في ثغره .. و ابن شايق ما طوفها


يعني اذا كان يقصد ابن شايق .. فهو يقصد البيت اللي لقاه على الزلامي .. ما يقصد ان الزلامي احسن من ملفي ..!!

ابراهيم .. انت شايف الحفله كامله ولا بس محاوره فيها ..!؟

لا سمعتها كلها على أيامها

واذكر منها بعض الأبيات

سلام عليكم

كل واحد يدلي بدلوة والمعنى في بطن الشاعر

لكن انا من وجهت نضري على البيتين اللي طرحن هنا

فهو نفس المعنى اللي كان بين مسعود العصيمي وابن شايق

وتحدى اي معنى يركب عليه غير المعنى هذا

إلي يومين تاكل معي وتشرب ودي أكمل الردود 100 :D

الله لايهينكم جميعا:p

^^^^^^^^^^^^^^^

بتقلبها شات يابن عاصي

كلام ابراهيم كافي والباقية لاتعليق




تقبلوا مروري تحياتي

كلام ابراهيم كافي والباقية لاتعليق




تقبلوا مروري تحياتي





اشكرك على الثقه يا عاشق الطاروق

واجد اللي مقتنعين لكن ما ردوا

شرفني مرورك

السلام عليكم ورحمة الله وبركاته




مساكم الله بالخير




دائماً حدث تضارب في تحليل المعنى في هذا القسم

ولكل شخص وجهة نظر نحترمها

ولكي يتبين لنا من يستطيع تحليل المحاوره بالكامل

سوف اطرح بيتين فتل ونقض

واللي يفهم أو يدعي أنه يفسر المعاني يفسرها لنا

وسوف اطرح بيتين ما فيها صعوبه



الفتل



يا نعمةٍ ما تدوم الا على من حمد=بنت الهوى يا رشيد نحني اكفوفها



النقض




ما كل عذرا ليا حملة تعقب ولد=تجيب بنتٍ تعقب شر في جوفها







ولنا لقاء بعد الردود
النقض







ما كل عذرا ليا حملة تعقب ولد
تجيب بنتٍ تعقب شر في جوفها


انا لي سؤوال من هذا الشاعر صاحب البيتين هذه؟؟؟؟؟؟؟؟؟؟؟؟؟؟

وسؤالي انا

هل لك معرف ثاني ياسلطان هنا؟

زهراني مافهمت ( معرف)

^
معّرف يعني اسم ثاني هنا < يعطيه على جوهـ هههههههه

انا بجآوب نيابه عن سلطآن البقمي

نعم اخوي فهد يوجد لديـه معرّف سابق هههههههه

نكب الرجال

ياسلطان الربع شاكّين فيك بالعربي فيه واحد فوضوي سابق
تم إيقافه من الإدارة لتجاوزه في بعض النقاط
مع إني والله أني أتمنى عودته للمنتدى أو فك الحظر عنه

وانت حلفت لهم أمس مير يمكن ماقروه

ياسلطان الربع شاكّين فيك بالعربي فيه واحد فوضوي سابق
تم إيقافه من الإدارة لتجاوزه في بعض النقاط
مع إني والله أني أتمنى عودته للمنتدى أو فك الحظر عنه

وانت حلفت لهم أمس مير يمكن ماقروه



هههههههههههههههههههههههههههههههههههههههههههههههههه ههههههههههههههههههههه

اول شي انا رجل كبير سن وعقل والفوضى لها ناس ان شالله ماني منهم وانتم ان شالله منتم منهم نتعامل مع الرجال بعقل ورجوله
انا والله ادري فيه شي بس اقولهم اقسم بالله العضيم وعلى كتابه الكريم


انني بقمي ورجال عمري فوق 40 سنه واول مره ادخل منتدى الهيلا


هذا إذا القسم يرضيكم وكتاب الله يرضيكم والله على مااقول شهيد


واللي يرغب يكلمني ويقابلني انا مستعد اعطيه رقم جوالي والله يحييه في بيتي


تحياتي لكم جميعاً