24-Jul-2011, 03:26 PM
السلام عليكم
ومســـاكم الله بالخيـــر
للتواصل وعساها توصل لذائقتكم ,,,
كني وحيد ٍ يحتري له مسايير=وأمجهز السكين ناوي قعوده
وشلون أغيّر باقي العمر تغيير=والوقت شح ولاقطفنا وروده
عندي أمل لكن يبي دهنة السير=أبطـا على تجديد ماضي عهوده
مخططات ٍ شامله دون تفكيـــر=تفشل لو انك بالمعارف تزوده
يامن يمر سديــر سلــّم على سدير=وعــود ٍ عناه الله في طرد ذوده
لو تبني البيتين وفيه الغنادير=ماطاوعك ياللي قوي ٍ زنـوده
تتبع هواهن فيك حب المغاتير=ومرباعك اللي بين لينه وجوده
وفنجالك اللي تشربه حزة أعصير=ودخان عودك حك في راس عوده
وعندي خبر في ضربتك ضربة بعير=وشديد باس وكل علم ٍ تروده
الله يبارك فيك لك شان وتقدير=شايب على الفطره عريب ٍ جدوده
وسلامتكم ,,
ومســـاكم الله بالخيـــر
للتواصل وعساها توصل لذائقتكم ,,,
كني وحيد ٍ يحتري له مسايير=وأمجهز السكين ناوي قعوده
وشلون أغيّر باقي العمر تغيير=والوقت شح ولاقطفنا وروده
عندي أمل لكن يبي دهنة السير=أبطـا على تجديد ماضي عهوده
مخططات ٍ شامله دون تفكيـــر=تفشل لو انك بالمعارف تزوده
يامن يمر سديــر سلــّم على سدير=وعــود ٍ عناه الله في طرد ذوده
لو تبني البيتين وفيه الغنادير=ماطاوعك ياللي قوي ٍ زنـوده
تتبع هواهن فيك حب المغاتير=ومرباعك اللي بين لينه وجوده
وفنجالك اللي تشربه حزة أعصير=ودخان عودك حك في راس عوده
وعندي خبر في ضربتك ضربة بعير=وشديد باس وكل علم ٍ تروده
الله يبارك فيك لك شان وتقدير=شايب على الفطره عريب ٍ جدوده
وسلامتكم ,,
