استفسار عن بيت للشاعر رشيد الزلامي

مساكم الله بالخير جميعا

حبيت استفسر عن معنى كلمة (الزام) في بيت للشارعر رشيد الزلا مي اللي يقول

وامسكوا ورع الهوى اللي بلشنا به***كل ماجينا مع الزام قابلنا


وهذه هي القصيده كامله







الزلامي كيف رمح الهوى صابه=والهوى ما صابنا من على اولنـا
ياهل البيت الحجر سكروا بابـه=سكروا بيبانكـم ياعـرب عنـا
وامسكو ورع الهوى اللي بلشنا به=كلما جينـا مـن الـزام قابلنـا
هز رمش العين ولا ضحك نابـه=ضحكةٍ منهـا النجـوم يتهاونـا
امسكـوه ابيتكـم قبـل نبلابـه=وان طلع لا تامنون العتـب منـا
لا يكلمنـي ولا يطلـع الجابـه=لو صبـاح الخيـر كنـه يلعنـا
ما يخاف الله ولا يرحم اصحابـه=جاهـلآ بعيونـه السـود يفتنـا
اتمنى حرب مدفـع ودبااااااابـه=والعيون السـود عنـي يصدنـا
بس ياهل الطفل متنا من اسبابـه=ما يرد الموت لا انتـم ولا حنـا
ورعكـم يلعـب ودنيـاه لعابـه=ما درى انا قـد لعبنـا وهونـا
ما لقينا في طريق الهـوى ثابـه=زتنا في بحر الاهـوال واهملنـا
الهوى علـه ولا توجـد اطبابـه=دايمـن راعيـه مفتـون ومعنـا
ودنا بيت الهوى نقطـع اطنابـه=ونطلب الوالي عسى العفو يشملنا

:
:
:
هلا اخوي .. رشيد يوم قال القصيدة هذي كان في الكويت..

والكويتييين يسمون المناوبة في العمل ( زام) ..

وسلامتك
:
:
:
:

الزام الاستلام او المناوبه لحيث ابوجميل كان عسكري في الجيش الكويتي


لاهنت الله يعطييك العافيه ويطول عمر ابوجميل

اعتقد ان الشباب ماقصرو الزام هو الاستلام

او الدوام


ودي واحترامي

الزام كما قالوا الإخوان قبلي

وليس فقط فالكويت حتى عندنا فالسعودية إلى الآن

!!!!!!!!!!!!!!





فيه أحد مايعرف معنى الزام

شكري وتقديري للجميع

!!!!!!!!!!!!!!





فيه أحد مايعرف معنى الزام


عسى ماكلفنا عليك يالاخو؟؟؟؟؟

ليتك احتفظت بهذا الرد مابديته

يقول مرشد البذالي رحمه الله في شطر من بيت


زامك قضى واسمح لغيرك بزامه


والزام كما ذكر الاخوان