ورد الهدى

الجادل اللي من سبايب حبها قلبي صويب=الظاهر اني من ضحاياها ولو طال المدا
من ثغرها ممزوج طعم الشهد بالتمر الرطيب=وارق وانعم ملمس الخدين من ورد الهدا
رعبوبةً تامر وانفذ للاوامر واستجيب=كل ما تزيد الجرح فوق الجرح قلت الها فدا
انظر لقاها بالوعد كني على جمر اللهيب=تثقل عقارب ساعتي قبل حلول الموعدا
اجمع روائع ماكتبت الها من الشعر الرهيب=الشعر اعبر به عن اللي في ضميري مابدا
وان شفتها ضيعت ماجمعت والشي الغريب=اجيب عجزالقافيه بالبيت قبل المبتدا
من زينها لا جيت اسولف بالكلام اخطي واصيب=الزين يربش والهواوي كيف دمه يبردا
لاجيت اعذل القلب عيا والهوا حض ونصيب=والقصد والغايه يجي من دونها شي يحدا
الدرب ماهي بامنه والماء تحت عين الرقيب=واللي طناه الشوم يتعب قبل يلقا موردا
والعد مهما كان محد يجوز عن ماه العذيب=والضامي اذا سمع بالماء شمر الثوب وعدا
الاحق خطايه مع المشوار واقف مصتصيب=اقول انا على القدا والا على غير القدا
تدفعني اشواقي لشوفة ربت الحسن العجيب=ارمي بروحي ماحسبت حساب لسهوم العدا
من شانها والله لا اغامر لو ممشايه صعيب=واذا اجتهدت لشوفها ماراحت جهودي سدا
الجادل اللي من سبايب حبها قلبي صويب=تبقا ويبقا حبها بالقلب لو طال المدا

من ثغرها ممزوج طعم الشهد بَ التمر الرطيب /:/ و ارق و انـعـم ملمس الخدين من ورد الهدا
رعـبـوبـهً تــامــر و انـفـذ لَ الاوامـر و اسـتـجـيـب /:/ كل مَ تزيد الجرح فوق الجرح قلت الها فدا


الله الله الله الله

صح لسانك و اعتلى شانك يَ ابو مشعل

و لله درك

قصيده جزله من شاعر جزل

تقديري لك ..

ياصباح الورد ياشاعرنا

عثمان الثبيتي

قصيده تفوح بعبير الورد

وتستاهل توله من ورد الهدا وتوله أخرى لمن كان السبب

دمت ودام عطاؤك

تحياتي

اقول انا على القدا ولا على غير القدا



صح لسانك يابو مشعل




جزل ولا تأتي الا بالجزل




تقبل مروري واعجابي

صح السااااااااااااانك يا علم


مبدع الله لا يضرك


اعجاااااااااابي وتقديرررررري

صح لسانك مليوووووووووووووووووووون ياعثمان
مبدع كما عهدناك دائما لاهنت
تحياتي وتقديري لك
وتقبل مروري

صح لسانك ياطيب

صح السانك ياعثمان

قلبك خضر

صح لسانك ياعثمان


عمرك الشعري لاغبار عليه بالنسبه لي بدليل قاطع وهوتطورالنهج وتفحل الفكر وتشبث الاهداف الساميه بسمو الشعر لآنها هي الملتقى الفكري فطريا ذالك الملاذ الآمن لايراه ولايستطيع رويته ولايكشف حقايبهم وتفاشي اسرارهم الامن ياتيهم فيه وعلى هاذا,,كتبتلك مانراواناعلى يقين منه وثقه
اماكسبتك زميل والاماخسرت سرا ابدا
عموما
اتمنى لك التوفيق وآمل من القايمين على هذالصرح الشامخ منحك عضوية(شاعر)كونه اقل ماتستحق
منهم
ولايليق تهميش شاعرية عتيبي في منتداه بهاذا,,الشكل علماباني اعلم ان ذالك محل اهتمام الاداره ولاكن لم يتابعونك شخصي لعدم معرفتهم عنك باشي وكثرالشعراء الجديرين بالمتابعه كذالك
هذاماريته
والله والي التوفيق

الأخ الشاعر

فيصل مطر

فعلا الأخ الشاعر عثمان الثبيتي من أروع شعراء المنتدى نظم ومحاوره ويستاهل كل خير

لفته جميله منك تشكر عليها

تحياتي

صح لسانك ياعثمان


عمرك الشعري لاغبار عليه بالنسبه لي بدليل قاطع وهوتطورالنهج وتفحل الفكر وتشبث الاهداف الساميه بسمو الشعر لآنها هي الملتقى الفكري فطريا ذالك الملاذ الآمن لايراه ولايستطيع رويته ولايكشف حقايبهم وتفاشي اسرارهم الامن ياتيهم فيه وعلى هاذا,,كتبتلك مانراواناعلى يقين منه وثقه
اماكسبتك زميل والاماخسرت سرا ابدا
عموما
اتمنى لك التوفيق وآمل من القايمين على هذالصرح الشامخ منحك عضوية(شاعر)كونه اقل ماتستحق
منهم
ولايليق تهميش شاعرية عتيبي في منتداه بهاذا,,الشكل علماباني اعلم ان ذالك محل اهتمام الاداره ولاكن لم يتابعونك شخصي لعدم معرفتهم عنك باشي وكثرالشعراء الجديرين بالمتابعه كذالك
هذاماريته
والله والي التوفيق

من طيب راسك يابو مطر لاعدمتك شهاده افتخر فيها


شكر لك طال عمرك