يا ماجد اقرب لا عدمناك ؟؟؟؟؟؟؟

السلام عليكم
إلى الغالي ماجد اقرب مدام الجو عادي



إن كان غاب المسري وطول في الغياب = يسده في محله أخوه من الرضاعه
يا ماجد قوم ما عنكم ذا اليوم مجناب = تقدم يا الهذيلي وقل سمعاً وطاعه

.
.
.
.
.

ولد عوجان اتمنى مراجعة ابياتك ياغالي

لان الخلل واضح فيها

عدل ابياتك واطلب الرجال مره ثانيه
لاني ما اتوقعه يرد اذ كانت الابيات بها الشكل

لك تحياتي

لي الشرف يا ابن عوجان

الوزن طال عمرك

أضبطه وأنا موجود

سيف المعاني
والله الايام هذي ماني مضبوط بالمرة
قمت أضيع
في الاوزان
عين وأنا أخوك هههههههههههههههههههههه
على العموم شكراً على الملاحظة والشكر لماجد ماقصر

الأبيات :
إن كان غاب المسري وطول فالغياب = يسده في محله أخوه من الرضاعه
تقدم يا الهذيلي مدام الباب بالباب = وخل الشعر ياخذ ويعطي من يراعه

خلوووووووها


إذا جاك المسري زرق لك زرقة الداب = لكنّك لا تلكع ولا نبغا اللكاعه
ليا ما طاب خاطر دور خاطر ٍطاب = وأشوف الشعر روّح لناس من الجماعه

الله الله

أنته غريبٍ ومحسوب من ضمن الأجناب=تحاول لو تحاول تجينا بالوداعه
عسى الله يجبر العظم لاشفناه منصاب= ويشرح صدركم كل حين وكل ساعه

خلوووووووها


إذا جاك المسري زرق لك زرقة الداب = لكنّك لا تلكع ولا نبغا اللكاعه
ليا ما طاب خاطر دور خاطر ٍطاب = وأشوف الشعر روّح لناس من الجماعه
صح السانك ياماجد . بس هناك وجهة نظر مني. أظن أن كلمة لك فالشطر الثاني من البيت سقطة سهواً ليصبح البيت كالتالي .
ليا ماطاب خاطر دور((لك)) خاطر ٍ طاب .. الخ شاعر كبير ياماجد أنا ماسك صفك ومستعد أقف الى النهايه .
تحياتي

الايداء
حياك الله أخوي
عزيز وغالي
أهم شي اتكون موجود سواء في صفي ولا في صف ماجد

لك خالص الشكر والاحترام
تحيااااااااااااااااااااااااااااااااتي

إذا جاك المسري زرق لك زرقة الداب=لكنّـك لا تلكـع ولا نبغـا اللكـاعـه
ليا ما طاب خاطرك دور خاطـر ٍطـاب=وأشوف الشعر روّح لناس من الجماعه

سقط حرف الكاااف في ( خاطرك ) وأشكرك على التنبيه

مدام الوضع عادي عتابه عندي أصحاب = ولو جات السباعه تبا تشوف السباعه
ولد عوجان ودى ولد عوجان ما جاب = ولا أدري كيف وضعه ولا أدري بإنطباعه

علومك يالهذيلي نشربكها بمخلاب = وأنا مع الثاني لقينا بك الطماعه
ولد عوجان دكتور عارف علم الأنساب= غني النفس ماعاش في عيشة مجاعه

خلووووووها

أخذ مني نصيبك ولك من عندي حساب = حسابي وافي الكيل ِ في مده وصاعه
أشوفك رحت لقمه ما بين الضرس والناب= وعلمك ينكشف فالجريده والإيذاعه

يعود لك نصيبك يعود على المغراب = أنته ومنهو سكن في بادية رفاعه
لا صرت أبوزيد الهلالي تلقالك ذياب= تحول من على الضلع من قو اندفاعه

؟؟؟؟؟؟؟؟؟؟؟

ولد عوجان الوزن أضبطه

ترى المحاوره راحت أشكال وألوان بالوزن

ياماجد أنا لعبت على نفس اللحن اللي على بيتك الاخير
وراكب تمااااااااااااااااام
وين الكسر

يا ماجد أنا لعبت على نفس لحن بيتك الاخاير
وراكب تمام

وين الكسر
نورني
تحياااااااااااااااااااااااااااااااااتي

تحول من على الضلع من قو اندفاعه

هذا مضبوط في الوزن والباقيه يبيلها تعديل

تحيااااتي

يجيك قسمك مثنى يا عزيز الجناب = وأنا أحمد الله من العالم عندي مناعه
لا صرت أبوزيد تبشر وتلقالك ذياب = تحول من على الضلع من قو اندفاعه

السلام عليكم
إلى الغالي ماجد اقرب مدام الجو عادي



إن كان غاب المسري وطول في الغياب = يسده في محله أخوه من الرضاعه
يا ماجد قوم ما عنكم ذا اليوم مجناب = تقدم يا الهذيلي وقل سمعاً وطاعه


بارك الله فيك يا ولد عوجان

ووالله كفو انت وماجد

والمسرّي حضر