حاضر بحاضر مانبي فيه مفهوق

ياسلامي على اللي يتعبون الخيل = يارجالن تسمى لطمة العايل
كل رجلن يسولف نازنه بالكيل = لين يازن قواعد فكره المايل

وين شعاركم ياعتيبه

..
.
حياك الله يالحذني...
ليلة جمعه وكلها خير :)
مبدأ جميل ...
وننتظر الشاعر اللي يشارك معك في هالطاروق ..
تحياتي
..

استلم استلم
اسمحولي ياشعار عتابه شفت محد قلط عودت اقلط مع النشمي

مرحبا يا المسلم عد بن وهيل= قلتها با النيابه والشرف طايل
كان شاعر وتعرف للجدي وسهيل=بنشدك عن مبارقت المخايل

قالوا انك عزيز القوم ويش تشيل = والمعاني تراها تتعب السايل
عارفين الكتاب اللي على التنزيل = مانكسر بيوت(ن) خبر القايل

ياعزيز القوم عجل بالردود كان تبغالك هديه وانا ابوك

استلم والله يبارك في ابوي ويعزه


انت ما انته على بعض العلوم اوكيل=انت مثل الجهاما حملها مايل
وإ ن بغيت الخبر ياطا علاك اشعيل=لين تصبح سوات الهمل الحايل

,
صحت
السانتكم
يالشعارالنابغين شعر مميز
من الشعراء المبدعين ..

صاحبي في كلامه ناقص الترتيل = لاتسري كلامي ماأنت بنايل
من كلامك نعرفك زهرتن في ذيل = مانغر السوالف وضعكم هايل

صح السنتكم ياشعار ،
ابداع جميل
وااصلوااا لاهنتوا .

استلم واترك الشريم وقصايده


الرسن عندنا يعقل جمال اعقيل=غصب تبرك وتعرف شرها الغايل
والجراده جراده ماش جهد وحيل=لو نفخنا الجراده طارت لحايل

صاحبي كلها مزحه على ماقيل = والضماير نظيفه شكها زايل
مار ربي يعزك فاهم التأويل = لو نفكك تجيب الكسب من وايل

صح السنتكم ياشعار ،
ابداع جميل
وااصلوااا لاهنتوا

صح السنتكم

ابدع من مبدعييييييين


تحيااااااااااااااااااتي

استلم استلم

عارفين الخبر لو الحمول تميل=مانغر المزون وسيلها السايل
مار خلك قريب(ن) لطروش اتحيل= ننهمك لو تلد العين وتحايل

ياعزيز بيتك الثاني ليس واضح الرجا كتابته مره أخرى

يا الحذني تحيه طيبه
والبيت الثاني واضح وليس عليه اي غبار ولعيونك تكرم ونعيده لك مره ثانيه


مار خلك قريب (ن) لطروش اتحيل= ننهمك لوتلد العين وتحايل