09-Mar-2006, 12:19 PM
سداح
غنيّت من هجسن طرا في بالي =
هجسن ليا غنيّت لـه غّنـا لـي
لا فرّ دولابي .. وهزّ اشواقـي =
جريّت صوتي ف الطويل العالي
من تحت رجلي يوم تاطا واطي =
ومن فوق راسي غترتي واعقالي
وفي عظم مخي شاشه وطباعـه =
وبين الضلوع الحدب حاسب آلي
شاعر وسط في مركزي متوسط =
حالي على قـدّي واقّـدي حالـي
ما اقول انا راع الحصان السابق =
لاشك مع عج الرمك .. خيّالـي
ومثايلي .. على ماقالـوا فيهـا =
وان جيت امثّلها كثيـر أمثالـي
مير العصا اللي في يدي عصايه =
والوسم وسمي والجمال أجمالـي
اقودهـا واسوقهـا .. واغنـيّ =
والله يجملّهـا مــع الجمّـالـي
أرضى بنقد الناقـد المتمـرس =
الواعي اللـي ماعليـه اشكالـي
واصدّ عن هرج الهبيل الحاقـد =
اللي يصب المرّ فـوق الحالـي !
أنا سمعت أعن الزمـان الأوّل =
وأنـا تحديّـت الزمـان التالـي
لي لابه وعزوه وربع وديـره =
ماني مع جـرد الفيافـي جالـي
تاريخ ثابت والعرب تدري بـه =
يوم الهلالي .. يحتميـه أهلالـي
أرد عن خالي سوالـف عمـيّ =
وأرد عن عميّ سوالـف خالـي
والطيب أحبّه واحتـرم جلابـه =
وادورّه ب جنيـه ولا ريـالـي
وعلى سلومي ما تضيع علومي =
ووصاة ابويه شلتهـا ل عيالـي
والناس خلق اجناس لكن يبقـى =
اللي عليه العلـم .. راس المالـي
من سبنيّ من شان قـولٍ قلتـه =
لسانه اللي يفـرده وش قالـي ؟
أمّا رضيت ب حقّـه ومعدالـه =
وألا عليه الحـقّ .. والمعدالـي
ماهوب مفنينـي ولا محيينـي =
لا قام يركـز ساقـه ويبرالـي
أمرٍ طبيعي لو تغـار الحرمـه =
مير البلا من غيـرة الرجّالـي ؟
تموّا على كسب الجميلـه تمـوّا =
ماعـاد تنفـع حيلـة المحتالـي
الله يكثـرّ خيركـم ويديـمـه =
فازوا ب الأولى محتمين التالـي
استغفر الله يـوم اعـدّ ذنوبـي =
واضيق لا ضاق الحبيب الغالـي
بيني وبين الحب وقفـة خاطـر =
خلاني اعـد الهجـوس الحالـي
يا اللي وردت الجمّه المردمّـه =
راحت حبالك تلتوي ف احبالـي
صدّرت عنها والخواطر طابت =
اللّه .. ولا دلو ٍ تطـقّ الجالـي
غنيّت من هجسن طرا في بالي =
هجسن ليا غنيّت لـه غّنـا لـي
لا فرّ دولابي .. وهزّ اشواقـي =
جريّت صوتي ف الطويل العالي
من تحت رجلي يوم تاطا واطي =
ومن فوق راسي غترتي واعقالي
وفي عظم مخي شاشه وطباعـه =
وبين الضلوع الحدب حاسب آلي
شاعر وسط في مركزي متوسط =
حالي على قـدّي واقّـدي حالـي
ما اقول انا راع الحصان السابق =
لاشك مع عج الرمك .. خيّالـي
ومثايلي .. على ماقالـوا فيهـا =
وان جيت امثّلها كثيـر أمثالـي
مير العصا اللي في يدي عصايه =
والوسم وسمي والجمال أجمالـي
اقودهـا واسوقهـا .. واغنـيّ =
والله يجملّهـا مــع الجمّـالـي
أرضى بنقد الناقـد المتمـرس =
الواعي اللـي ماعليـه اشكالـي
واصدّ عن هرج الهبيل الحاقـد =
اللي يصب المرّ فـوق الحالـي !
أنا سمعت أعن الزمـان الأوّل =
وأنـا تحديّـت الزمـان التالـي
لي لابه وعزوه وربع وديـره =
ماني مع جـرد الفيافـي جالـي
تاريخ ثابت والعرب تدري بـه =
يوم الهلالي .. يحتميـه أهلالـي
أرد عن خالي سوالـف عمـيّ =
وأرد عن عميّ سوالـف خالـي
والطيب أحبّه واحتـرم جلابـه =
وادورّه ب جنيـه ولا ريـالـي
وعلى سلومي ما تضيع علومي =
ووصاة ابويه شلتهـا ل عيالـي
والناس خلق اجناس لكن يبقـى =
اللي عليه العلـم .. راس المالـي
من سبنيّ من شان قـولٍ قلتـه =
لسانه اللي يفـرده وش قالـي ؟
أمّا رضيت ب حقّـه ومعدالـه =
وألا عليه الحـقّ .. والمعدالـي
ماهوب مفنينـي ولا محيينـي =
لا قام يركـز ساقـه ويبرالـي
أمرٍ طبيعي لو تغـار الحرمـه =
مير البلا من غيـرة الرجّالـي ؟
تموّا على كسب الجميلـه تمـوّا =
ماعـاد تنفـع حيلـة المحتالـي
الله يكثـرّ خيركـم ويديـمـه =
فازوا ب الأولى محتمين التالـي
استغفر الله يـوم اعـدّ ذنوبـي =
واضيق لا ضاق الحبيب الغالـي
بيني وبين الحب وقفـة خاطـر =
خلاني اعـد الهجـوس الحالـي
يا اللي وردت الجمّه المردمّـه =
راحت حبالك تلتوي ف احبالـي
صدّرت عنها والخواطر طابت =
اللّه .. ولا دلو ٍ تطـقّ الجالـي
