قصة وقصيدة

يا اهل الركاب اللي سواة الحني العوج = مستدخلات هيام من غير عِلّه

ماتركبون اللي على نجد مدهوج = احب نجدٍ من محبّةهـلٍ له

وليا وْصِلْتوا نجد فِكّوني أدوج = امشي مع الحيين وإن متّ لله

وجدي عليهم وجد من طاح في الموج = غدت به الأمواج ما أحْدٍ فِطلّه

القصيدة لشاعرة/ مرسا العطاوية
عندما رحل الخراريص إلى مكة حيث أن مرسا لم تتمكن من التعود على حياة المدينة . وذات يوم رأت قافلة من جمال البدو تغادر المدينة .أيقظ المشهد حنيناً
قوياً إلى الصحراء فعبرت عن مشاعرها بهذه الأبيات السابق ذكرها

وتقبلوا تحياتي

معتز العتيبي

الوِرْع راع السيف وِده شعاني = شيع القطيع اللي شعاها شليويح

القصيدة لشاعره/عايشة بنت محمد بن عردان الدرم من قحطان
في غزوة من غزوات شليويح العطاوي توغل شليويح إلى أبعد نقطة في أرض قحطان
قرب الحدود بين قبيلة قحطان وقبيلة الدواسر. ترك شليويح أصحابه يأخذون قسطاً من
الراحه بينما تسلق هو الجبل لا ستطلاع المنطقة. ولكنه سمع في الوقت نفسه صوت
((بنت)) تغني زحف شليويح نحو الصخرة المعلقة التي كانت الفتاة تغني تحتها.
وليا هي تتمثل أبياتٍ من الشعر وهي جالسة في الغار في فيّة العصر وستمع لها وتقول

الوِْرع راع السيف وِدّه شعاني = شيع القطيع اللي شعاها شليويح
وِضْحٍ شعاها من ديار قحطاني = وأقـفا عليها مرذي الفـطّـر الفـيح
يـبدي لـها في نايـفـات الـبـياني = وأدلى عليها من علاوي السراديح
أقـفـوا عليها يزعجون الغناني = من خوف لا يِرْمى لهم بالمصابيح
خِـّلي عـلى نـّبال قـلبي كـواني = كثـيـر مـرّاتٍ وأنـا اقـوم واطـيـح

بعد ما سمع شليويح أدرك أن الفتاة سمعت بغزوته على جمال قحطان المدلا .
وتأثر بما سمع أطل عليها وقدم نفسه بوصفه بطل أغنيتها.واعترافاً منه بالجميل سمح
للفتاة بابقاء إبلها في مأمن قبل أن يشن هو ورجاله هجومهم.

وتقبلوا تحياتي
معتزالعتيبي

تسلم يا اخ معتز .. وبارك الله فيك على هذه القصه الجميله ..

والابيات الاجمل ..

تحياتي ,,,

الله يعطيك العافيه ياخوي معتز ولايهينك , ومشاركة اكثر من رائعة.

لاهنت يامعتز على هالقصه والقصيده


تحياتي

الله لايهينكم وتسلمون أخوني أبن فرحان وأبن مشبب وأبوفراس وجميع الأعظاء والزوار والقائمين على المنتدى. أخواني جميع مشاركاتي اكتبها لكم من كتاب أسمه ((البدوي الأخير)) [عن القبائل البدوية في الصحراء العربية] للباحث الهولندي/ مارسيل كوربر شوك. والمشاركات اكتبها مثل ماوردت في الكتاب وارجو اذا كان احد الأخوان لدية نفس الكتاب إبلاغي بذالك حتى لايتكرر موضوع المشاركة لفائدة الجميع.
تحية طيبة

والله يحفظكم جميعاً

يقول الشاعر / الدندان
ذهبت إلى الحج إلى مكة المكرمة وكنت أهم بدخول بوابة الحرم المكي مع الحشد نادت علي امرأة. طلبت مني أن آتي وأجلس بجانبها ولكن قصدها كان شريفاً. فقلت:
حسبي على اللي دعاني لين نابيه=بيـن العمد والـمقام وبـين الاركـانـي
فوالله لا رحت ادّور له ولا جـيتـه=وأغضيت ماني بشوّفه كان واغوانـي
مدهـالـهـم لاسـقـاه الوبـل مـرّيـتـه=مـتـشـاليٍ ليـن جـيتـه والـبـلا جـانــي
يا ما بـقـلـبي عـلـيـهـم مار كـنـّيته=مـن ذلــّتي يـفـتتري به كـل فـطّـاني
لالاالمزا كان صِْـمل الثـوب شـقّـيـته=وامـشي مع اللي يبون الستر عرياني
ما عاد في العمر مـسيارٍ على بيته=ومـشاهده دام مـوت النـاس مـا جـانـي

ولكم التحية

الله يعطيك العافية و مشاركة مميزة

لا هنت على القصه والقصيد وتقبل مروري

مع تحيات زيــاد الهضيباني