اهل البيوت العامره
سنافي الهيلا12-Nov-2008, 05:47 PM
سلام ياهل البيوت العامره بالشحم=والخير في جنبها والشر قدامها
الشاعر الي على الرسلان جايه ضرم=يقرب من الدلة الي دارج انظامها
الشــاهد12-Nov-2008, 06:24 PM
يامرحبا بالمسلم في بيوت الكرم=والطيبة يالعتيبي ترفع اعلامها
لولا فعول العرب ماكان خط القلم=والسلعة الطيبة من حظ من سامها
حاكم الغنامي12-Nov-2008, 06:28 PM
الله الله
صح لسانك يالسنافي
وصح لسانك يالعايضي
مبدعين اثنينكم
الشــاهد12-Nov-2008, 06:31 PM
الغنامي مرورك شرف الله يحييك
سنافي الهيلا12-Nov-2008, 06:36 PM
ابك البقى يالمرحب والعسل فيه سم=مخصوص للشلة الي تعبد اصنامها
ولا زمان البيارق والقنا والعلم=فيه النعامه ماتمش الارض باقدامها
بدر الكريزي12-Nov-2008, 06:45 PM
الله الله الله ..
سناافي الهيلا .. صح لسااانك ..
سلطان العايضي .. صح لسااااانك
متابع لإبداعكما ..
:)
الشــاهد12-Nov-2008, 06:56 PM
ربعك عتيبة هل الامجاد واهل الشيم=مالك ومال البنوك اتحسب ارقامها
اللي بناها بنا واللي هدمها هدم=واهل اليمن طبعها مايشبة لشامها
الشــاهد12-Nov-2008, 06:57 PM
بدر الكريزي مرورك غير0000يامرحبا
سنافي الهيلا12-Nov-2008, 07:05 PM
ربعك عتابه تحراها تحط الوسم=ولا تحلم وتصدق عندك أحلامها
أنا ابن عمك ترفق لا تمص العجم=سوات ناسِِ نضرها دوم فاكمامها
سنافي الهيلا12-Nov-2008, 07:09 PM
الاخوان الي شرفونا ياهلا ويامرحبا
دون ذكر اسماء
الشــاهد12-Nov-2008, 07:18 PM
كانك عتيبي تراك اليوم قاطع رحم=ولاتغش العرب وتدخل اخيامها
منت ابن عمي لكنك لاتطب الحرم=مالك ومال الحجيج ولبسة احرامها
سنافي الهيلا12-Nov-2008, 07:28 PM
أنته علامك تلوى في غصون السلم=الناس ماهيب تصنع لجلك الغامها..؟؟
الله وكيل العصيمي كان حضه ظلم=يبغى يخاشر عجوز ابليس في ايدامها..!!
الشــاهد12-Nov-2008, 07:37 PM
الناس واجد بعضهم يحسبنة لغم=وياكثر ناس(ن)تصيح ويندح اعرامها
خاشرتها لين كفك راح كلة دسم=واليوم تشرة على اهل الدين واسلامها
حاكم الغنامي12-Nov-2008, 07:40 PM
تشره على اهل الدين واسلامها
الله الله
متابع
صحت الالسن مره اخرى
سنافي الهيلا12-Nov-2008, 07:45 PM
الناس واجد بعضهم يحسبنة لغم=وياكثر ناس(ن)تصيح ويندح اعرامها
خاشرتها لين كفك راح كلة دسم=واليوم تشرة على اهل الدين واسلامها
مالك ومال الاوادم وانت شاعر علم=من سربةٍ فاللقا ماتنكس اعلامها
أن كان خاشرتها وطيتها بالقدم=تكفير ذنبي وذنب الناس وأزلامها
الشــاهد12-Nov-2008, 07:46 PM
حاكم الغنامي صح بدنك وشرفتنا من جديد
الشــاهد12-Nov-2008, 07:50 PM
سنافي الهيلا بيض الله وجهك وصح لسانك وتشرفت بالعب معك يالغالي
سنافي الهيلا12-Nov-2008, 07:54 PM
سنافي الهيلا بيض الله وجهك وصح لسانك وتشرفت بالعب معك يالغالي
صح بدنك ياسلطان
وماقصرت
أخوك
أخو جوزا12-Nov-2008, 07:57 PM
صحت اللالسن يالسنافي والعايضي
فلاج الممخور12-Nov-2008, 08:13 PM
الله الله
سنافي صح لسانك
العايضي صح لسانك
بدع السنافي ببدع وافي
ورد العايضي رد يطرب الراس
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
