اول مواجهة بين صياف وحبيب العازمي

اول محاورة بين صياف الحربي رحمه الله وحبيب العازمي في باديه محمد بن شلاح المطيري رحمه الله

وجرت هذه المحاورة بين الشاعرين،،،،


صياف




جانا ببرنامج حياة البادية شاعـر جديـد
يا مرحبا باللي على درب الشرف ساراقدمه
ياالعازمي ليلٍ رمى بك عندنا ليـلٍ شديـد
لكن أظن الذيب تال الليل يفتح لـك فمـه


حبيب/




ما جاكم إلا خصمكم والله يدبـر مـا يريـد
واما القضا والحق يقضي فيه قاض المحكمه
أنا حسبت حساب وقتي من قريب ومن بعيد
واليا لقيت الذيب اسمي باسم ربي وارجمـه




صياف




حنا رجال ولا يخوفنا كلامك والوعيـد
ومن لا يعرف العلم بالعلم الحديث نعلمه
تراك لا ذا الحين ما علمت بالعلم الأكيد
اقلط على سبع الخلا يلزمك والا تلزمـه



حبيب/




انتـم رجـال وكـل رجـال يفيـد ويستفيـد
ما حـدٍ يعلـم عالـم يقـرا ويكتـب بقلمـه
ما خاف من سبع الخلا وانا معي سيف حديـد
واللي يجي من تحت حد السيف الأبيض يقسمه



صياف





ياكثرماتجمع وتحسب مار مدري وش تصيد
لاحضروا الكتاب طلع علمك اللي تزعمـه
ياكبر حظك لو حضرت العيد واليوم السعيد
لكن حظك لو بنى لك بيـت بكـره يهدمـه



حبيب/




انته تجاهلت الرسايل عقب جاتك في البريد
واليا دخلنا المعركه من لاتقدره لا ترحمـه
يا كبر حظي وانت حظك قام ينقص ما يزيد
واليا كحلت العين ابكحل نون عينك والطمه

الله الله عليهم هالشعّار .....


سلمت يمينك يالسامي الجعيد والله لا يهينك

..

لا هنت يالغالي..