قصيده عفو حمود الشمري من احد شعراء الهيلا

قصيده اعجبتني لشاعر مسبار

بشان قصه عفو / حمود بن نايل الشمري عن من تسببا في قتل اثنين من ابنائه في قضايا متفاوته واصراره علي اطلاق سراح اخصامه ..





يا حمود شاش الراس بالعلم ياحمود=درس" يدرس ما يبي له مشوره

انا اشهد انك بالنواميس محمود=وان سجل التاريخ شرف سطوره

ولد الطنايا ما قف" ماله احدود=يرقي علي العليا ونفسه صبوره

كسابة الطلات حماية الذود=وافعالكم بالطيبات امخبوره

يا اللي مسحت الدمع من خد مولود=يجزاك بالدارين منزل زبوره

الجود في يدين الكريمين عبرود=سنعوس من طيبه يبرك نحوره

يفداه من بطرس لحافظ ولحود=يا الشامخ اللي ما تفاهق نموره

والمدح فاأهل الطيب ماهوب منقود=يبقي علي وجه البسيطه بخوره

مدح" سبقني فيه مخلد من اعدود=يبدع من افجوج القصايد بحوره

قلته وانا من لابة" فعلها زود=ينصاهم المرتاب عند الظروره

من لابة العبود والسيف مجرود=يفرحك لا عاينت هدت صقوره

وما عليكم يا اهل الموجبه زود=كل" مع الميقاف ثبت حضوره






مسباار

صح لسان الشاعر الجميل مسبار


ويستاهل الممدوح المدح

والرجال مواقف


الف شكر يالغالي

محبك

.,

صح لسان شاعرها

ولاهنت ياعتيبي فزاع

لاهنت



وبعطيك الف عافيه

بيض الله وجهك على النقل

وحمود رفع روسنااااااااا ,,,فوق

الطيب مهو بشمر بس بكل رجال اصيل من قبيله اصيله


ومشكووورين على النقل...

صح لسان مسبار



موقف حمود الشمري موقف جلده لايقدر عليه الى من وفقه الله