محاوره بين الشاعرين ممدوح العطياني والشاعر حامد القارحي ( عندك يابو فايح حللها )

محاوره بين الشاعرين ممدوح العطياني المقاطي والشاعر حامد القارحي
بعد شاعر المعنى


ممدوح العطياني

يامرحبا ياهلا على السمن والسمين = في حفل ربعي هل الطالات والمرجله
يالقارحي شد حيلك والدعاوي تزين = واللي يمد الوفاء والطيب يستاهله

حامد القارحي

دام البقا بعد جينا حفلة الطيبين = حنا هل الاوله وأنتم هل الاوله
أمدها باليمين ومدها باليمين = حتى تجيك السوالف مرحله مرحله

ممدوح العطياني

سالم وأبو زيد وش جابوا في غزوة حنين = الكل منهم يقول الكسب مظمون أله
أن كان ضيعت صيدك في عجاج السنين = لابد تلقى العوض في أيامك المقبله

حامد القارحي

سالم وأبو زيد كسبانين دنيا ودين = ممدوح وش قاللي يالربع وش قلتله
الله يهدي شباب اليوم مستعجلين = من وصل السلسله من قطع السلسله

ممدوح العطياني

أحدٍ من الياس وهمومه رقد ليلتين = وأحدٍ يجمع فزوع هذيل في المسفله
لابالله ممدوح يدحمكم بجنبٍ متين = واللي بدا الماقف الغصاب مايجهله


حامد القارحي

أصبر يجيك الفرج والله مع الصابرين = ستين ليله يلوح البرق وتروح له
انا استحي منك وانت زدتها حبتين = حادثك ضربه كفر ولاّ من الفرمله

ممدوح العطياني

نساير الوقت ياحامد وربك يعين = وأن كان دربي طويل الحمل فوق جمله
سعود يضحك معك لكن قلبه حزين = وعبدالله يقرا عليك الفتح والزلزله






الله لايهينك يابو فايح
جميع الاعضاء ينتظرون تحليلك للمعنى

جميع الاعضاء ينتظرون تحليلك للمعنى

الله يهديك ياخيال الصبيه ويفتح على قلبك

العضياني

سالم وأبو زيد وش جابوا في غزوة حنين = الكل منهم يقول الكسب مظمون أله
أن كان ضيعت صيدك في عجاج السنين = لابد تلقى العوض في أيامك المقبله


القارحي

سالم وأبو زيد كسبانين دنيا ودين = ممدوح وش قاللي يالربع وش قلتله
الله يهدي شباب اليوم مستعجلين = من وصل السلسله من قطع السلسله




يعطيك العافيه على النقل

الله يهديك ياخيال الصبيه ويفتح على قلبك



ابو تيجان

يشرفني تواجدك ياطويل عمرك


لاهنت على المتابعه

العضياني

سالم وأبو زيد وش جابوا في غزوة حنين = الكل منهم يقول الكسب مظمون أله
أن كان ضيعت صيدك في عجاج السنين = لابد تلقى العوض في أيامك المقبله


القارحي

سالم وأبو زيد كسبانين دنيا ودين = ممدوح وش قاللي يالربع وش قلتله
الله يهدي شباب اليوم مستعجلين = من وصل السلسله من قطع السلسله




يعطيك العافيه على النقل



راعي الجدعا

تسلم على المرور والتواجد


والشاعر عطياني ماهو عضياني


لاهنت على المتابعه

حيالله خيال الصبيه والمعنى واضح جدا حول مشاركة القارحي في شاعر المعنى

السلام عليكم

الصراحه ويمكن يوافقني الجميع أن المعنى عن مشاركة القارحي في شاعر المعنى

تقبل مروري

حيالله خيال الصبيه والمعنى واضح جدا حول مشاركة القارحي في شاعر المعنى


تسلم ياطويل العمر

على ماوضحته لنا ,,,

لو كانوا الاعضاء يتمنون ان التوضيح افضل


على العموم ماقصرت

نشكرك على المتابعه والتواجد