يالعصيمي صبرت وطال صبري علاك

هذه محاورة

جرت بيني وبين الشاعر العلم حمود بن برجس حبيت انقلها لكم



حمود بن برجس الغنامي=



يالعصيمي صبرت وطال صبري علاك=مار حان اللقا فـي ساحـة المعركـة
كل ماقلت قرّب رحت تزحـف وراك=وانته اللي سواتك حالف ٍ ما اتركـه






سعوود العصيمي=

العصيمي لياشفتـه عطيتـه قفـاك=وان حضر معركة يسلكك ماتسلكه.
والله اني قريّب عندكم مـن غـلاك=مار ابن برجس من العام فيه حركه.





حمود بن برجس الغنامي=


لاتقوله ترى ماودي ابحث خفـاك=واحسب حساب خشمك قبل لانفركه
انت قدرك رفيع وعالي ٍ مستـواك=مار تال الزمن ماعاد فيـك بركـه




سعوود العصيمي=

كيف تبحث خفا اللي ذاق زادك وماك=احسب احساب رأسك لاادخله فشركه.
ماعليكـم زيـادة بيـن هـذا وذاك=جايك الرزق جايك لو راس سمكـه.




حمود بن برجس الغنامي=


يوم عرضت نفسك للظما والهـلاك=لين ضاع الحـلال وكـل ماتملكـه
كيف سجيت رجلك من خلاك لخلاك=وانت لك منصبك في دولة المملكه




سعوود العصيمي=

كان ضايع حلالك كـل حقـي فـداك=ماني بتاركك ياحمـود فـي مدركـه.
لو رجلي تسـج بعيـد قلبـي معـاك=صبح بكره تشوف الجمع واله اعركه.






حمود بن برجس الغنامي=

خل حقك يبو طايل غداك وعشاك=اكل مايشبعك واللي يزود امسكه
ياجملنا هديرك لايخالـط رغـاك=اكثر وعودك اللي قلتها فبركـه





سعوود العصيمي=

زادنا من صحنا وانت تشكي طـواك=قلت الك سمن بري قلت اخاف أودكه.
كل ماجيت اسوي فيك علـم ايهنـاك=ماتجمل وعلمـي بالخطـأ تدركـه.

الله الله


محاورة عمالقه



صح ألسانك يابو طايل



وصح لسان حمود بن برجس

عشره علي عشره

صحت الالسن والقلوب

صحت الألسن

ابداع ابو برجس وابو طايل


عمالقه



لاهنت ياسعووود


وصحت السنتكم يامقرمين:)

ههههههههههههههههههههههههه

حسبي الله على ابليسك ياسعود :)

صحت السنتكم ... ومثل ماقال ابو عيد مقرمين