قـــصــيــدة : شـعـرية

الإخوة الكرام أعضاء وزوار منتدى قبيلة عتيبة هذه قصيدة مثلها مثل سابقاتها أرجو التفضل بالإطلاع عليها وشكراً للجميع .

كل ما دق به هاجوس جر اللحون





أثر طعن الشباري والجنابي يهون =مع طعون العيون الناعسه يافلاح

ياوجودي على زول(ن) تخطى بهون= وجد من ذوقوه المعتدين الذحاح

أو وجود السجين اللي قضى بالسجون =حول عشرين عام وخافقه ما استراح

بين خصم(ن) عنيد(ن) مايلين ويهون = وبين سيف(ن) ليوحف كنه البرق لاح

لهدا خافقه وارها بحلو السكون =ثم ذكر ضربة البتار في العنق صاح

أو وجود الغرير اللي فقد للحنون =ما تت أمه وجدواه البكا والصياح

كل هذا وجودي مبتلا ومغبون =وحلالاه يالاما حسين المزاح

ادعج(ن) كامل الأوصاف عرضه مصون =مهرة شاشة لصوت الفتن والسلاح

عود موز ترعرع بين خضر الغصون =عسوجين تلاعبه هبوب الرياح

ياعواذيل قلبي هونوا وشتبون =ما لكم من وراء نصح المولع صلاح

من هو اللي يعاني حب ذيك الفتون=ومن هو اللي سهر ليله بليا مراح

درة غالية وانا لهاذي زبون =دام يبذل كريم ويبخلون الشحاح

كن هالناس في كون(ن) وانا وسط كون =ما يسير به اللا كود ضبي البراح

الهوى يرث بكبد الهواوي طعون=لين يذهل عن السجات والإنشراح

كل ما دق به هاجوس جر اللحون =يسجع مع الحمام اللي على الغصن ناح

الله
الله الله

صح الساااااااانك تقبل مروري

صح بدنك يالأسعدي
تقبل تحيـــــــــــــــــــــــــاتي

صح لسانك مدد

قصيدة جميله.. وموزونه من شاعر قدير مثلك

تقبل اعجابي بالقصيدة وتقبل مروري

..

الأخ / بندر العصيمي
أشكرك وفخر القصيدة مرورك وشرواك وإطلاعكم عليها .
تقبل تحــــــــــــــــــــــــــــياتـــــــــــــــــ ــــــــــــــــــــي

..

.

رائعه تستحق الاشاده .... يابو نايف

..
صح لسانكـــ

...

الأخ / مرزوق بن حمدان
أشكرك على المرور وعلى الإشادة . تقبل تحـــــــــــــــــياتـــــــــــــــــــــــي ؛؛؛؛؛؛؛؛؛؛؛؛؛

صح لسانكـــــ

الأخ / ابو مشعل العازمي
صح بدنك وبيض الله وجهك . تقبل تحيــــــــــــــــــــــــاتيييييييييي

صح لسانك قصيده جميله من شاعر جميل

الأخ / خالد البلوي
صح بدنك . وطابت أوقاتك . تقبل تحيــــــــــــــــــــــــــــاتي

السلام عليكم





ابونايف





صح لسانك وتقبل مروري

أرحب يابو عبدالإله
مرورك شرف. تقبل تحياتي