مستور العصيمي وحبيب العازمي

حبيب العازمي


على طاري الشعار الشعر والناس
يامستور ويش اوحيت تال الليالي
يقولون جات مطمةٍ مالها راس
تدف الجنوبي في طريق الشماالي


مستور العصيمي




على طاري الشعار من فاز بالكاس
انا لاول المشوار ما القيت بالي
انا ما بنيت البنيه الا على ساس
ولاني بباني فوق جرف ٍ هيالي


حبيب


ما احد فاز جاء فالوضع تخريب وانحاس
والا ادري الخطاء فالنصر والا الهلالي
لو ان الخطاء ماهوب مقصود لا باس
لكن الخطاء عن قصد يا هملالي


مستور


والا يا حبيب حاسب الوضع حساس
ذكرت البعيد ولا ذكرت الموالي
لا تسمع علوم الناس حبر ٍ بقرطاس
ولاهيب لا مكسب ولا راس مالي



حبيب




يهل المطر وغصون الاشجار يباس
وراع الغنم فالشمس والا الظلالي
ترانا نعرف الجمر الاشقر ما ينداس
ولكن دسنا الجمر والروح غالي



مستور



والا يا حبيب لك سنه تضرس اضراس
وانا اسوقها فالدرب سوق الجمالي
ترا مسجد الهادي حوال بن عباس
تحرا لها والحبل فوق المحالي



حيب



والا يا رجال ٍ هرجكم مثل الامواس
انا رجل ما تضحك على الرجالي
على ذمتك يا كليب يقتلك جساس
وهاذي فنون المعركه والقتالي



مستور



ابى احطكم بين الثنايا والاضراس
على شان يوم تقول يا زيد خالي
انا اعرف عوراف مالها حد وقياس
بعضها حرام وبعض منها حلالي



حبيب


الا يا جمل لو كان قطعت الامراس
جنوبك تلينها الحمول الثقالي
شعور البشر دايم على قد الاحساس
ومستور يشعر بالممات المثالي



مستور



انا للثياب البرق ماني بلباس
وراسي عليه عمامته والعقالي
والا يا حبيب هالسنه صرت هلاس
تبيع الجنيه وتشتري بالريالي



حبيب




وانا للصحون البيض ماني بلحاس
ترا مكسبي زايد على راس مالي
علام العصيمي جاب للكهربا ماس
عساها تزيد الضخ والاشتعالي



مستور


ليا اخذت لي مرواس اخذت الك مرواس
وابى امشي بممشى محتمين التوالي
لو انك بحر مستور للبحر غطاس
ليا رحت ما تلقى صحيب ٍ بدالي

لاهنت يالمثاااااالي

إنتقائية جميلة
سلمت يدااااااااك

لاهنت طاروق رائع جدا

طاروق لايماثل روعته الا روعة شاعرية وروعه ناقله

طارووق رااائع

لاهنت يالمثالي

طواريق مستور العصيمي لها ساس=ولاهنت ياذرب اليمين المثالي

تقبل هذا البيت ومروري اولاَ :)

عشت والله يقويك