هذا قدرها اللي على الحول داير ( فاروق الكسر )

يابدر وش عناك يم الجزاير=وش كلفك يابدر في نقلة الطير
خلك بضف العود عند العشاير=والا الصقاره خلها للصقاقير
ولاهيب ذمه ياقوي النصاير=خوتك لشخوص الرجال المشاهير
في ظل من يرو السيوف الشطاير=ويابدر فيه الشر مايغلب الخير
نايف ملاذ اللي من الخوف ذاير=درع الوطن ستر البني الغنادير
مالوم من هلت عليه العباير=ومن وجدها غنت بحلو التعابير
هذا قدرها اللي على الحول داير=وهذا قدر نايف ليال المخاضير
ليا بكر الوسمي وجاله بشاير=والبرق سامر مظلمات الدياجير
يدعيه خنيابٍ من الغرب زاير=ومنجبٍ من يم كازا واغادير
ومنجبه لو كان دارج وطاير=ماعد روحه عند نايف مخاسير
يزهد بها لعيون نزه السراير=ليا فرع القرناس واطلق له السير
واطفى لهيبٍ يختلج فالضماير=ليا ادلى بعطشان الكفوف البواتير
خطو اشقرٍ فعله يشوق النظاير=وينبيك عن فعله دلاله وتصوير
في جوهر ٍ منه الشرار يتطاير=يوضي سواة النار في غبة البير


وسلامتكم

صح الله لساااااااااااااااااااااااااااااانه

لاهنت يا سنايدي ع النقل

صح لساااااااانه



ولاهنت يالغالي

لاهنت ياعقاب ولاهنت يامحمد