29-May-2005, 08:28 AM
سقى الله ضيك يا شعاع الهوى المفقـود
سقـى الله ليـالٍ مـع غلانـا سهرناهـا
سقى الله يوم ان الوفـى بيننـا موجـود
قبـل لا توردنـا الخيانـه علـى مـاهـا
وفينا سوى يوم الوفى لـه بلـد وحـدود
وخنّـا سـوى يـوم الخيانـه عرفناهـا
وصار الفراق النـار والملـح والبـارود
وانا اول ظحايا الحـرب واخـر ظحاياهـا
مغيـر اتوجـد والتوجـاد مابـه فــود
ولكـن شـف وجـد العـروق وحناياهـا
الا يا وجودي وجد مـن طوقـوه اجنـود
ثمانيـن جـنـدي ماتـعـداه مرمـاهـا
ولا يا وجودي وجد نجدٍ علـى ال سعـود
قبـل لا معـزي بجـرد السيـف يالاهـا
ولا يا وجودي وجد حـرٍ ولـوه اهنـود
وربعـه تسـد اسموعهـا يـوم ينخاهـا
ولا يا وجودي وجد وجد ايش ؟؟ليش ازود
يكفي وجود الـروح يـوم انـت تجفاهـا
يكفيك تقرا الوجـد بالخافـق المضهـود
وتبكيـك عينـي لا تسمّـعـت لبكـاهـا
تحن الدموع البيض فوق العيون السـود
وقلبي يحد ضلوع صدري علـى اقصاهـا
واشوف احتقان الدم في عرقي المشـدود
وقرّب شرايينـي مـن النـار وانساهـا
على هامش الميعـاد يمصبّـر الموعـود
تعنـي نـوال وتذبـح القلـب بغنـاهـا
واسكّر لفرحي كود وافتـح لحزنـي كـود
واحالـف بـلاد الحـزن والـوذ بحماهـا
مرض غيبتك ماله دوى والجروح اشهود
وانا اعرف مداوي علّتي واجهل ادواهـا
شوية زمن وروح للشيـخ ابـن عبّـود
ويفتـح علـي ايـات ربـي ويتـلاهـا
لان المفـارق جـن..ولا عمـل معقـود
ولاّ شفاحـة نفـس والعـيـن تقفـاهـا
على الله على الله والرجـا بالله المعبـود
وترضيك نفسي ليـن تسعـى لمرضاهـا
ويرجع زمان اول وعهـد الغـرام يعـود
وتضحـك ليالينـا عقـب مـا بكينـاهـا
فديتك تعال ان كنت في خافقـك موجـود
وخـل العنـاد ومتعـة الـروح تلقـاهـا
تراك اول العنقود..وانـت اخـر العنقـود
وانا ..شجرتن تورق غصونك على ماهـا
وســــلامــــتــــكـــــم
الشاعر : عايض العتيبي
سقـى الله ليـالٍ مـع غلانـا سهرناهـا
سقى الله يوم ان الوفـى بيننـا موجـود
قبـل لا توردنـا الخيانـه علـى مـاهـا
وفينا سوى يوم الوفى لـه بلـد وحـدود
وخنّـا سـوى يـوم الخيانـه عرفناهـا
وصار الفراق النـار والملـح والبـارود
وانا اول ظحايا الحـرب واخـر ظحاياهـا
مغيـر اتوجـد والتوجـاد مابـه فــود
ولكـن شـف وجـد العـروق وحناياهـا
الا يا وجودي وجد مـن طوقـوه اجنـود
ثمانيـن جـنـدي ماتـعـداه مرمـاهـا
ولا يا وجودي وجد نجدٍ علـى ال سعـود
قبـل لا معـزي بجـرد السيـف يالاهـا
ولا يا وجودي وجد حـرٍ ولـوه اهنـود
وربعـه تسـد اسموعهـا يـوم ينخاهـا
ولا يا وجودي وجد وجد ايش ؟؟ليش ازود
يكفي وجود الـروح يـوم انـت تجفاهـا
يكفيك تقرا الوجـد بالخافـق المضهـود
وتبكيـك عينـي لا تسمّـعـت لبكـاهـا
تحن الدموع البيض فوق العيون السـود
وقلبي يحد ضلوع صدري علـى اقصاهـا
واشوف احتقان الدم في عرقي المشـدود
وقرّب شرايينـي مـن النـار وانساهـا
على هامش الميعـاد يمصبّـر الموعـود
تعنـي نـوال وتذبـح القلـب بغنـاهـا
واسكّر لفرحي كود وافتـح لحزنـي كـود
واحالـف بـلاد الحـزن والـوذ بحماهـا
مرض غيبتك ماله دوى والجروح اشهود
وانا اعرف مداوي علّتي واجهل ادواهـا
شوية زمن وروح للشيـخ ابـن عبّـود
ويفتـح علـي ايـات ربـي ويتـلاهـا
لان المفـارق جـن..ولا عمـل معقـود
ولاّ شفاحـة نفـس والعـيـن تقفـاهـا
على الله على الله والرجـا بالله المعبـود
وترضيك نفسي ليـن تسعـى لمرضاهـا
ويرجع زمان اول وعهـد الغـرام يعـود
وتضحـك ليالينـا عقـب مـا بكينـاهـا
فديتك تعال ان كنت في خافقـك موجـود
وخـل العنـاد ومتعـة الـروح تلقـاهـا
تراك اول العنقود..وانـت اخـر العنقـود
وانا ..شجرتن تورق غصونك على ماهـا
وســــلامــــتــــكـــــم
الشاعر : عايض العتيبي
