18-Feb-2012, 05:39 AM
السلام عليكم ورحمة الله وبركاته
اعتذر عن الغياب ولكن انشغلنا في الدنيا
وعسى الله يشغلنا في طاعته جميعا ً
انا ليامني تنويت الابيات
…اسرجت بنت ٍ من بنات العبيه
منجوبة ٍ في لازمي والمهمات
…تارد قراح الجم عهد ٍ عليه
ومن لايظري مهرته للمسافات
…تطيحبه في تيهة المهمهيه
ويون صاحبها على كل مافات
…ويدق صدره في ديار ٍ خليه
اقولها منصح, ولا فيه نيات
…كل ٍ وفعله ساعة النار حيه
من لايجد من فعل يمناه فزعات
…يَغْدي وكنه شجرة ٍ دون فيه
ونا يديني فاللوازم طويلات
…واللي شبيهي فالرياجيل حيه
اصدلي غارات واشن غارات
…واظهر ونفسي من فعولي رضيه
واخذ من الدنيا لنفسي دراسات
…وادريبها ماهيب دايم صفيه
لابدلي منها تجيني بلوعات
…وتفرح علي بعض النفوس الدنيه
دنيا تقلب بين ونه وطربات
…مثل الخوافي كل يوم ٍ إبنيه
دنيا ً وضعها الله رب السماوات
…ناس ٍ تشح إبها وناس ٍ سخيه
وناسٍ بها تحيا والاخرى ٍ بها اموات
…وناسٍ تصير إمع الزمان الضحيه
دنياً لها احداثٍ عجابٍ غريبات
…تشربكت فيها حبال القضيه
احدٍ يكابد عيشته بالمعانات
…واحد ٍ حياته لو تردت هنيه
والقاضي الله في جميع القضيات
…في يوم فصل الحق بين البريه
تحيتي
فارس بن طلق الصوينع
اعتذر عن الغياب ولكن انشغلنا في الدنيا
وعسى الله يشغلنا في طاعته جميعا ً
انا ليامني تنويت الابيات
…اسرجت بنت ٍ من بنات العبيه
منجوبة ٍ في لازمي والمهمات
…تارد قراح الجم عهد ٍ عليه
ومن لايظري مهرته للمسافات
…تطيحبه في تيهة المهمهيه
ويون صاحبها على كل مافات
…ويدق صدره في ديار ٍ خليه
اقولها منصح, ولا فيه نيات
…كل ٍ وفعله ساعة النار حيه
من لايجد من فعل يمناه فزعات
…يَغْدي وكنه شجرة ٍ دون فيه
ونا يديني فاللوازم طويلات
…واللي شبيهي فالرياجيل حيه
اصدلي غارات واشن غارات
…واظهر ونفسي من فعولي رضيه
واخذ من الدنيا لنفسي دراسات
…وادريبها ماهيب دايم صفيه
لابدلي منها تجيني بلوعات
…وتفرح علي بعض النفوس الدنيه
دنيا تقلب بين ونه وطربات
…مثل الخوافي كل يوم ٍ إبنيه
دنيا ً وضعها الله رب السماوات
…ناس ٍ تشح إبها وناس ٍ سخيه
وناسٍ بها تحيا والاخرى ٍ بها اموات
…وناسٍ تصير إمع الزمان الضحيه
دنياً لها احداثٍ عجابٍ غريبات
…تشربكت فيها حبال القضيه
احدٍ يكابد عيشته بالمعانات
…واحد ٍ حياته لو تردت هنيه
والقاضي الله في جميع القضيات
…في يوم فصل الحق بين البريه
تحيتي
فارس بن طلق الصوينع
