ذكرى البيعه للقايد المفدى

بسم الله الرحمن الرحيم
السلام عليكم ورحمة الله وبركاته
اقدم لكم هذه القصيده المستعجله لعلها تفي بالغرض والمشاركه والفرحه بذكرى البيعه
بدايتنا بذكر اللي منزل سورة الانعام=عظيم الشأ ن غفار الذنوب وماحي السيه
جليل الملك حلال الصعاب الواحد العلام=عقيدتنا له التوحيد والهامات محنيه
على ذكرى مضى من عمرها بالتيم سبع اعوام=نزف لشعبنا الغالي تهاني ود قلبيه
الا يامملكتنا الغاليه يامنبع الاسلام=الا ياموطن الاحرار دولتنا السعوديه
الا يادولة العدل المكين ودولة الحكام=الا يادولة القران والاحكام شرعيه
تغني والبسي فاليوم يوم من اجمل الايام=وتيهي باختيال وميس ياحره نداويه
ترى يوم الخميس اليوم ذكرى سبع للضرغام=نجدد له ولا البيعه ونرفعها علانيه
على وضح النقا نرفع شعار المملكه قدام=لابو متعب ولا واخلاصنا من طيب النيه
نحب القائد المخلص نحب القائد المهمام=مادام الشمس تطلع فالسما وتلاحق الفيه
زعيم المملكه خادم حرمها درعها وحزام =صميدع بالسياسه والركاده ماوصف زيه
بظله دام عزه عاش شعبه في رخا وانعام=وشعبه بالامن ينعم تحت رايه الهيه
اغاث بغيث جوده حي فاله افقرا وايتام=ولايبقى فقير الا وفي صف الغناويه
وحسن مستوى وضع المعيشه وابعد الاوهام=وعم الخير والافراح والاوهام منسيه
يمينه بالعطا تعطي وعم الخير شرق وشام=وعم ارجا البلاد من الجنوب ليا الشماليه
لحيث الجود مستوطن مابين الخنصره وابهام=على يمنى زعيم(ن) بالعطا نفسه فداويه
رجل دوله حقيقه ماهي بظنه ولااحلام=فعوله واضحه للناس مسموعه ومرئيه
وتشهد منجزاته طال عمره عام تلو العام=على التطوير تشهد اقتصاديه وعلميه
ولو جينا نعدد منجزاته عجزت الاقلام=عن التعداد واللي قلت منها كله شويه
عسى الله ينصره ويختم النا واله حسن اختام=ويرزقنا جميعا جنة(ن) فالعرش مبنيه








تنبيه : المشاركة المدونة تعبر عن وجهة نظر كاتبها ((دون تحمل إدارة المنتدى أي تبعات لذلك))

صح لسانك والله يطول عمر ابومتعب

تقبل تحيتي وتقديري

صح بدنك ولك تقديري دمت بحفظ الرحمن

صح السانك وسلم بنانك
قصيده رائعه

صح لسانك وبيض الله وجهك
الشاعر سعد حميد الثبيتي
قصيده معبره وشافيه وكافيه
مشاعر نابعه عن حب وولاء ووفاء وطاعه لولي
وأسماء شعراء رائعين من أبناء قبيلتي هنا وهنا وهناك . بصراحه شيء يثلج صدري
لاخلا ولا عدم يابن العم
تحياتي

ابو فهد شكر مرورك العطر لك نحيتي

الاخ الفاضل شاعرنا ولسان فبيلتنا وصل الشهيب لك تقديري واحترامي

صح السانك وبيض الله وجهك

استاذنا الفاضل والوطن وقيادته يستاهلون

..
.
قصيده وافيه رائعه في مضمونها ... صح لسانكــ يابو حميد..
...