الحميدي بن مسفر القعيب

قصيدة الحميدي بن مسفر القعيب السيحاني عندما وصله خبر السيول على عفيف والدوادمي وقرايا نجد بتاريخ 16 / 1 / 1434

قالوا عفيف اليوم جوه مطيرة **** قلنا عساه يسيل ويعم الأوطان
ويضفي على نجد المسمى بخيره **** يسكن هواه اسبوع والوبل ودان
من اليمن يعم شبه الجزيرة **** يمشيبه الطرقي لحدود عمان
تلقى الفياض منوع بالزهيرة **** فيها أم صالح تزعج الصوت بالحان
يضفي نباته بالحزوم العسيرة **** نبت اليهق فيها تشاكيل والوان
فالسوق ما تلقى مبيع شعيرة **** وأهل المزارع تعطي التبن مجان
وراع الغنم بالسوق يجلب مضيره **** وسعر الغنم ينزل على كيف ماكان
يا الله يا عالم خفي السريرة **** برضاك تامرني على اللي به حسان
تبقي لنا صقر الوطن والجزيرة **** عبدالله المحبوب واخوه سلمان
عيال رجل ما يوصف بغيره **** يشهد له التاريخ والسيف شامان
اليا تعلى فوق خطو الظهيرة **** طوع رجال بالجهل شانهم شان
وأنا أحمد الله ما علينا قصيرة **** الشعب وافي بين راضي وقنعان
في ظل ابو متعب يواصل مسيره **** على طريق الخير وأخوانه أعوان
تم الكلام وجعل فالأمر خيرة **** يا رب تحمانا من الجن والجان
وصلوا على من دلنا للبصيرة **** عداد ما حجوا وطافو بالأركان