كان انت يالمندوب شاعر وفتال

كان انت يالمندوب شاعر وفتال
الرجل يعرف بالمعاني دروبه

اخذ التفق واشره على كل نجال
وعيبٍ على اللي ذل ينفخ ذروبه

ماقلت غير الصدق والصدق ينقال
والدرب واضح والديار معروبه

انته تحب تغرد الصوت موال
وانا سمعت المعتدي في لعلوبه

كانك تحب الفال اخذ مني عقال
اقلط على القعدان ماهي حلوبه

واسمع كلامي صح في بعض الازوال
واللي يدور بهاجسي مادروبه

لاطالبن فزعه ولاطالبن مال
راضي بحكم الرب في ماينوبه

يا الله ياعالي على كل من عال
ياواحدً تغفر لعبدك ذنوبه

تغفر لي الزلات في كل الاعمال
زلات عبدك هيل ماهي محسوبه

وعفوك ولطفك من بلا بعض الانذال
من عالمن دايم رحاها شذوبه

ناس ذممها تثبت الظلم باقوال
في غرت الاجواد تلقا عذوبه

ياهني منهو دالهن خالي البال
ماجاه من بعض الاوادم عقوبه

عقوبتن مابين عاقل ومحتال
عشر وثمان سنين داخل جيوبه

يحكي بها القتات في كل الاحوال
في مجلسن كل الجلوس سمعوبه

المجلس اللي صار مسكن ومدهال
باعراض خلق الله يشب الشبوبه

شبوبتن شبت مثل حالك اللال
يلقا بها النمام كل الخصوبه

يلقا بها النمام ضحك وتبهلال
في مايجي برسالته رحوب به

ناس بهم من قلة الدين هرفال
وذكر الولي والمصطفى ماشقوبه

ممساك عنهم من ورا نايف الجال
اخير لك لوكان ناشك شحوبه


الشاعر:عيد بجاد بن شدة