بيني وبين النت صارت علاقة

بينـي وبيـن النـت صـارت عـلاقـه ** والله يستـر مــن عـلاقـات هالـنـت
شخـصٍ يبادلـنـي اصــول اللبـاقـه ** وانــا عـلـى زود اللبـاقـه تفنـنـت
وعلـى الكـلام الزيـن عنـدي رشـاقـه ** والكـلام الشـيـن عـنـه تحصـنـت
ولاهــان اسلـوبـه جمـيـلٍ مـذاقـه ** ولاشفت نكه لانت لو كان مالنت
بينـه وبينـي شـي مـثـل الصـداقـه ** وبيني وبينـه شـي ماقـد بـه اعلنـت
لا قلـت شسمـك قـال وش الحمـاقـه ** ادري تبـي تنشـر علومـي ليـا شنت
ولا قـال شسمـك قلـت هـاك البطاقـه ** ولا قال عمـرك قلـت مكتـوب لاهنـت
وقلبـي علـى صوتـه يزيـد اصطفاقـه ** وصوته وطـن وانـا بصوتـه توطنـت
اخـاف احبـه وابتلـش فــي فـراقـه ** وانـا علـى وصـل المحبيـن ماخـنـت
مـدري علاقـة حـب مـدري طفـاقـه ** بس الوكاد اني على نكه ادمنت

الشاعر غراف بن محمد العتيبي

صح لسانك اخوي ووش العلاقه الي بيني وبينك

صح لسانك ولسان شاعرها