قاف ولا اروع بس... وين الشاعر الرائع

مساء الخير للجميع





ياهل القلطة نبيها قلطتن ردّاحة***لين نعرف كل شاعر معدنه وش لونة


لين كلن يحتزم في محزمة ووشاحة***ونعرف الناس الثقال ونعرف الملسونة

..
.
صح لسانك يابن عاصم..
... وننتظر الشاعر المقابل ...

..

.
صح لسانك يابن عاصم..
... وننتظر الشاعر المقابل ...

يابن عاصم وانت شاعر محترف بالساحه=اختبار المستوى حولك بدوا يطرونه
قلت اشارك في اختبار المستوى واجتاحه=والله يجنبني الحاسد وحمر عيونه

مرحبا باللي لفانا يبترم مسباحه**كيف بيت بلا عمد ياصحابنا تبنونه


اختبارن مابدا وانته علنت انجاحه**صار راع الفن يمدح للحسود فنونه

البقا ياصحبي والنفس الك مرتاحه=والله ان البيت عندي كاملات ركونه
من عصر نعرف ليال العيد جت وضاحه=وكل سيفن يشرب من اللي تجيب طعونه

كل شاعر يثبته فالمعضلات إلحاحه ** ثم يثبت مايقوله والعرب يوحونه


فيه من جت له نهار العيد كل افراحه ** وبه من عيّد وصدره ممتلن بطعونه

انت وين رحت شكلك قفلت الفرق بين ردي ورد 12 ساعه توقعتك هونت
وعالعموم يشرفني اللعب معك واستلم:


من يبا در البحر ماقال شين املاحه=ينزل بغب البحور ويطلع المكنونه
من فضل ربي نعيش بعيشتن بحباحه=يوم بعض الناس يبلش ماملا ماعونه

من سمع قولك يحسبك كبتن الملاّحه ** وانت عنده ناظرك للي يجي بصحونة


مانفعنا من يقول الشعب لزم اصلاحه ** وانت رزقك ماتبقّى ليا امتلا ماعونه

ماعونه ماكأنها سرت ؟

استلم طال عمرك


من سمع قولك يضنك من علو الباحه=سرع ماصارت علومك كنها بالونه
المدير اليا مسك شركه تزيد ارباحه=وانت مامن ربح لكن كيف حال المونه

صحيح انها سرت لكن ما لاحظت والله وش راح

لكن العوض فالجاي


صارت علومك تشابه هزت المرجاحة ** مابغيناها كذيّا كلمتن مشحونة


انتبه لي قبل لا نلزمك بالـنـحـنـاحة ** والمرابح عند مثلك طعمها ليمونة