أول قصيدة لأحد أشبال عتيـــــــــــبة!!!!!!!!

بسم اللـــــــــــــــــــــــــه الرحمن الرحيم


هذه مشاركة مني في كتابة قصيدة للشاعر الصاعد/

منـــــاحي بن ماجد بن مناحي الهمهم بن ربيــــــــــــــعان
في مناسبة زواج عمه/ نــــــايف بن مناحي الهمهم

فأرجو أن تنال على إعجابكم:







يا الله يلي كل الأوقات ندعيه=
يا اللي على عبدك تجيب الدعاوي=
يا ربنا اللي حزت الضيق نرجيه=
يا اللي عليه نمد كل الرجاوي=
سويت قافن معتلن في مباديه=
وخصيت من هو بالشجاعة نداوي=
نايف بطيبه بالمعاسير نطريه=
واليوم في حفله تشيل الغناوي=
في حفلته بان الفرح في مواريه=
وكلن حضرله من جميع النحاوي=
منصى الرجال اللي من البعد تاتيه=
تنصاه يوم إنه بعيد الهقاوي=
يلقون بأنواع الكرم ما يوفيه=
طيبن يساق ودلة للقهاوي=
شحمن يقلط عن ضيف مواليه=
ويلقى من أنواع الكرم كل غاوي=
له فزعتن يشهد بها من يناصيه=
وطيبه تعلى فوق نجم سماوي=
فيه الشهامة والوفاء من مباديه=
ولو كان عن مدحي وقولي غناوي=
قلته وشعري وافين في معانيه=
وأنا بشعري للمطاليق هاوي=
عمي عريب الساس كلن درى فيه=
من روس قومن ينطحون العداوي=
قومن ترى في نجد ترسي مراسيه=
أمجادهم يرويبها كل راوي=
وعمي تراه من الرباعين طاريه=
قومن على الهيلا تومر وتاوي=
يشهد لهم نجد المسمى وماضيه=
من ثقلهم مثل الجبال الرساوي=
ألاد ثابت فعلهم نفتخر فيه=
لجاء من الحكام رد البراوي=
من طيبهم عدو من المجد عاليه=
في وقت ترديد اللغاء والعزاوي=
فيهم من أنواع الكرم ما نماريه=
وبالطيب والمعروف عدن رهاوي=
حطوا لهم في الطيب والفعل توجيه=
وتدريبهم في نجد حضر وبداوي=
وديارهم وسط الجزيرة ودانيه=
وكم ديرتن ساقوا عليها الغزاوي=
ما جت بحب خشوم وإلا مناويه=
جتهم برمح وضرب سيفن قناوي=
وذوي ثبيت وفعلهم من يسويه=
أهل الفعول مزبنين الجلاوي=
ومهما ذكرنا طيبهم ما نوفيه=
الله يجملني بكل الخطاوي=
وصلوا على المختار لا حل طاريه=
نبينا راع المقام النباوي=

الله يصلحه ويبارك فيه

ولاهي غريبة منه فعل ابوه وفعل جدانه


وبيض الله وجهك

بسم الله الرحمن الرحيم


مشكووور يالغالي والله يوفقه ويصلحه ويجعله قرة عين شيابه

تسلم يا زيزوم مدركه ولا هنت يا الغالي

ووجهك أبيض يا الذيب

تسلم يا الهيلوم على المرور الأجمل من رائع ولاهنت يا الغالي

مشكور وماقصرت

تسلم اخوي على القصيدة ... ماشاء الله تبارك الله

صح لسان الشاعر

أخواني الأعـــــــــــــــــــزاء:










محب الهيــــــــــــــــــــلا




أبو راكــــــــــــــــــــان




خيــــــــــــال الجريبا



لاهنتم على المرور الرائع وصحت أبدانكم يا الذيابة